logo

иқтисод

ИСФАРА. 32 МИЛЛИОН СОМОНӢ БАРОИ ОБОДОНӢ

Мақомоти иҷроияи маҳаллии ҳокимияти давлатии шаҳри Исфара тайи чанд моҳи ахир ба мушкили иҷрои нақшаи андози давлатӣ мувоҷеҳ гардидааст. Барои ҳалли ин масъала мутахассисони мақомот тадбирҳои мушаххас андешида, ҳамкориро бо бахши хусусӣ вусъат додаанд.
Танҳо дар чор моҳи соли равон аз ҷониби соҳибкорони шаҳри Исфара маблағи беш аз 10 миллион сомонӣ равона гардид, ки нисбат ба солҳои қаблӣ ба маротиб зиёд мебошад. Аксари маблағҳо барои анҷоми корҳои ободонию созандагӣ равона шудаанд. Масалан, барои азнавсозии боғи фарҳангиву фароғатии ба номи Сайфуддини Исфарангӣ, воқеъ дар маркази шаҳр, аз ҷониби соҳибкорони маҳаллӣ дар ҳаҷми 5 миллион сомонӣ маблағ ҷудо гардид. Иқдому ташаббусҳои пешгирифтаи мақомоти маҳаллӣ дар самти бунёдкорию созандагӣ аз ҷониби соҳибкорон дастгирӣ меёбанд. Дар баробари ин, пешрафти дигар соҳаҳо аз дуруст ва ҷавобгӯ ба талаботи рӯз ба роҳ мондани ҳамкорӣ бо ташкилот ва созмонҳои байналмилалӣ низ вобаста мебошад. Дар ин самт Исфара миёни дигар шаҳру навоҳии вилояти Суғд аз ҷумлаи муваффақтаринҳост. Бо дарки муҳимияти ин масъала мақомоти иҷроияи ҳокимияти давлатӣ дар оғози сол баъди танаффуси тӯлонӣ боз бахши робитаҳои хориҷиро бо шакл ва симои нав таъсис дод.
Мудири бахши робитаҳои хориҷии мақомоти иҷроияи ҳокимияти давлатии шаҳр Маъруфҷон Бузургхоҷаев гуфт, ки  дар шаҳр татбиқи 24 лоиҳа бо маблағи зиёда аз 30 миллион сомонӣ ҷараён дорад. Инҳо лоиҳаҳои «Парма кардани чоҳи оби зеризаминӣ дар маҳаллаи Тоҷикони Ҷамоати деҳоти Ворух», «Чароғон кардани кӯчаҳои наздисарҳадии деҳаҳои Сомониён ва Хоҷаи Аълои Ҷамоати деҳоти Чоркӯҳ», «Тоза намудани канали деҳаи Сурхи Ҷамоати деҳоти Сурх» мебошанд, ки бо дастгирии Барномаи Созмони Милали Муттаҳид оид ба ҳамкории наздисарҳадӣ барои таъмини сулҳи устувор ва рушд дар мавзеъҳои наздисарҳадии шаҳру деҳоти Исфара амалӣ гардида, то имрӯз ба миқдори 960 ҳазор сомонӣ маблағ аз худ карда шудааст. Ҳамчунин, амалӣ шудани лоиҳаи «Обтаъминкунӣ ва санитарияи деҳоти водии Фарғона»,  имкон фароҳам меорад, ки  аҳолии деҳоти Чилгазӣ ва Кӯлканд пурра бо оби нӯшоӣ ва полизӣ таъмин бошанд.
- Айни ҳол мушкили асосии сокинони шаҳраку деҳот норасоии оби нӯшиданӣ ба ҳисоб меравад. Масалан, таъмини аҳолии деҳоти Ворух бо оби нӯшиданӣ ба масъалаи актуалӣ табдил ёфтааст. Дар ноҳия ҷӯйборҳои худҷорӣ қариб, ки нестанд ва зиёда аз 90 дарсади  обёрӣ тавассути пойгоҳҳои обкашӣ сурат мегирад. Ҷиҳати таъмини боғоти деҳоти Ворух ду чоҳи амудӣ барои обёрии 23 гектар боғи нав мавриди истифода қарор гирифт. Аҳолии деҳаи Бедаки  ин ҷамоат низ аз беобӣ танқисӣ мекашанд. Ба ин хотир, бо ҷалби маблағгузории созмонҳои хориҷӣ дар деҳа як чоҳи амудӣ бунёд шуд. Чунин иқдом дар маҳаллаи Сомониёни Ҷамоати деҳоти Чоркӯҳ низ сурат гирифт: зиёда аз 200 километр канал тоза карда, аҳолӣ бо оби полизӣ таъмин гардид. Баъди барқарорсозии иншооти обӣ кишоварзон тамоми фасли сол бо об таъмин мешаванд.  
Дар деҳаи Навгилем бошад, татбиқи лоиҳаи «Оид ба таъмини оби нӯшиданӣ» оғоз ёфт. Дар доираи он бошандагони деҳаи Кӯлканд пурра бо оби тоза таъмин шуданд.
Дар маҷмӯъ, тайи чор моҳи соли равон маблағи 32 миллион сомонӣ мақсаднок истифода шуда, чандин мушкили иқтисодию иҷтимоии шаҳрро осон кард. То охири сол бо ҷалби  шарикони рушд ба 53 миллион сомонӣ расондани маблағҳо ҷиҳати ҳалли масоили иҷтимоӣ, аз ҷумла ободонӣ, дар назар аст, - иброз дошт Маъруфҷон Бузургхоҷаев.   
 Ҷовиди АШТӢ, «Ҷумҳурият»


Баёни ақида (0)    Санаи нашр: 24.05.2017    №: 104    Мутолиа карданд: 564

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед