logo

сиёсат

СТРАТЕГИЯИ МИЛЛИИ РУШД ДАР ИТТИҲОДИ АВРУПО МУАРРИФӢ ШУД

Стратегияи миллии рушди Ҷумҳурии Тоҷикистон барои давраи то соли 2030, бо мақсади ошноии бештари ҷомеаи ҷаҳонӣ бо масоили вобаста ба рушди кишвар, дар шаҳри Брюссел-пойтахти Белгия дар доираи конфронси Иттиҳоди Аврупо таҳти унвони «Иттиҳоди Аврупо: расидан ба Ҳадафҳои рушди устувор» муаррифӣ гардид.
Бино ба иттилои Вазорати корҳои хориҷӣ, дар маросими муаррифии стратегия, ки 18 май баргузор гашт, ҳайати баландпояи кишвар, аз ҷумла вазири корҳои хориҷӣ Сироҷиддин Аслов, вазири рушди иқтисод ва савдо Неъматулло Ҳикматуллозода, муовини аввали роҳбари Дастгоҳи иҷроияи Президенти Ҷумҳурии Тоҷикистон Музаффар Ашуриён ширкат варзиданд. Дар ҳузури роҳбарону намояндагони воломақоми кишварҳои узви Иттиҳоди Аврупо, ниҳодҳои дахлдори масоили рушд, масъулони Шӯрои Аврупо, Комиссияи Аврупо, Хадамоти хориҷии Иттиҳоди Аврупо, Парлумони Аврупо, сафирон, ҳамзамон ташкилотҳои таҳқиқотии мухталиф, созмонҳои байналмилалӣ, байниҳукуматӣ, ғайридавлатӣ ва воситаҳои ахбори омма перомуни масоили афзалиятнок ва авлавиятдори рушди Тоҷикистон, самтҳои асосии стратегия ва роҳҳои татбиқи он мубодилаи афкори судманд сурат гирифт.
Намояндаи Малта - кишвари дар Иттиҳоди Аврупо раисикунанда, директори генералии масоили глобалӣ, рушди байналмилалӣ ва умури иқтисодии Вазорати корҳои хориҷии он Невил Акуллина ба зарурати ҳамгироии бештар дар мавзӯи конфронс-татбиқи Стратегияи миллии рушди Тоҷикистонро ҳамчун намунаи хуби навъи нави ҳамкориҳо арзёбӣ намуда, таъкиди кишвари раисикунандаро дар Аврупо ба ин санади муҳим ва ба кӯшишу талошҳо дар роҳи татбиқи он иброз дошт. Директори генералии масоили рушд дар Иттиҳоди Аврупо Стефано Мансервиси зарурати ба Тоҷикистон расондани кумаки зарурӣ ҷиҳати пиёдасозии Ҳадафҳои рушди устувор таъкид кард.
Вазири корҳои хориҷии кишвар Сироҷиддин Аслов изҳор намуд, ки «Ҷумҳурии Тоҷикистон аз фаъолтарин ширкаткунандагони равандҳои глобалӣ, алалхусус дар татбиқи Ҳадафҳои рушди устувор буда, он бо ормонҳои милливу ҳадафҳои муҳимтарини кишвари мо дар роҳи рушд ҳамоҳанг мебошад».
Хотирнишон месозем, ки бо мақсади фароҳам овардани заминаи воқеӣ ҷиҳати рушди устувори иқтисодиву иҷтимоии кишвар ва инчунин, дар заминаи ҳадафҳои нави рушди устувор, ки дар ҷаласаи 70-уми Ассамблеяи генералии СММ дар шаҳри Ню-Йорк қабул гардид, «Стратегияи миллии рушди Ҷумҳурии Тоҷикистон барои давраи то соли 2030» аз ҷониби Вазорати рушди иқтисод ва савдо бо дигар вазорату идораҳо, олимон, намояндагони шарикони рушд ва ҷомеаи шаҳрвандӣ таҳия гардидааст.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 22.05.2017    №: 102    Мутолиа карданд: 504

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед