logo

иҷтимоиёт

БЕМОРИҲОИ ЗУҲРАВӢ. ДАР БОРАИ ПЕШГИРӢ ВА ТАБОБАТ

Пӯст оинаи вуҷуди инсон аст, - мегӯянд табибон. Пайдоиши хурдтарин зарра дар он аз иллате далолат мекунад.  Агар пӯстро сари вақт табобат накунӣ, ба узвҳои дигар сироят менамояд. Табибони Маркази шаҳрии бемориҳои пӯст ва зуҳравӣ ба муолиҷаи ҳамин гуна маризон машғуланд.

- Айни замон дар табобатгоҳ барои бистарӣ кардани беморон 50 кати хоб мавҷуд аст, ки 10 - тои он барои қабули рӯзона пешбинӣ гардидааст, - иброз дошт Насрулло Сайдаминов, мудири шуъбаи маркази мазкур. – Дар марказ маризони ба бемориҳои пӯст, асосан, бемориҳои замбурӯғӣ, шукуфаи сабӯсакмонанд, ониханикоз, микозҳо, оташак, сӯзок, сихаманез, гарнивела табобат меёбанд.
Табобат дар он ройгон аст. Маризони гирифтори бемориҳои замбурӯғӣ пурра бо дору таъминанд. Қариб 60 – 70 дарсади доруҳо барои бемориҳои бо роҳи алоқаи ҷинсӣ гузаранда низ ройгон мебошанд. Агар ягон доруи иловагие, ки дар анборҳои мо набошаду зарур шавад, бемор худ дастрас менамояд. Ҳоло ба беморхона бештар беморони ба маризии замбурӯғӣ гирифтор муроҷиат менамоянд.
Бояд зикр кард, ки ангезандаҳои бемориҳои пӯст аз сатҳи пасти гигиена – тозагии инсон ба вуҷуд меоянд. Барангезандагони ҳар беморӣ гуногунанд. Чунончи хоришак аз газидани кана дар ҷисми одам пайдо шуда, сарчашмаи бемориҳои замбурӯғӣ худи замбурӯғ мебошад. Бемориҳои аллергикӣ бошанд, бештар аз ҳисоби  истеъмоли ғизои носолим, истифодаи  сарулибоси  нахи сунъияш бештар пайдо мешаванд.
- Ҳоло дар ҷаҳон садҳо намуди бемориҳои пӯст ба қайд гирифта шудаанд. Табибон барои рафъи онҳо аз усулҳо ва технологияҳои навтарин, ки дастовардҳои охирини илми муосир ба ҳисоб мераванд, истифода мебаранд. 
Шароити беморхонаи мо  ба талаботи имрӯза пурра ҷавобгӯ мебошад, - мегӯяд Н.  Сайдаминов. – Дар назди беморхона  кафедраи бемориҳои пӯсти  Донишгоҳи давлатии тиббии Тоҷикистон ба номи Абуалӣ ибни Сино фаъолият дорад.
Табибони беморхона таҳти роҳбарии доктори илмҳои тиб, профессор Олим Қосимов зуд – зуд курсҳои омӯзишӣ гузашта, аз дастовардҳои навини илмӣ огаҳӣ  пайдо менамоянд. Кормандони марказ дар ин курсҳо дониши худро васеъ намуда, малака ва маҳорати касбиашонро сайқал медиҳанд.
У. МУРОД,  «Ҷумҳурият» 


Баёни ақида (0)    Санаи нашр: 23.05.2017    №: 103    Мутолиа карданд: 531

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед