logo

фарҳанг

РИСОЛАТИ БУНЁДӢ. ОЗМУНИ "ҶУМҲУРИЯТ" ҶАМЪБАСТ ШУД

Дар солҳои аввали Истиқлолияти давлатӣ, ки Тоҷикистон гирифтори муноқишаҳои дохилӣ гардида, фазои ошуфтагӣ, бенизомиву бесуботӣ ҳукмронӣ мекард, умед танҳо ба шахсияте буд, ки бо фазли Илоҳӣ дар роҳи расидан ба саодати миллӣ ҳодиву раҳнамои халқи вомонда бошад. Ба иқболи мардуми тоҷик дар чунин давраи сангини таърих, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саҳнаи сиёсиву давлатдорӣ зуҳур намуд ва бо талошҳои пайгиронаи ин сиёсатмадори тавонманд ҷанги таҳмилии шаҳрвандӣ хотима ёфта, сулҳу ваҳдат дар мамлакат тантана кард.
Ин матлаб дар маросими бошукӯҳи ҷамъбасти озмуни Нашрияи расмии Ҷумҳурии Тоҷикистон-рӯзномаи «Ҷумҳурият», ки якҷо бо мақомоти иҷроияи маҳаллии ҳокимияти давлатии ноҳияи Рашт бахшида ба 20 - солагии Рӯзи Ваҳдати миллӣ ва ба хотири гиромидошти Қаҳрамони Тоҷикистон Нусратулло Махсум эълон шуда буд, баён гардид. Ҷамъбасти озмун, ки рӯзи 25 май дар ноҳия Рашт баргузор гашт, доираҳои васеи илмию адабӣ, шоиру нависандагон, таърихнигорону дигар аҳли зиёро ба ҳам овард.
Қурбоналӣ Раҳмонзода, сармуҳар-рири рӯзномаи «Ҷумҳурият, изҳор дошт, ки "арҷгузорӣ ба хизматҳои мондагори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи расидан ба сулҳу ваҳдати миллӣ, таъмини саодати рӯзгор, сарсабзии мардуми сарбаланди тоҷик ва ҳамчунин, шинохти чеҳраи воқеии Қаҳрамони Тоҷикистон Нусратулло Махсум аз ҳадафҳои аслии озмун буд.
Натиҷаҳои озмун нишон доданд, ки рӯзномаи "Ҷумҳурият" ва мақомоти иҷроияи маҳаллии ҳокимияти давлатии ноҳияи Рашт дар иҷрои ҳадафҳои пешбинишуда муваффақ шуданд. Зеро маводи дар доираи озмун нашршуда, дар тақвияти андешаи давлатмеҳварӣ, худогоҳии миллӣ, ҳифзу гиромидошти арзишҳои сулҳу ваҳдати миллӣ мусоидат хоҳад кард».
Қаноатшо Лоиқзода, раиси ноҳияи Рашт, зикр кард, ки маҳз бо талошҳои пайгиронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мо ваҳдати комили миллӣ ба даст оварда, дар партави сиёсати бунёдкоронаи роҳбарияти олии кишвар дар мамлакат, аз ҷумла дар ноҳияи Рашт корҳои созандагиву бунёдкорӣ идома доранд. Раиси ноҳия таъкид кард, ки маҳз сиёсати воқеъбинонаи Пешвои муаззами миллат буд, ки мо дар даврони Истиқлолияти давлатӣ ба арзишҳои таърихии миллати куҳанбунёди хеш рӯ овардем ва дар мисоли Нусратулло Махсум номи қаҳрамонони худро зинда кардем.
Дар озмун, ки аз 1 феврал то 25 майи соли ҷорӣ идома дошт, беш аз 70 матолиб дар қолаби жанрҳои мухталифи журналистӣ ворид гардида, 30 адади он бо салоҳдиди ҳайати эҷодӣ рӯи чоп омад. Ҳайати доварон баъд аз омӯзиши ҳамаҷонибаи матолиби нашршуда, Камол Насрулло, Шоири халқии Тоҷикистон ва муаллифи матлаби «Ваҳдат оинаи башоратҳост»-ро ғолиби озмун донистанд. Тибқи баҳогузории ҳайати ҳакамон Абдукарим Мустафозода ва Худодод Зайниддин  сазовори ҷойи дувум, Ато Ҳамдам, Умари Шерхон ва Нуралӣ Нурзод ба гирифтани мақоми сеюм мушарраф гардиданд. Ҳамчунин, бо пешниҳоди доварон 5 нафар иштирокчии фаъол бо Ифтихорномаи «Ҷумҳурият» қадр шуд. Дар фазои тантанавӣ ба ғолибони озмун ва иштирокчиёни фаъол, диплом, ифтихорнома ва туҳфаҳои ҳавасмандӣ тақдим гардиданд.
Дар хотима пешниҳоди барномаи фарҳангӣ аз ҷониби ҳунармандони Филармонияи халқии ноҳияи Рашт ба номи Абдулазиз Расулов, ин маросимро рангину хотирмон кард.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 26.05.2017    №: 105    Мутолиа карданд: 470

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед