logo

иҷтимоиёт

ҲАМОВОЗӢ. АНДЕШААМРО ДИГАР КАРДАМ

Матлаби «Ёфтаниҳо. Мо ба он чӣ гуна муносибат мекунем?» - ро аз рӯзномаи «Ҷумҳурият» (1 майи соли 2017) мутолиа кардам. Абдулқодири Раҳим, хабарнигори «Ҷумҳурият», воқеан, масъалаеро мавриди баррасӣ қарор додааст, ки пеш аз ин дар матбуоти кишвар дар ин хусус нахонда будам. Муаллиф барҳақ таассуф аз он хӯрдааст, ки «посухи мо дар маҷмӯъ дар ин маврид мусбат нест. Ҳарчанд ки бояд мусбат бошад». Таассуф боз аз он аст, ки ҳақиқату сифатҳои нек ва чунин қонунҳои навиштаву нонавишта ба тадриҷ аз миён мераванд. Ин масъала бошад, камтар касонро ба изтироб меорад. Ҳол он ки сухан аз пойдории беҳтарин анъанаҳо, расму оинҳои миллию динии мо аст.
Ман пас аз мутолиаи ин матлаб ба дурустӣ дарёфтам, ки мо дар мавриди ёфтаниҳо чӣ масъулияти бузурге доштаем. Пас чаро масъулиятшинос нестем? Посух ба ин пурсиш зиёду гуногун мебошад. Медонам, ки таъсири расму оинҳои зарарноки кишварҳои хориҷӣ ба фарҳанги миллию динии мо таъсирашро гузоштаву мегузорад. Оё ба ин ҳол мо дар гӯшае қарор бинишинему муҳри хамӯшӣ ба лаб бизанем? Не. Ҳар нафари огоҳ, зиёӣ бояд рисолаташро ба ҷо биёрад.
Магар барои намояндаи миллати мо, воқеан, айб нест, ки кас барои ёфтаниҳо маблағи калон талаб бикунад? Албатта, айб аст ва нобахшиданӣ. Фарҳанги волоямон бояд имкон надиҳад, ки ба ин гуна кирдорҳои номатлуб рӯ биёрем. Бо вуҷуди ин, як ҳодисае бо ман рух дод, ки пас аз он нигоҳу андешаам ба ин масъала ба пуррагӣ тағйир ёфт. Ҳуҷҷатҳои як нафарро пайдо кардам. Ба воситаи радио эълон додам, ки соҳибаш биёяду онро аз ман бигирад. Суроғаамро низ баён намудам. Таъкид кардам, ки барои ин аз соҳиби ҳуҷҷат ҳеҷ гуна ҳадяеро интизор нестам. Мутаассифона, соҳиби ҳуҷҷатҳо ба ҳуҷраи кориям бо як милитсионер омад. Туҳматам намуд, ки ман онҳоро дар ҳолати мастии ӯ аз ҷайбаш дуздидааму ба ин васила пул кор кардан мехоҳам. Хостанд аз болоям парвандаи ҷиноятӣ бикушоянд. Ба як шиносам, ки дар мақомоти болоӣ кор мекард, рӯ овардаму аз ӯ мадад хостам. Ҳамин тавр, агар ин шахс ба масъала дахолат намекард, намедонам кор ба чӣ меанҷомид. Ва ҳам гӯё некӣ кардаму барои худ дарди сар харидам. Ман мефаҳмам, ки чунин одамон, ки наметавонам онҳоро инсон ном бибарам, хушбахтона, каманд. Бо ин ҳама вазифа ва рисолати ҷонии мо аст, ки ёфтаҳоро ба соҳибонаш баргардонем. Оре, ин тасмими дуруст дар ман баъд аз хондани матлаби Абдулқодири Раҳим пайдо шуд ва хулосаамро аз он пас ба маънои мусбаташ дигар намудам. Аз ин рӯ, ба муаллиф ва рӯзномаи «Ҷумҳурият» барои нашри ин матлаб изҳори сипос менамоям.
Д. МАҶИДЗОДА, шаҳри Душанбе


Баёни ақида (0)    Санаи нашр: 29.05.2017    №: 106    Мутолиа карданд: 464

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед