logo

мулоқотҳо

МУЛОҚОТҲОИ САРВАРИ ДАВЛАТ БО РОҲБАРОНИ ЯК ҚАТОР КИШВАРҲО

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи ҳамоиши сарони давлатҳои олами арабу ислом ва Иёлоти Муттаҳидаи Амрико дар шаҳри Риёзи Арабистони Саудӣ бо Подшоҳи ин мамлакат Салмон ибни Абдулазиз оли Сауд, Президенти Иёлоти Муттаҳидаи Амрико Доналд Трамп ва сарони як қатор давлатҳои дигар, аз ҷумла Сарвазири Ҷумҳурии Исломии Покистон Муҳаммад Навоз Шариф, Раисҷумҳури Ҷумҳурии Исломии Афғонистон Муҳаммад Ашраф Ғанӣ, Президенти Ҷумҳурии Ӯзбекистон Шавкат Мирзиёев, Президенти Ҷумҳурии Қазоқистон Нурсултон Назарбоев, Президенти Ҷумҳурии Озарбойҷон Илҳом Алиев, Амири Давлати Кувайт Шайх Сабоҳ ал-Аҳмад ал-Ҷобир ас-Сабоҳ, Амири Давлати Қатар Шайх Тамим бин Ҳамад оли Сонӣ, Валиаҳди Амороти Муттаҳидаи Араб Шайх Муҳаммад бин Зойид оли Наҳаён, Подшоҳи мамлакати Баҳрайн Ҳамад бин Исо оли Халифа ва Сарвазири Ҷумҳурии Малайзия Наҷиб Абдурраззоқ мулоқотҳои судманду самимӣ ва созанда доир карданд.
Зимни суҳбатҳо, ки дар фазои дӯстию ҳамдигарфаҳмӣ сурат гирифт, масоили ҳамкории дуҷонибаю бисёрҷонибаи Тоҷикистон бо ин кишварҳо баррасӣ шуданд.
Сарвари давлат Эмомалӣ Раҳмон аз имкони дидор ва мулоқот бо ҳамтоёни худ изҳори қаноатмандӣ карда, ин вохӯриҳоро таконбахши рушду густариши муносибатҳо маънидод намуданд.
Ҳамин тавр, Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон бо истифода аз фурсати мусоид бо аксари онҳо ба хотири рушду густариши муносибатҳои дӯстию ҳамкорӣ дар чаҳорчӯби равобити дуҷониба ва ҳам дар доираи ташкилоту созмонҳои бонуфузи олам масоили ҳамкориро мавриди баррасӣ қарор доданд.


МУЛОҚОТ БО АБДУЛФАТТОҲ АС-СИСӢ
Шоми 20 май дар шаҳри Риёзи мамлакати Арабистони Саудӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Мисри Араб Абдулфаттоҳ ас-Сисӣ мулоқот намуданд.

Дар суҳбат вазъи кунунӣ ва дурнамои муносибатҳои гуногунҷанбаи Тоҷикистон ва Миср мавриди баррасӣ қарор гирифтанд.
Президенти мамлакат Эмомалӣ Раҳмон дар оғоз изҳор доштанд, ки мо ба густариши муносибатҳои дӯстию ҳамкорӣ назари нек дорем ва Мисрро яке аз кишварҳои меҳварӣ дар минтақа медонем.
Президенти Ҷумҳурии Мисри Араб Абдулфаттоҳ ас-Сисӣ дар рафти мулоқот ба қобилияти сулҳоварию пешвоии Президенти Ҷумҳурии Тоҷикистон баҳои баланд дода,  аз ҷумла изҳор дошт: "Мо ба шахсият ва талошҳои ибратбахши Шумо эҳтироми хос дорем".
Ҳар ду ҷониб зарурати беш аз пеш фаъол намудани Комиссияи муштараки байниҳукуматӣ оид ба ҳамкории иқтисодӣ, техникӣ ва илмиро таъкид карданд. Бо назардошти захираҳои фаровони обӣ ва гидроэнергетикии Тоҷикистон ба ташкил ва густариши ҳамкорӣ дар ин соҳа таваҷҷуҳи зиёд зоҳир гардид.
Бо ёдоварӣ ба зарарҳои ба ҳам монанде, ки ҳар ду кишвар аз терроризму ифротгароӣ, сиёсатҳои дугона ва дахолатҳои хориҷӣ дар таърихи муосири худ  рӯ ба рӯ шудааст, ба табодули маълумоти махсус ва таҷрибаи фаъолияти зиддитеррористии ҳамдигар изҳори ҳавасмандӣ карданд.
Дар охири суҳбат, ки дар фазои басо гарму дӯстона сурат гирифт, Сарвари давлат Эмомалӣ Раҳмон аз ҳамтои худ Абдулфаттоҳ ас-Сисӣ даъват намуданд, ки бо сафари расмӣ ба Тоҷикистон ташриф биёрад. Даъват бо хушнудӣ пазируфта шуд.


ГУФТУГӮИ СУДМАНД БО САРВАЗИРИ ҶУМҲУРИИ МАРДУМИИ БАНГЛАДЕШ
Дар ҳошияи нахустин саммити сарони давлатҳои арабу ислом ва Амрико Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Ҷумҳурии Мардумии Бангладеш хонум Шайх Ҳасина Вазед вохӯрданд.
Дар мулоқот ҳолати кунунии муносибатҳои дуҷониба ва роҳҳои тавсеаи ҳамкориҳои судманди байнидавлатӣ мавриди баррасӣ қарор дода шуд. Таъкид гардид, ки густариши муносибатҳои дуҷониба бо Бангладеш яке аз самтҳои муҳими сиёсати хориҷии Ҷумҳурии Тоҷикистон барои кишварҳои Осиёи Ҷанубиву Шарқӣ ба ҳисоб меравад.
Сарвари давлат Эмомалӣ Раҳмон изҳор доштанд, ки дар Тоҷикистон тамоми шароит барои фаъолиятҳои иқтисодӣ, тиҷоратӣ, сайёҳӣ ва сармоягузориҳои мустақим фароҳам буда, дар ин замина доираҳои соҳибкорию тиҷоратии Бангладеш метавонанд, ки бо ҳамтоёни тоҷики худ робитаҳои мустақим ва судманд барқарор намоянд.
Таъсиси Шӯрои соҳибкорон, Комиссияи муштараки байниҳукуматӣ оид ба ҳамкориҳои иқтисодӣ, корхонаҳои муштараки бофандагӣ ва дӯзандагӣ, коркарди биринҷ, пӯсти хом ва истеҳсоли пӯсти тайёр самтҳои афзалиятноки ҳамкориҳои дуҷониба арзёбӣ шуданд.
Хонум Шайх Ҳасина Вазед омодагию ҳавасмандии кишварашро барои тақвияти ҳамгироӣ бо Тоҷикистон дар доираи СММ, Созмони ҳамкории Шанхай ва дигар ташкилотҳои байналмилалию минтақавӣ таъкид намуд.
Ҷонибҳо рушди ҳамкорӣ дар соҳаи маорифро низ аз самтҳои ояндадори муносибатҳои байнидавлатӣ арзёбӣ карданд.
Дар идомаи суҳбат масоили тақвияти ҳамбастагии ду давлат дар мубориза ба муқобили терроризму экстремизми байналмилалӣ, гурӯҳҳои ҷинояткори фаромарзӣ ва ба роҳ мондани ҳамкории мустақими ниҳодҳои амниятӣ мавриди баррасӣ қарор дода шуданд.
Сарвари давлат Эмомалӣ Раҳмон аз хонум Шайх Ҳасина Вазед даъват ба амал оварданд, ки бо сафари расмӣ ба Тоҷикистон ташриф орад.


ВОХӮРӢ БО САРВАЗИРИ ҶУМҲУРИИ ЛУБНОН
Нимаи дуюми рӯзи 21 май дар шаҳри Риёз дар ҳошияи нахустин саммити сарони давлатҳои олами арабу ислом ва Амрико Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Ҷумҳурии Лубнон Саад Ҳарирӣ мулоқот доир карданд.
Дар он масоили вусъат додани робитаҳои судманди Тоҷикистону Ҷумҳурии Лубнон баррасӣ шуданд.
Зимни вохӯрӣ, ки хеле самимӣ ҷараён гирифт, ҷонибҳо омодагии худро барои тавсеаи ҳамкорӣ дар арсаҳои сиёсӣ, иқтисодӣ, иҷтимоӣ ва сайёҳию сармоягузорӣ, инчунин, дигар бахшҳои барои ҳар ду ҷониб судовар, иброз доштанд.
Ҷонибҳо, ҳамчунин, масъалаҳои ҳамкорӣ дар самти муборизаи муштарак бар зидди терроризм, ифротгароӣ ва дигар масъалаҳои доғро, ки ба амнияти минтақа ва кишварҳо таҳдид мекунанд, муҳокима карданд.
Дар ҷараёни мулоқот дигар масъалаҳои барои ҳар ду ҷониб судманд баррасӣ гардиданд.


Баёни ақида (0)    Санаи нашр: 22.05.2017    №: 102    Мутолиа карданд: 1042

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед