logo

ҳуқуқ

ТЕРРОРИЗМ. МУБОРИЗА АЛАЙҲИ ОН ТАДБИРҲОИ ДАСТАҶАМЪОНАРО ТАҚОЗО ДОРАД

Рӯйдодҳои охири ҷаҳон, яъне боз ҳам тезутунд гардидани вазъ дар Шарқи Наздик, Осиё, Африқои Шимолӣ, Аврупо ва дигар минтақаҳои дунё нишон медиҳанд, ки терроризм ва экстремизм ба хатарҳои аввалиндараҷаи ҷаҳони муосир табдил ёфтаанд. Доманаи фаъолияти созмонҳои террористӣ торафт васеъ  шуда, фаъолияти онҳо, аз ҷумла дар ҳамсоякишвари мо - Афғонистон вазъиятро боз ҳам мураккабтар гардондааст.
Зуҳуроти даҳшатноку нафратовари терроризм, ки аксаран таҳти шиорҳои динию мазҳабӣ сурат мегиранд, ба дини мубини ислом иртиботе надоранд, баръакс аз ҷониби душманони ин дини муқаддас роҳандозӣ мешаванд.
Ҳар рӯз тавассути расонаҳои хабарӣ, шабакаҳои телевизионӣ аз амалҳои террористии гурӯҳи “Давлати исломӣ” дар Ироқу Сурия ва дигар кишварҳо хабару гузоришот дарҷу пахш мегарданд. Сокинони сайёра ваҳшонияти ҷангиёнро, ки худро ҳомии ислом хонда, мардуми бегуноҳро катли ом мекунанд, қотеона маҳкум менамоянд.
Дигар ҷиҳати воқеан ташвишовар он аст, ки бо вуҷуди ваҳшонияти гӯшношуниди террористон дар сафи онҳо шаҳрвандони кишварҳои пасошӯравӣ низ меҷанганд. Мутаассифона, аз Тоҷикистони мо ҳам. Ва ин дар ҳолест, ки давлати ҷавони мо дар солҳои аввали соҳибистиқлолӣ гирифтори ҷанги таҳмилии шаҳрвандӣ шуд ва пиру ҷавон бо чашми сар ҳама даҳшату ваҳшат ва харобкориҳои онро диданд. Яъне, баъди ин сабақи талхи таърихӣ мо бояд миллате бошем, ки ҷангро чашми дидан накунем ва танҳо дар як ҳолати истисноӣ - ҳимояи Ватан силоҳ ба даст бигирем.
Пас чаро як идда ҷавонони тоҷик ба “Давлати исломӣ” пайвастаанд? Зимнан, то ҷое маълум аст, аксари кулли онҳо ҳангоми муҳоҷирати меҳнатӣ дар Русия будан ба Сурия рафтаанд. Ба ин савол, аз ҷумла чунин посух мегӯянд, ки барои пулкоркунӣ рафтаанд. Яқин, ки онҳо фирефтаи таблиғоти гумоштаҳои ин гурӯҳи террористӣ ва сомонаҳои он, ки “кӯҳи тиллоӣ” ваъда медиҳанд, шуда бошанд. Бехабар аз он, ки онҳоро дар он ҷо на пули калон, балки марг интизор аст.
Дар ин иртибот, як масъалаи муҳимро зикр кардан зарур аст. Солҳои охир дар диёри орому осоиштаи мо бо роҳнамоии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корхонаҳои хурду калони зиёд мавриди истифода қарор гирифтаанд, то ки ҷавонон ҳар чи камтар ба муҳоҷират рафта, рӯзгорашонро дар Ватан бо меҳнати ҳалол обод созанд. Яъне, Ҳукумати мамлакат тамоми тадбирҳоро андешида истодааст, ки мушкилоти иқтисодию иҷтимоиро пайваста ҳал карда, сатҳу сифати зиндагии мардумро баланд бардорад. Як мисол. Танҳо соли гузашта дар шаҳри Душанбе дар маҷмӯъ 125 иншооти нав ба маблағи 2,2 миллиард сомонӣ ба истифода дода шуда, зиёда аз 20 ҳазор нафар соҳиби ҷойи кор гардид.
Дигар ҷиҳати нигаронсози масъала он аст, ки иддае аз ҷавонони гумроҳ, бинобар дониши казоӣ надоштан гирифтори тарғиботу дасисаҳои экстремистӣ мегарданд. Ва ин дар ҳолест, ки давлати дунявии мо барои шаҳрвандонаш он қадар масҷид бунёд кардаасту иҷозати сохтан додааст, ки дар ягон давру замон ба ин миқдор набуд ва ба хурду бузург дари онҳо кушода аст. Пас ҷурм дар куҷост? Дар он аст, ки иддаи ҷавонон намоз хонанд ҳам, Қуръон намехонанд (он борҳо ба забони давлатӣ нашр шудааст), аз фармудаҳои он, ҳадисҳои Паёмбар (с) огоҳ нестанд. Вагарна ҳеҷ набошад мефаҳмиданд, ки ҷиҳод ин на даъват ба ҷангу одамкушӣ, балки дониш андухтан, ба кори ҳалол машғул шудан, оилаи солим бунёд кардан, фарзандони солеҳ парвардан, хизмати падару модар ва Ватанро ба ҷо овардан аст. Дар масҷидҳо ходимони дин бояд ин фаризаҳоро ба ҷавонон талқин кунанд.
Соли 2017 аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Соли ҷавонон эълон гардид, ки ин эътимод ба имрӯзу фардои неки насли ҷавон аст. Ин неруи бузурги созанда, ҳамчунин, бояд сипари боэътимоди Тоҷикистони шукуфои мо аз ҳама гуна хатарҳои терроризму экстремизм бошад.  Ба ин хотир таъкиди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бояд ҳамеша дар хотир дошт: «Терроризм ва экстремизм аз як ҷониб чун вабои аср хатари глобалии ҷиддӣ буда, аз ҷониби дигар аъмоли он гувоҳ аст, ки терроризм Ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст». Мубориза бар зидди даҳшатафканию ифротгароӣ фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳама кишварҳои дунёро дар пешорӯи ин хатари умумӣ тақозо менамояд.
Ҳусейн ҲАМИДЗОДА,
мудири бахши таъминоти ҳуқуқии
Хадамоти зиддиинҳисории назди
Ҳукумати Ҷумҳурии Тоҷикистон


Баёни ақида (0)    Санаи нашр: 26.05.2017    №: 105    Мутолиа карданд: 926
29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр


Дар сомонаҳои дигари Тоҷикистон хонед