logo

иҷтимоиёт

ГУЛИСТОН. ГУФТАНИҲОИ НОГУФТА

Гулистон (собиқ Қайроққум) аз ҷумлаи нерумандтарин шаҳрҳои саноатӣ дар кишвар ба ҳисоб меравад. Дар он корхонаҳои азим чун Ширкати кӯҳӣ - саноатии Тоҷикистону Чин дар шаҳраки Зарнисор, корхонаи муштараки Тоҷикистону Канада «Апрелевка» дар шаҳраки Консой ва осоишгоҳи «Баҳористон» дар ғанӣ гардондани буҷети давлат ва ҳалли масоили рушди иҷтимоӣ нақши созанда доранд. Соли гузашта истеҳсоли маҳсулот аз ҷониби ин корхонаҳо ба зиёда аз 1 миллиард сомонӣ расонда шуд, ки нишондиҳандаи баландтарин дар даврони соҳибистиқлолӣ мебошад. Ин муваффақият ба рушди ҳамаҷонибаи шаҳр таъсири мусбат мерасонд. Дар як муддати кӯтоҳ иншооти гуногуни дорои аҳамияти иқтисодиву иҷтимоӣ бунёд шуда, кӯчаю хиёбонҳои шаҳр бо тарҳи нави меъморӣ ва сабзкорӣ зебову ҷолибтар шуданд.
Мутаассифона, дар шаҳр ҳангоми иҷрои корҳои созандагию бунёдкорӣ баъзе ҳолатҳои ногувор, ки аз лиҳози меъморӣ ва шаҳрсозӣ қобили қабул нестанд, ба назар мерасанд. Ин дар назди хонаҳои истиқоматӣ бе иҷозат сохтани биноҳои иловагӣ, бо симхору тунука печондани гирду атрофи хонаҳо, аз худ кардани қитъаи замин ва дигар амалҳои хилофи қонуни шаҳрсозию меъморӣ мебошад, ки ҳусни шаҳрро коста гардондааст.
Вақтҳои охир ин амали нодуруст зиёд шуда, масъулони мақомоти иҷроияи маҳаллии ҳокимияти давлатӣ барои бартарафсозиаш тадбирҳои мушаххас наандешидаанд. Аз ҷумла, дар соҳили «Баҳри тоҷик» баъзе шаҳрвандон дар баробари худсарона вайрон кардани одоби шаҳрнишинӣ бо «розигӣ» - и масъулини бахши меъморӣ ва шаҳрсозӣ ба амалҳои "аҷиб" даст мезананд, хусусан бошандагони ошёнаҳои поёнӣ.
Ин масъала борҳо дар нишастҳои хабарӣ аз ҷониби рӯзноманигорон мавриди гуфтугузор қарор гирифт. Аммо ҳанӯз ҳам масъулини бахшҳои меъморию шаҳрсозии шаҳри Гулистон дар ин самт ягон чораҷӯӣ накардаанд.
Ҳамчунин, тарзи сохтмону усули меъмории биноҳои баландошёнаи навбунёди шаҳр таҷдиди назар мехоҳанд. Барои мисол, «Маркази фарҳангиву фароғатии «Сомониён» аз лиҳози мавқеи ҷойгиршавӣ метавонад ба макони беҳтарин табдил ёбад. Вале бо гузашти чанд сол ин марказ ба ҷойи боз ҳам сарсабзу хуррам ва ба макони баргузории чорабиниҳои идона табдил ёфтан, баръакс, хароб гардида, аз мадди назари мақомоти шаҳрӣ куллан дур монд. Ин дар ҳолест, ки шаҳр ҳамчун минтақаи саноатӣ имкони аз ин ҳам бештари рушдро дорад.
Ҷовиди АШТӢ,  «Ҷумҳурият»


Баёни ақида (0)    Санаи нашр: 31.05.2017    №: 108    Мутолиа карданд: 378

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед