logo

иқтисод

МУТОБИҚАТ БА ТАҒЙИРЁБИИ ИҚЛИМ. РАВАНДИ АМАЛИСОЗИИ ЛОИҲАҲО ЧӢ ГУНА ҶАРАЁН МЕГИРАД?

Тавсеаи  иқтидори  истеҳсолии деҳот, идоракунии захираҳои табиӣ ва баланд бардоштани қобилияти устуворӣ нисбат ба тағйирёбии иқлим – ҳадафи асосии лоиҳаи «Идоракунии экологии замин ва беҳдошти воситаҳои зиндагӣ дар деҳот» мебошад. Раванди амалишавии ин лоиҳа дар муассисаи давлатии «Душанбе - плаза» зимни конфронси навбатии солона натиҷагирӣ шуд.
Ҳамоҳангсози лоиҳа Зафар Маҳмудов иброз дошт, ки дар татбиқи лоиҳа аҳолии деҳот бо ҷалби гурӯҳҳои мақсаднок ва ташкили гурӯҳи хоҷагиҳо, ҳамчунин, ассотсиатсияҳои истифодабарандагони захираҳо ва ҷамоатҳо саҳми пешбаранда гузошта, ба истифодаи самараноки чарогоҳҳо, оби дохилихоҷагӣ ва барқарорсозии инфрасохтори маҳал дар 13 ноҳияи пилотӣ муваффақ шудаанд.
Лахш яке аз ин ноҳияҳои пилотӣ ба ҳисоб меравад. Дар ноҳия вобаста ба мушкилоти деҳаҳо 205 гурӯҳи мақсаднок ташкил шуда, айни ҳол 197 лоиҳа (ба миқдори 5 миллиону 446 ҳазору 873 сомонӣ) маблағузорӣ гардидааст. Бештари лоиҳаҳо рушди соҳаи парандапарварӣ, истеҳсоли маҳсулоти кишоварзӣ ва таъсиси гармхонаҳоро фаро мегиранд.
Раҳмиддин Раҳимбеков, мушовири техникии лоиҳа дар ноҳия, гуфт, ки татбиқи зерлоиҳаҳо бо назардошти ҷалби занон ба истеҳсолот сатҳи зиндагии мардуми деҳаро беҳбуд мебахшад.  Масалан, 25 хоҷагии ноҳияи Лахш (бо ҷалби 220 нафар зан), ки бо таҷҳизоти коркарди шир таъмин шудаанд, ба тавлиди номгӯи маҳсулоти ширӣ машғуланд. Онҳо бо зиёд кардани ҳаҷми истеҳсоли маҳсулот ва ба фурӯш баровардани он даромади оилавии худро афзун месозанд. Дар маҷмӯъ шумораи чунин хоҷагиҳо, ки аз рӯйи нақшаи лоиҳавӣ 21 ҳазор пешбинӣ шуда буд, бо ҷалби маблағҳои иловагӣ (яъне 2 миллион сомонӣ аз ҷониби хоҷагиҳо) ба 43 ҳазор хоҷагӣ расид. Ин 85 дарсади нақшаро дар бар мегирад. 15 дарсади он ба ноҳияи Фархор ва шаҳри Кӯлоби вилояти Хатлон рост меояд, Айни замон пешниҳоду дархости гурӯҳи хоҷагиҳои ин минтақа дар доираи амалишавии 300 зерлоиҳа мавриди омӯзиш қарор дорад.
Дар самти идоракунии экологӣ ва захираҳои табиӣ вазъ низ бо назардошти беҳтар гардидани ҳолати 12 ҳазор гектар замин беҳбудӣ ёфтааст. Аз ҷониби гурӯҳҳои мақсаднок ва ассотсиатсияҳои истифодабарандагони захи-раҳо дар доираи лоиҳа корҳои тоза кардани заҳбуру заҳкашҳо, насби лӯлаҳои обгузар ва обпарто, ташкили қитъаҳои намоишии парвариши зироатҳои ба хушкӣ тобовар, ҳамчунин, бунёди боғҳо бо усули қатрагӣ ва ҳамвор кардани заминҳои обёришаванда анҷом ёфта, сатҳи зиндагии мардуми деҳот нисбатан беҳтар гардонда шуд. Иҷрои ин гуна корҳо ва таъмини эҳтиёҷоти аҳолии деҳот ба таҷҳизоти аз ҷиҳати экологӣ бехатар имконият медиҳад, ки онҳо ба идоракунии захираҳои табиӣ ва мутобиқат ба тағйирёбии иқлим ноил гарданд. Дарки моҳияти ин масъала аз ҷониби аҳолӣ хеле муҳим мебошад. Аз тарафи масъулони лоиҳа дар деҳот ва ҷамоатҳо баргузор кардани тренинг – омӯзиш, ташкили системаи иттилоотии идоракунии дониш ва паҳн намудани ахбори истифодаи методҳои устувори идоракунии замин як қисми аҳолиро ҳавасманд гардонд. Вале ин ҳанӯз кифоя нест.
Мубодилаи таҷриба ва дониш ба сокинони деҳот имконият медиҳад, ки ба методҳои инноватсионӣ гузаранд. Ба воситаи методҳои инноватсионӣ самаранокии истеҳсолоти деҳот беҳтар, таназзули замин камтар мешавад ва устуворӣ ба тағйирёбии иқлим баланд мегардад.
Лоиҳа бо тавонмандии ба даст овардани манфиатҳои муҳими экологӣ, иқтисодӣ ва иҷтимоӣ барои пешгирӣ ва паст кардани эрозияи замин, беҳтар гардидани ҳолати чарогоҳҳо бо усули барқарорсозии биогуногунии экологии чарогоҳҳо,  беҳтар намудани сифати хок ва баланд бардоштани ҳосилнокии заминҳои кишоварзӣ, ҳамчунин, баланд бардоштани таъминоти устувори барқ ва манбаъҳои барқароршаванда, такмили самаранокии истифодабарии захираҳои обӣ ва амсоли инҳо, ки  аз проблемаҳои асосии деҳотанд, таъсири бевосита мерасонад.
Ёдовар мешавем, ки лоиҳа аз ҷониби Кумитаи ҳифзи муҳити зисти назди Ҳукумати ҷумҳурӣ дар доираи Барномаи пилотӣ оид ба мутобиқшавӣ ба тағйирёбии иқлим бо дастгирии Бонки ҷаҳонӣ ва Фонди глобалии экологӣ амалӣ мешавад. Муҳлати татбиқи он то моҳи майи соли 2018 аст.
О. ВАФОБЕКЗОДА, «Ҷумҳурият»


Баёни ақида (0)    Санаи нашр: 23.05.2017    №: 103    Мутолиа карданд: 723

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед