logo

сиёсат

ФУРӮҒИ ФАРДОАФРӮЗИ ВАҲДАТИ МИЛЛӢ

Тафаккури ваҳдатгароӣ ва маърифати инсон аз фалсафаи ҳамдиливу ҳамраъйӣ, рабт ба ягонагиву иттиҳод, пеш аз ҳама, ба рӯзгоре пайванд мегирад, ки ӯ Офаридгори ягонаи хешро шинохтаву ба вуҷуди бемислу воҳиди он эътиқод пайдо намудааст. Ҳақиқати ин амр дар ҷилваҳои хоси фалсафаи ваҳдатсароиву ваҳдатгароии инсоният, гароиш ба сулҳу дӯстӣ ва парҳез аз ҷангу пархош дар таълимоти макотиби фикрии дину мазҳабҳои гуногун, таълимоту фармудаҳои орифону ҳакимон ва донишмандон, инчунин, ашъори шоирон бозтоб ёфтааст.
Давраи шукӯҳманди Сомониён, ки намоди барҷастаи давлатдории таърихӣ маҳсуб меёбад, таҷассуми равшани маҳсули ваҳдат гардидани оини давлатсозии устувор ва таҳаққуқи ормонҳои тоҷикон бар мабнои иттиҳоду ягонагии миллӣ гардидааст. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин таҷрибаи таърихии нахустдавлати миллиамонро ваҷҳи ибратомӯз барои имрӯз маънидод кардаанд.
Вақте ба воқеаву ҳодисаҳои оғози қарни бистум таваҷҷуҳ мекунем, ҳамоно таҷрибаҳои сабақомӯз ва андешаю тадбирҳои хирадварзонаи фарзандони сарсупурдаи халқи тоҷик барои ҳифзи миллат ва боқӣ мондани он дар саҳифаҳои таърих ба таври барҷаста ҷилвагар мешавад. Ба ҳамагон равшан аст, ки дар сароғози ин қарни пур аз тӯфони ҳаводис ҷараёнҳои мункири ҳастии таърихии миллати мо ба миён омада, хатари адами миллиро дар арсаи сиёсӣ эҷод намуданд. Хушбахтона, ҳузури мунаввари устод Садриддин Айнӣ, шахсиятҳои барҷастаи арсаи сиёсат Шириншоҳ Шоҳтемур, Нусратулло Махсум ва баъдтар академик Бобоҷон Ғафуров ва дигарон дар ҳифзи асолати миллии тоҷикон нақши пурфайз гузошт. Ин ҷо ба таври махсус аз хидматҳои шоёни фарзанди фарзонаи халқ, арбоби барҷастаи сиёсӣ Нусратулло Махсус метавон ишорат намуд, ки ба шарофати хидматҳои бузургу таърихӣ ва қаҳрамононаи ӯ ва дигар пайравонаш дар соли 1929 Ҷумҳурии Худмухтори Тоҷикистон ба ҷумҳурии иттифоқӣ дар ҳайати Иттиҳоди Шӯравӣ табдил дода шуд. Маҳз, ҳосили талошҳои ӯ ва дӯсти содиқаш Абдураҳим Ҳоҷибоев буд, ки дар анҷумани  сеюми шӯроҳои Тоҷикистон, дар таърихи 15-16 октябри соли 1929, масъалаи мазкур мавриди баррасӣ қарор гирифта, дар натиҷаи пофишориҳои ин марди ватандӯст Ҷумҳурии Шӯравии Сотсиалистии Тоҷикистон таъсис ёфта, ба истилоҳи имрӯз сохтмони давлати миллии тоҷикон сурат пазируфт.
Шинохт, эътироф  ва тақдири ҳамин хидматҳои барҷаста буд, ки соли 2006 бо Фармони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Нусратулло Махсум унвони олии Қаҳрамони Тоҷикистон дода шуд.
Дар марҳалаи ҷадиди таърихи  давлатдории тоҷикон дар ҳаллу фасли муноқиша ва нофаҳмиҳо маҳз бо таваҷҷуҳ ба ҳастии ҳамин таҷрибаи таърихӣ, файзёбӣ аз фарҳанги тафоҳум ва ҳамгироӣ пойдевори кохи бузурги ваҳдати навини миллии тоҷикон гузошта шуд. Ба имзо расидани Созишномаи умумии истиқрори сулҳ ва ризоияти миллӣ дар Тоҷикистон, 27 июни соли 1997, ба таври куллӣ марҳалаи тозаеро дар ҳаёти сиёсию иқтисодӣ, маънавию фарҳангии мамлакат оғоз бахшид. Тоҷикистони соҳибистиқлол, ки бар асари ҷанги шаҳрвандӣ зиёну талафоти фаровони молию ҷонӣ дида, фишангҳои иқтисодиву иҷтимоӣ ва фарҳангиву маърифатии он хароб гардида буданд, дар ибтидои давраи нави ташаккули таърихи давлатдории хеш ба буҳрони шадиди сиёсӣ мувоҷеҳ гардид. Дар чунин марҳалаи сарнавиштсози таърихӣ бар асоси сабақҳои андухта аз таҷрибаҳои таърихии гузаштагони худ заминаҳои мувофиқ барои таҳкими ваҳдати миллӣ ҳам аз назари сиёсӣ ва ҳам иқтисодию иҷтимоӣ фароҳам омада, ҷомеаи моро ба сӯи созандагиву бунёдкорӣ ва эъмори давлати ҳуқуқбунёд тамоюл бахшид. Талошҳои пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз минбари Иҷлосияи шонздаҳуми Шӯрои Олӣ сарчашма гирифта, то ба имзои созишномаи сулҳ расиданд, дарахти пурбаракати сулҳу ваҳдатро барои тоҷикистониён чун неъмати худовандӣ армуғон овард.
Эътиқоду эътимод ба ташаббусҳои таърихии давлатмардону абармардони миллати тоҷик ва такя ба қудрату тафаккури зеҳнӣ ва маънавии тоҷикон, ки ба фитрати олии инсонии ин миллати созандаву бунёдкор такя мекунад, ба Пешвои миллати мо неруи бузурге ато намуд, то дар минбари Иҷлосияи шонздаҳуми Шӯрои Олӣ башорате аз расидани сулҳи деринтизор ба сарзамини поки ниёгон - Тоҷикистони азиз диҳад ва бо ҳиммати баланду олии  инсонӣ аз миёни он гирудору сангарҳои хунрез бо меҳру ихлос ва самимияти бузург ба мардуми хеш сидқан садо баланд кунад:
- Ман ба шумо сулҳ меорам!
Ҳамин ҷумла, ки дар таркиби он як ҷаҳон садоқату ихлос ба халқу Ватан нуҳуфта буд, сарнавишти миллати моро аз парешонии навбатии таърихӣ наҷот бахшид ва роҳи ормонҳои маънавии тоҷиконро дар марҳалаи нави таърихи давлатдории онҳо муқаррар намуд. Ҳосили талошҳои Сарвари сулҳофар ва меъмори ваҳдати миллӣ дар баробари эҷоди равобити густардаи Тоҷикистон бо мамолики олам дар ҷаҳони муосир сулҳи тоҷиконро ҳамчун таҷрибаи бузургу мондагори давлатдорӣ муаррифӣ сохт. Сулҳи тоҷикон аз ҷониби сиёсатмадорони барҷастаи ҷаҳони муосир баҳои баланд гирифта, ба унвони сабақи равшани таърихӣ ва таҷрибаи тоза дар таҳкими сулҳу субот ҷойгоҳи муайян дарёфт. Бузургтарин сиёсатмадорони ҷаҳонӣ, аз ҷумла собиқ Дабири кулли Созмони Милали Муттаҳид Кофи Аннан, Президенти Федератсияи Русия Владимир Путин ва дигарон таҷрибаи сулҳи тоҷиконро намунаи ибрат номида, бархӯрдорӣ ва огаҳӣ аз ин рӯйдоди босаодатро рукни муассир дар таъмини ваҳдати қавмию миллӣ барои соири кишварҳои дунё арзёбӣ карда, дар симои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон паёмовари воқеии сулҳ ва меъмори ваҳдатро шинохтаву барои ҷаҳони муосир муаррифӣ намуданд.
Мардуми сарбаланди тоҷик имрӯз ва ҳамарӯз бо камоли сарфарозӣ ва ихлоси тамом ҳар дастуру ҳидояти ояндасози Пешвои миллатро истиқбол намуда, ҷавобан ба ин ғамхорӣ барои ба вуҷуд овардани бузургтарин ибтикороти созандагӣ ва мусоидат дар пешрафту шукуфоии кишвар, ҳифз ва густариши андешаи сулҳи тоҷикон ва фарҳанги нодири ваҳдатофаринӣ ҳар чи бештар иқдом хоҳанд варзид. Аз баракати ин ҳидояту раҳнамоиҳо дар ҳифзи ин падидаи нодири таърихӣ - ваҳдати миллӣ ҳамеша он гулҳои пуртаровату рангоранг ва сабзу хуррами умед рӯи роҳи мо қарор мегиранд, ки баробари атои эътимод ва бовар бар фардоҳои рӯшану сарсабз ва пур аз ибтикор моро  ба пиёда намудани ормонҳои нав ба нав, аз сар гирифтани иқдомҳои наҷиб, эҷоди корномаҳои нодир ва муҳимтар аз ҳама, хидматгузорӣ барои ин халқу ин Ватани азиз ҳидоят мекунанд.
Нуралӣ НУРЗОД,
номзади илмҳои филологӣ


Баёни ақида (0)    Санаи нашр: 22.05.2017    №: 102    Мутолиа карданд: 538

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед