logo

маориф

МАКТАБИ № 53. БОВАРИ КАС НАМЕОЯД?

2 феврал -  яке аз рӯзҳои аз ҳама сарди зимистони имсола  бо мақсади натиҷагирӣ аз рафти маъракаи  зимистонгузаронӣ интихобан аз вазъи қисме аз мактабҳои ноҳияҳои Мир Сайид Алии Ҳамадонӣ, Муъминобод, Восеъ ва шаҳри Кӯлоб дидан намудем. Рафти зимистонгузаронӣ  бад набуд, ба ҷуз аз мактаби рақами 53 - и деҳаи Чордараи  деҳоти  Чӯбеки ноҳияи Мир Сайид Алии Ҳамадонӣ.
Боми ҳамаи биноҳои деҳа бо рангҳои дурахшони чашмрас шиферпӯшанд, ба ҷуз боми мактаб. Боми хокпӯшидаю ду ҳуҷраи ба таври бобоӣ сохтаи бесақфу шифти онро дида, бовари кас намеояд, ки ҳамин бинои муассисаи таълимист. Хайрият, деворҳои  синфхонаҳоро рангубор намуда, бо асбобҳои аёнии таълимӣ оро додаанд. Бо муаллим Ҳокимхон Дилбаров пас аз анҷоми дарс ҳамсуҳбат мешавем.
- Ин биноро соли 1986 шуъбаи маорифи ноҳия бо мақсади кушодани мактаби ибтидоӣ аз нафаре  харида буд. Беш аз 30 сол дар ин мактаб директор будам. Ҳоло мактаб аз 2 синфи омехта, 34 хонанда ва 3  омӯзгор иборат аст. Хонандагон баъди хатми синфи 4 барои идомаи таҳсил ба дигар мактабҳои дуру наздик, билхоса ба мактаби деҳаи Чордараи Поёни ноҳияи Восеъ, ки дар  дурии 7 километр қарор дорад,  мераванд. Ба ростӣ, бори аввал мебинам, ки нафаре ба мактаби мо меояду ба ҳолати мавҷудаи он таваҷҷуҳ зоҳир менамояд, - мегӯяд муаллим.
11 май ба хотири ошноӣ ба ҳадди масъулиятшиносию маҳалдории аҳли деҳа, бахусус дарки сатҳи бунёдкории сокинони он, такроран ба деҳа омадам. Деҳа ин навбат саросар сабзу лолапӯш аст, ба ҷуз аз гулу алафҳои бармаҳал хушкидаю хазонгаштаи  рӯи боми мактаб.
- 6 январ ба Вазорати маориф ва илм рафта будам. Ваъда карданд, ки  намояндагон омада бо шароити мактаб аз наздик шинос мешаванд, вале то имрӯз касе наомадааст. Мо метавонем дар сурати  доштани  4 синфхона мактаби ибтидоиро ба муассисаи таҳсилоти асосии умумӣ табдил диҳем, зеро шумораи имрӯзаи хонандагони деҳа, ки дар дигар мактабҳо ба таҳсил фаро гирифта шудаанд, 120 нафарро ташкил медиҳад. Писару духтари худам бо гурӯҳи дигари хонандагон дар мактаби деҳаи Чордараи Поён машғули таҳсиланд. На ҳама хонандагон, бахусус духтарон, бо сабаби дурии роҳ имкони ба он деҳа рафтанро доранд, аз ин рӯ, қисмате аз духтарон аз таҳсил дур мондаанд. Зарур медонем, ки бори дигар ба қабули вазир рафта, масъаларо ҷиддитар ба миён гузорем, -  иброз дошт сарвари мактаб Моҳинав Авазова.
Се сол пеш сокинони деҳаи ҳамсояи Миршикорони ноҳияи Шамсиддини Шоҳин ба чунин мушкилӣ рӯ ба рӯ шуда, масъаларо, бо вуҷуди ҳамагӣ 107 нафар будани шумораи хонандаҳо, ҳал карданд. Имсол хонандаи мактаби деҳаи Миршикорон Ҳикматулло Исматов дар олимпиадаи ҷумҳуриявии фаннӣ сазовори медали тилло ва ифтихори деҳаю ноҳия гардид. Боварӣ ҳаст, ки баъди  ин эроди холисона ифтихори маҳалдории сокинони  деҳаи Чордара, бавижа соҳибкорон, низ ҷӯш мезанаду роҳи ҳалли масъаларо меёбанд ва  фарзандонашон дар соли хониши нав дар синфхонаҳои барҳавову  замонавӣ ба таълим фаро гирифта мешаванд.
Вале, аҷабо! Ҳисси масъулиятшиносии мутасаддиён куҷост? Наход вазъи ин мактаби барои замони таҳаввулоти технологию илмӣ булъаҷаб виҷдони масъулони мақомоти иҷроияи маҳаллии ҳокимияти давлатӣ ва шуъбаи маорифи ноҳияро ба сӯзиш намеорад?
Темуршоҳи ФАЙЗАЛӢ, «Ҷумҳурият»


Баёни ақида (0)    Санаи нашр: 29.05.2017    №: 106    Мутолиа карданд: 1199
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед