logo

сиёсат

ИЛМ ВА ДАСТОВАРДҲОИ ҶАҲОНИИ ОЛИМОНИ МО

Бо ибтикор ва дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 8 июни соли 2016 Расадхонаи байналмилалии астрономии «Санглох»-и Институти астрофизикаи Академияи илмҳои Ҷумҳурии Тоҷикистон дар мавзеи Санглохи ноҳияи Данғараи вилояти Хатлон баъди 20 соли аз кор мондан барқарор шуд. Расадхона аз лиҳози диди оптикӣ ва иқлими астрономӣ беҳтарин дар ҷаҳон аст ва дар он ҷиҳати гузарондани мушоҳидаҳои астрономӣ, омӯзиш ва таҳқиқи ҷирмҳои хурди системаи офтобӣ, кометаҳо, астероидҳо ва моддаҳои метеорӣ шароити мусоид фароҳам оварда шудааст.
Ин матлабро Фарҳод Раҳимӣ, президенти Академияи илмҳои Ҷумҳурии Тоҷикистон, дар конфронси илмию амалӣ таҳти унвони «Нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар рушди илм», ки дар Вазорати маориф ва илм бо иштироки доираи васеи олимону коршиносон баргузор гашт, ироа намуд.  Фарҳод Раҳимӣ, ки мавзӯи «Илми академӣ: имрӯз ва фардо»-ро ба риштаи баҳс кашида буд, аз дастовардҳои сатҳи ҷаҳонии олимони соҳаҳои гуногуни илми ватанӣ ёдовар шуда, нақши Сарвари муаззами кишварро дар ин самт калидӣ арзёбӣ намуд. Зикр сохт, ки маҳз бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои барқарор кардани Расадхонаи байналмилалии астрономии «Санглох» ва дастрас намудани таҷҳизоти зарурӣ қариб 1 миллион сомонӣ сарф шуд.
Натиҷаи таҳқиқоти олимони расадхона аз ҷониби астрофизикҳои ҷаҳон эътироф гардидааст. Ин маркази таҳқиқотӣ дорои телескопи оинагие мебошад, ки қутри он ба 1 метр баробар аст. Телескоп объектҳои андозаашон 10 сантиметраро, ки аз худ нур мебароранд, дар масофаи 40 ҳазор километр аз сатҳи Замин дида метавонад. Чунончи, ҳанӯз соли 1985 дар вақти наздикшавии навбатии кометаи Ҳаллей ба Офтоб, аксҳои нахустин бо ёрии телескопи қутраш 1 - метра гирифта шуданд, дар ҳоле ки ин аксҳоро бо ёрии телескопи қутраш 6 - метра дарёфт карда натавониста буданд. Дар он лаҳза равшаннокии комета ба 22 қутри ситорагӣ баробар буд.
Фарҳод Раҳимӣ таваҷҷуҳи иштирокдорони ҳамоишро ба барқарорсозӣ  ва минбаъд бо мақсадҳои осоишта, ба манфиати рушди иқтисодиёти Ҷумҳурии Тоҷикистон истифода намудани реактори таҳқиқоти ҳастаии «Аргус - ФТИ» ҷалб сохт. Иттилоъ дод, ки бо дастгирии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Барномаи  давлатии барқарорсозӣ ва истифодаи минбаъдаи реактори таҳқиқоти ҳастаии «Аргус - ФТИ» барои солҳои  2016 - 2020» тасдиқ гардидааст.
Президенти Академияи илмҳои ҷумҳурӣ зикр намуд, ки моҳи октябри соли гузашта дар минтақаи Симиганҷи шаҳри Ваҳдат яке аз калонтарин пойгоҳҳои сейсмикӣ дар Осиёи Марказӣ ба фаъолият шурӯъ кард. Мо имрӯз на танҳо ҷумҳурӣ, балки кишварҳои Афғонистон, Покистон, Ӯзбекистон, Қазоқистон, Қирғизистон, Туркманистон ва як қисми Ҷумҳурии Мардумии Чинро бо маълумоти тоза оид ба зилзила таъмин менамоем. Дар ҳамоиши байналмилалие, ки соли гузашта дар мавзӯи «Бехатарии сейсмикӣ дар Осиёи Марказӣ» баргузор гардид, бо далелҳои муътамад исбот кардем, ки иншооти гидроэнергетикии дар кишвар бунёдшаванда бехавф мебошанд.
Додоҷон  РӮЗИЕВ, «Ҷумҳурият»


Баёни ақида (0)    Санаи нашр: 29.05.2017    №: 106    Мутолиа карданд: 429

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед