logo

иҷтимоиёт

ХОВАЛИНГ. ГРАНТИ ПРЕЗИДЕНТӢ ВА ҚУДРАТИ ЯК БОНУ

Дар назди сехи дӯзандагии ҳунарманд Замирабону Ҳукуматова духтарони қадрасро вохӯрдем, ки тоқиву камзӯлчаҳои ба тозагӣ дӯхта ба бар, дӯзандаи онро таҳсин мехонданд.

Дар толори асосии он духтарони чирадаст паси мошинҳои попурӣ саргарми кор буданд. Сарвари сех бо суханҳои гарм моро ба ҳуҷраи кори худ даъват намуд. То дидор ба Замирабону шунида будам, ки номи неку давлати рӯзгорро ба осонӣ ба даст наовардааст. Аҳли оилаи онҳо дар деҳоти Лоҳутии ноҳияи Ховалинг мезистанду Замира дар сесолагӣ аз модар маҳрум шуд. Бо вуҷуди вазниниҳои рӯзгор баъд аз хатми муассисаи таҳсилоти миёнаи умумии зодгоҳаш ба факултаи иқтисодии Донишкадаи соҳибкорӣ  ва хизмат дохил шуда, алъон дар бахши панҷум таҳсил дорад.
- Гулпартоию  либосдӯзиро аз апаам Гулистон, ки ҳоло дар шаҳри Кӯлоб ба сар мебарад, омӯхтаам. Дар қатори ман чанд тан духтарони ҳамдеҳа низ ин ҳунарҳоро омӯхтаанд, вале  попурӣ, ки кори мушкил аст, ҳама тоқати заҳмати онро надорад. Бо назардошти серхаридор  будани маҳсулоти попурӣ ман дар коргоҳам  ба рушди ин ҳунар аҳамияти зиёд дода, таваҷҷуҳи шогирдону коргаронро ба он ҷалб намудам. Ҳоло талабгори маҳсулоти попурӣ зиёд буда, ҳунармандон даромади хуб мегиранд, - гуфт Замира.
Заҳмату кӯшишҳои пайвастааш дар  ин ҷода самар овард ба  замми пешбурди рӯзгор сарфу хароҷоти таҳсилашро  низ пайдо мекунад. Ӯ, ки ятими кулл аст, аз хурдӣ дар хонаводаи бародараш ба воя расида, то кунун он ҷо ба сар мебарад. То ташкили сехи дӯзандагӣ ҳунари худро дар шароити хона ривоҷ дода, баъди се соли такопӯ соҳиби сехи дӯзандагӣ шуд. Баъдан, барои иштирок дар озмуни  Кумитаи кор бо занон ва оилаи назди Ҳукумати Ҷумҳурии Тоҷикистон барои дарёфти Гранти президентӣ ҳуҷҷат пешниҳод кард. «Хушбахтона бахт ба рӯям хандиду аз миёни  12 нафар довталаб ғолиб баромада, соҳиби 30 ҳазор сомонӣ Гранти перезидентӣ гардидам», - мегӯяд ӯ.
Бо истифода аз маблағҳои грантӣ ҳуҷраеро дар маркази  ноҳияи Ховалинг ба иҷора гирифта, сехи дӯзандагӣ кушод. Тайи ин муддат ба даҳҳо духтарони шавқманд ҳунари худро омӯхта, иддае аз онҳоро бо кор таъмин кард. Ӯ, ки худ мушкилоти зиёдеро аз сар гузарондааст, аҳд намуда буд, ки ҳунару истеъдоди худро ба духтарони бепарастор меомӯзад. Ва имрӯз ҳам ба мақсад расиду ва ҳам ба аҳдаш вафо кард.
- Аз ғамхориҳои падаронаи Пешвои муаззами миллат муҳтарам Эмомалӣ Раҳмон сипосгузорам, - ашкҳои дар хами чашмон ҳалқазадаашро тоза карда мегӯяд ӯ. - Агар гранти президентӣ намешуд, кӣ медонад, ки орзуҳои мани ятим кай амалӣ мегаштанд. Ва оё умуман ҷомаи амал мепӯшиданд ё не. Дар пайравӣ аз ин ғамхориҳо то ҷое имкон дорам, дар тарбияи духтарони маҳаллӣ, хоса ятимдухтарон, саҳм хоҳам гирифт.
Сарвиноз ШОДМОНОВА,
«Ҷумҳурият»


Баёни ақида (0)    Санаи нашр: 01.06.2017    №: 109    Мутолиа карданд: 536

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед