logo

сиёсат

ПАС АЗ ШОНЗДАҲ СОЛИ ҒАРИБӢ

Соли 2008, баъди гузашти шонздаҳ соли ғарибӣ, охирин хонаводаи муҳоҷирони тоҷик аз Афғонистон ба деҳаи Ҷарқӯрғони хоҷагии “Авесто” - и ноҳияи Қубодиён баргашт. Ин оилаи ба Ватан баргашта  хонадони холаи Балхубон буд, ки ба дидорбиниашон рафтем.
Маро дар назди дарвоза холаи Балхубон пешвоз гирифта, дар суфаи зери хавозаи ток ба нишастан даъват кард. Ӯ сари як пиёла чой аз даврони беғаши кӯдакиаш, зиндагии ором ва серу пури сокинони деҳаи Гилкан, боғҳои пур аз себу ноки водии хушобу ҳавои Рашт қисса карда, гуфт, ки ин ҳамаро ҳоло ҳам баъзе шабҳо дар хоб мебинам. Холаи Балхубон ба нуқтаи номаълуме дида дӯхта, ба нақлаш идома дод:
- Падарам Тоҳирро аз кӯдакӣ дар ёд надорам. Ба гуфтаи бибию модарам, ӯ ҳамроҳи бародараш Нозим, дар қатори 28 нафар ҷавонмардони деҳаи Гилкан ба ҷанг рафтааст. Вақте ҷанг бо ғалабаи халқи шӯравӣ поён ёфт, мо баргаштани падарамро бесаброна интизорӣ мекашидем. Он рӯз фаро расид. Ман бо аммаҳоям то деҳаи ҳамсоя ба пешвози падарам давида будам. Аз ҷумлаи бистуҳашт нафари ба ҷанг рафта,танҳо се нафар, дар ин қатор падари ман низ, баргашт.
Охири солҳои 40 - ум, дар даҳсолагиам ба маҳаллаи Ҳаёти собиқ колхози “50 - солагии СССР” (ҳоло хоҷагии “Авесто”) муҳоҷир гардидем. Соҳиби чор духтару панҷ писар, ҳафт набера, нуҳ абера мебошам. Сахтиву вазниниҳо пушти сар шуданд. Ҷои хаскапаю кулбаҳои гилинро хонаҳои замонавии шиферпӯш иваз намуданд. Қатори бешумори дарахтони тутро парвариш намуда, кирмакпарвариро ривоҷ додем. Меваҳои шаҳдбор, тарбузу харбузаи қандаки Қубодиён вориди бозорҳои пойтахт мегардиданд. Мутаассифона, ҷанги бемаънии шаҳрвандӣ сар шуд. Ман ҳамон вақт ҳамроҳи як духтарам дар Душанбе, дар хонаи писарам Амирҳамза будам. Ҳар рӯзу ҳар соат вазъият дар пойтахт бадтар мешуд. Бо вуҷуди неву нестони писарам як КамАЗ - ро киро намуда, мо - шаш нафар ба Қубодиён рафтем.
Вақте ба деҳа расидем, дидем, ки мардум ҷониби дарёи Ому фирор карда истодаанд. Онҳо чизҳои гаронарзишашонро дар сандуқҳо ҷой карда, зери замин пинҳон менамуданд. Мо ҳам чунин корро анҷом дода, бо дасти холӣ аз деҳа баромадем. Қариб як моҳ дар лаби дарё пинҳону ошкоро мисли кӯчиён зиндагӣ кардем. Захираи хӯрок ба охир мерасид. Моҳи декабри соли 1992 буд. Нимсеру нимгурусна дар лаби дарё нишаста, барои аз он гузаштан чора меҷустем. Ҳар кас войи ҷони худам мегуфт. Баъди иҷозат шудан, шабонгоҳ тавассути балонҳои худсохт ва қаиқҳои аз ҷониби Афғонистон фиристодашуда, дарёро гузаштем.
Ду чархбол болои сарамон чарх зада, хлеб мепартофт. Ҳар кас, ки ҷону дармон дошт, соҳиби хлеб мешуд. Ман дар ҳамин лаҳза нон мехӯрам гуфта, тир хӯрдам. Яке аз чархболҳо ба замин нишаст. Маро, ки се рӯз боз бурдаи ноне ба даҳон набурда будам, ба кӯрпа печонда, ба чархбол савор намуданд. Дар беморхонаи “Дусад бистар” - и Мазори Шариф 45 рӯз бистарӣ гаштам. Хуб нигоҳубинам карданд. Дар Кампи Сахӣ - дашти Гӯри Морон ҷамъ шуда, хайма задем. Ҷое буд, ки ба қавле гунҷишк пар намезад.
Ҳушу ёдам ба духтаронам, ки яке дар Ғарм, дигаре дар Душанбе монданд, банд буд. Ҳамин тавр, чор сол сипарӣ гашт. Бо пешниҳоди ҳуҷҷатҳоямон ба Созмони Милали Муттаҳид давоми як рӯз ба Ватан баргаштем. Дар бозгашт писаронам моро гусел намуда, бо гурӯҳи дигар расида меоем гуфтанд. Мо дар деҳаи Ҳаваскор аз қатора фуромадем. Дар мактаби деҳаи Болшевик ду рӯз барои гузарондани ташхиси тиббӣ манъ намуданд. Баъд ба деҳа ворид гардидем. Хонаҳоямонро сӯхтаю валангор дидем. Бо дастгирии Ҳукумати мамлакат маводи ғизоӣ ва масолеҳи сохтмонӣ гирифтем. Хонаҳоро аз нав сохтем. Ҳама ба Ватан баргашт. Имрӯз ба шарофати сулҳу ваҳдати комил зиндагии орому осуда ва серу пур дорем. Шукрона мекунем, ки Тоҷикистони соҳибистиқлоламон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯз ба рӯз ободу зебо ва пешрафта гардида истодааст. Ба қадри ин сарзамини поку муқаддас бояд расид.
Адолат САЙФУЛЛОЗОДА,
сармуҳаррири нашрияи “Тахти Қубод”-и ноҳияи Қубодиён


Баёни ақида (0)    Санаи нашр: 31.05.2017    №: 108    Мутолиа карданд: 687
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед