logo

сиёсат

МАСИРИ МУРАККАБ. АЗ ПАРОКАНДАГӢ ТО ИТТИҲОДИ ВОҚЕӢ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои нахустини Сарвари давлат интихоб гаштан баҳри ба эътидол овардани вазъи ҷамъиятию сиёсӣ кӯшиши зиёд намуданд. Баргардондани гурезаҳо ба макони доимии зисташон яке аз вазифаҳои аввалиндараҷа ба ҳисоб мерафт, ки дар он вазъияти мураккаб кори саҳлу осон набуд.
Барои ба ин ҳадаф расидан 24 ноябри соли 1992 дар Иҷлосияи XVI Шӯрои Олӣ Қонуни Ҷумҳурии Тоҷикистон «Дар бораи гурезагон» ба тасвиб расид. Дар ин росто 6 январи соли 1993 Қарори Раёсати Шӯрои Олӣ «Дар бораи сафари ҳайати намояндагони Ҷумҳурии Тоҷикистон ба Давлати Исломии Афғонистон» қабул шуд. Мувофиқи қарори мазкур барои иштирок дар музокироти байни Ҷумҳурии Тоҷикистон ва Ҷумҳурии Исломии Афғонистон ҷиҳати ҳалли масъалаи ба Ватан  баргардондани фирориён дар ҳайати 19 нафар намояндаи Тоҷикистон тасдиқ гардид. Ҳайати мазкурро лозим  омад, ки чанд маротиба бо фирориён, намояндагони мухолифон вохӯрию суҳбатҳои тӯлонӣ  намояд.
Вақте дар ин мавзӯъ бо як узви гурӯҳи ҳукуматӣ суҳбат доштем, ӯ лаҳзаи вохӯрӣ бо ҳамватанонамонро дар Афғонистон ба хотир овард. Вохӯрии онҳо дар бемористоне, ки чанде аз фирориёни тоҷик табобат мегирифтанд, сурат гирифт. Ба саволи онҳо, ки оё хоҳиши ба Ватан баргаштан доред,  беморе чунин ҷавоб медиҳад:
- Об агар сад пора гардад, боз бо ҳам  ошност.
Ин ҷавоб моро мутаассир кард. Маълум, ки гурезаҳо пазмони Ватани аҷдодианд.
Муроҷиатномаи Сарвари давлат, Раиси Шӯрои Олии Ҷумҳурии Тоҷикистон Эмомалӣ Раҳмон ба фирориён дилгармӣ ва эътимод ба ояндаи некро мебахшид: «Моҳҳост, ки гуфтушунидҳои самарабахш бо неруҳои гароишҳои мухталифи сиёсӣ  ҷорист ва мо азми қавӣ дорем, ки ҷиҳати тафоҳуми комили ҳама фарзандони модари тоҷик онро давом диҳем. Бародар аз пайи кини бародар намеравад. Ҳама муштоқи дидори шумоянд ва бовар доранд, ки шумо имрӯзу фардо боз хоҳед баргашт, дасти бародарони худ хоҳед гирифт ва Ватани ниёгони хешро обод, чароғи хонаи падариро равшан хоҳед кард».
Дар роҳи сулҳу ваҳдат қавлу амали Сарвари давлат як буд. Дар шароити душвор ба минтақаҳое сафар мекарданд, ки муқовиматҳои мусаллаҳона идома доштанд. Сарвари давлат 14 майи соли 1994 бо мардуми ноҳияи Ғарм мулоқот намуданд, ки муҳтавои асосии он сулҳу ваҳдат буд. Ба мардум муроҷиат карда, гуфтанд, ки мо бояд дар атрофи як ҳадафи бузург -  бунёди давлати соҳибистиқлоли Тоҷикистон ва ба ин васила ба даст овардани ваҳдати миллӣ муттаҳид шавем.
Саъю талоши роҳбарияти олии мамлакат дар роҳи ба эътидол овардани вазъи ҷомеа нек амалӣ мешуд. Нахустин фирориён аз Ҷумҳурии Исломии Афғонистон ба Ватан баргаштанд. Сарвари давлат Эмомалӣ Раҳмон дар истгоҳи роҳи оҳани Хушодии ноҳияи Шаҳритуз 2 сентябри соли 1994 онҳоро истиқбол гирифтанд.
Бо кӯшиши зиёд роҳ ба сӯи сулҳу ваҳдат кушода мешуд. Ҷустуҷӯи роҳҳои алтернативии ҳалли мушкилот ва расидан ба сулҳу ризоияти миллӣ тақвият меёфт. Ниҳоят 27 июни соли 1997 дар шаҳри Маскав Созишномаи умумии истиқрори сулҳ ва ризоияти миллӣ дар Тоҷикистон ба имзо расид. Сулҳу ваҳдат бо заҳмат ва талошҳои Президенти Ҷумҳурии Тоҷикистон муҳтарам Эмомалӣ Раҳмон насиби мо гашт.
Дар як давраи нисбатан кӯтоҳ ва бо роҳи ғайринизомӣ, яъне музокироти сиёсӣ хомӯш кардани оташи ҷанги дохилӣ, ки Тоҷикистон гирифтори он гашт, дастоварди нодир ва таҷрибаи омӯзанда ба шумор меравад. Чунин баҳогузорӣ ба сулҳи тоҷикон асоси воқеӣ дорад. Ободию таъмини амнияту осудагии мардум вазифаи ҳар сарвари давлат аст. Аммо на ҳар сарвари интихобгардида пеши роҳи  фоҷиа ё ҷангро гирифта  метавонад. Агар чунин намебуд, ҷангу нооромиҳои Афғонистон, Шарқи Наздик ва минтақаҳои дигари олам солҳои тӯлонӣ давом намекарданд.
Бо ҳамин Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвару мардумро аз харобию парокандагӣ наҷот доданд ва ба идеологияи ваҳдати миллӣ асос гузоштанд. Ин хизмати бебаҳои Сарвари муаззами давлат дар арсаи байналмилалӣ эътироф ва аз ҷониби сиёсатмадорону шахсиятҳои шинохта баҳогузорӣ шудааст. Нависандаи арсаи ҷаҳонӣ Чингиз Айтматов дар бораи раванди сулҳи тоҷикон изҳори ақида намуда, навиштааст: «Дар муддати хеле кӯтоҳ ба мувофиқа расидани тарафҳои ҷангзада бозёфти нодир дар ҷодаи сулҳофарӣ мебошад. Таҷрибаи ҷаҳонӣ нишон медиҳад, ки ҳал намудани қазияи ҷанги шаҳрвандӣ аз дигар намуди ҷангҳо душвортар аст. Ҷаноби Раҳмонов рисолати сулҳро ҷавонмардона ба  даст гирифт».
Узви парлумони Аврупо аз Ҳизби халқии Тиропи ҷануби Италия, роҳбари Шӯрои Ҳизби халқии Аврупо, ҳамзамон роҳбари Гурӯҳи дӯстии парлумони Аврупо ва Тоҷикистон Херберт Дофман таҷрибаи Тоҷикистонро дар барқарор намудани сулҳ ва расидан ба ризоияти миллӣ таҳти ҳимояи СММ муҳим арзёбӣ карда, гуфтааст, ки дар бартараф сохтани муноқишоти миллӣ дар дунё метавон аз он ба сифати намуна истифода бурд.
Маҳбубияти Пешвои миллат ҳамчун бунёдгузори давлати навини тоҷикон ва меъмори сулҳу ваҳдат бесобиқа аст. Ин ҳарфҳои самимӣ дар баромадҳои иштирокчиёни Анҷумани тоҷикон ва форсизабонони ҷаҳон дар маҷлиси  тантанавӣ бахшида ба 2500 - солагии Истаравшан, 10 сентябри соли 2002, бо эҳтироми хоса садо доданд. Озарахши Ҳафизӣ (Олмон) дар баромадаш аз ҷумла зикр кард: «Ифтихори  бузург аст, ки Шумо дар дили ҳамаи ҳамзабонон ва ҳамфарҳангон на танҳо дар қаламрави Тоҷикистон, балки бисёр дуртар аз марзҳои Тоҷикистон – Амрико, Олмон, Фаронса, Бритониё, Австралия ва ҳар ҷое, ки қаламрави густурдаи фарҳанги мост, ҳузур доред. Ба Шумо меҳр меварзанд, холисона ва бидуни эҳтиёҷ ва ниёз эҳтиром мегузоранд. Ин ифтихори бузургест, ки камтар насиби як роҳбар дар замони ҳозира шудааст».
Беҳтарин таманниётро нисбат ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар ин ҳамоиш Асомиддини Қиёмиддин аз Арабистони Саудӣ баён медорад:
«Ваҳдат дар якдинӣ, якоинӣ, ҳамзабонӣ, якдиливу якрангӣ, якпорчагӣ ва билохира яктоҷикии саросарии ҷаҳонӣ таҳти роҳбарии Сардори тоҷикони ҷаҳон аст, ки месазад гӯем:
Зинда бод ҳамбастагии халқи тоҷик дар ҷаҳон, Парчамаш бодо баланду хоки покаш дар амон».
Аъзам МӮСОЕВ,
Корманди шоистаи Тоҷикистон


Баёни ақида (0)    Санаи нашр: 23.05.2017    №: 103    Мутолиа карданд: 718

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед