logo

иқтисод

НАФАҚА. Чанд паҳлуи як проблема

Соли гузашта дар дастгоҳи марказии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон қариб 640 арзу шикояти шаҳрвандон доир ба таъйину пардохти нафақа ба қайд гирифта шудааст. Кашолкории масъулони соҳа  дар самти таъйини нафақаи шаҳрвандон қисми асосии арзу доди корафтодагон аст. Баъзе аз нафақагирон танҳо барои тасдиқи маълумотномаи хеш дар раёсатҳои минтақавии агентӣ,  ки он чандон кори заҳматталабу мураккаб нест, ҳафтаҳо интизорӣ мекашанд.
Айдигул  Исророва, сокини шаҳри Душанбе, гуфт, ки барои гирифтани  маълумотнома дар бораи собиқаи меҳнатӣ аз  раёсати Агентии суғуртаи иҷтимоӣ ва нафақа дар ноҳияи Фирдавсии пойтахт қариб 15  рӯз  саргардон буд.
- Ҳар бор, ки  ба ин идора  муроҷиат менамудам, кормандони он додани маълумотномаро  ба рӯзҳои дигар гузошта, корро кашол медоданд, - гуфт номбурда.
Шамияи Нозимдухт, сокини ноҳияи Лахш, маъюби гурӯҳи дуюм,  низ аз зумраи нафақагиронест, ки бо сабаби бемасъулиятии бахши минтақавии агентӣ дар водии Рашт 5 моҳ  боз нафақапулиашро нагирифтааст.
 - Ҳарчанд духтари ман моҳи  январи соли равон аз ташхиси такрории тиббӣ гузашт, аммо бо иллати  нодуруст ҳуҷҷатгузорӣ шудани он аз ҷониби идораи суғуртаи иҷтимоӣ ва нафақаи ноҳия то ҳол ӯ нафақаашро нагирифтааст. Тӯли  ин муддат борҳо ба ин ниҳод муроҷиат намудам, вале посухи дуруст нагирифтаам. Ҳамеша дар ин ҷо бори дигар баррасӣ гардидани ҳуҷҷатҳоро дар раёсати минтақавии агентӣ ва барқарор намудани нафақаи духтарамро ба  ман ваъда медиҳанд.  Мутаассифона,  бо гузашти 5 моҳ барои  ҳалли масъалаи мазкур аз сӯйи идораи  номбурда  тадбире андешида нашуд ва номаълум  аст, ки маблағи нафақаи маъюбии духтарам ба куҷо меравад, - изҳор дошт Нозим Фақиров, падари Шамия.     
Абдулҳаким Исматов, сардори раёсати назорати таъйину пардохти нафақа ва андухтҳои нафақавии агентӣ,  изҳор дошт, ки  муҳлати тасдиқи маълумотномаи  шаҳрвандон дар бораи собиқаи меҳнатӣ ва маъюбӣ, ки  ба раёсатҳои минтақавии агентӣ пешниҳод мегардад,  мувофиқи қонунгузорӣ даҳ рӯз муқаррар  шудааст.  Ҳолатҳои  ба таъхир афтодани таъйини нафақаи шаҳрвандон дар бисёр маврид бо сабаби номукаммалии ҳуҷҷатҳо сурат гирифтаанд. Дар мавриди  норасоии ҳуҷҷат кормандони соҳа вазифадоранд, ки ба шаҳрванд тартиби  дурусти пешниҳоди онро фаҳмонанд.  Дар маҷмӯъ  барои баррасию  омодасозии пурраи ҳуҷҷатҳои нафақагир 30 рӯз муҳлат  муқаррар гардидааст.  Барои вайрон сохтани муқаррароти мазкур мувофиқи Қонуни Ҷумҳурии Тоҷикистон «Дар бораи нафақаҳои суғуртавӣ ва иҷтимоӣ»   шахсони воқеӣ ва ҳуқуқӣ ба ҷавобгарӣ кашида мешаванд.
Тавре шоҳидони ҳол баён менамоянд, танзими ҳуҷҷатҳо барои ба нафақа баромадан ва ташхиси тиббӣ моҳҳо  тӯл мекашанд, ҳол он ки  қонунгузории кишвар раванди омодасозии пурраи ҳуҷҷатҳоро дар ин самт на бештар аз як моҳ муқаррар  намудааст. Аз ҳолатҳои ба таъхир гузоштани тасдиқи маълумотнома ва тайёр намудани ҳуҷҷатҳои дигари нафақагирон  бармеояд, ки бархе аз масъулони соҳа барои иҷрои саривақтии уҳдадориҳои хеш ба тамаъҷӯиву ришваситонӣ даст мезананд.  Зимни  нишасти матбуотии моҳи январ  Назокат Одинаева, муовини якуми директори Агентии суғуртаи иҷтимоӣ ва нафақа, изҳор дошт, ки соли гузашта ҳангоми  санҷиши фаъ-олияти раёсату шуъбаҳои агентӣ дар  шаҳру навоҳӣ доир ба таъйину пардохти нафақа  аз рӯи маъюбӣ  232 ҳолати нодуруст таъйин ва бозҳисобӣ шудани нафақаи шаҳрвандон  ошкор карда шуд.
Саҳлангории кормандони агентӣ барои таъйини нафақаи шаҳрвандон   дар шаҳру навоҳӣ боиси нигаронист. Фаромӯш набояд  кард, ки дастгирии иҷтимоии аҳолӣ аз самтҳои муҳими сиёсати давлату Ҳукумати кишвар буда, шаффофу дуруст ба роҳ мондани таъйину пардохти нафақа рисолати асосии масъулони ниҳоди номбурда мебошад.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 26.05.2017    №: 105    Мутолиа карданд: 664

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед