logo

иҷтимоиёт

ҚОНУНИ МИЛЛӢ. МАНФИАТИ МАРДУМ ДАР МАДДИ АВВАЛ

Сарфаю сариштакорӣ ва аз харҷи беҳудаю бемавқеъ даст кашидан аз мавзӯъҳои муҳими ҷомеа ба шумор меравад. Дар ин замина, риояи ҳатмии талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, ки бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳия ва қабул шуд, ба беҳтар гардидани вазъи зиндагии оилаҳо ва беҳрӯзии ҳаёти мардум  таъсири мусбати худро расонд.

Сарвари муаззами давлат ҳанӯз 9 июли соли 1999 зимни суханрониашон дар маҷлиси умумиҷумҳуриявӣ бахшида ба расму оинҳои халқӣ гуфта буданд: “Бунёди ҷомеаи мутамаддин тақозо мекунад, ки расму оинҳоро аз зуҳуроти барои имрӯз ва ояндаи ҷамъият номатлуб тоза созем, онҳоро мутобиқи вазъи кунунии сиёсӣ, иҷтимоӣ, иқтисодӣ ва фарҳангӣ танзим намоем...”. Агар ба ин пешниҳод бо чашми ақл нигарем, дар ҳақиқат ин тасмим тақозои замон, балки ногузир буд. Зеро он замон барои адои маросими тӯю маъракаҳои ҳар фарзанд камаш чор - панҷ гову даҳҳо гӯсфанд ва маблағи зиёд сарф мешуд.
Гузашта аз ин, вақте дар маъракаҳои хурсандию азодорӣ сухан аз камхарҷ гузарондани ҷашну маросимҳо мерафт, бархе бо суиистифода аз дини мубини ислом мардумро бо овардани далелҳои беасос гумроҳ мекарданд. Ҳол он ки дини мубини ислом исрофкориро инкор намуда, ба маъюбону эҳтиёҷмандон додани хайру садақаро тавсия медиҳад. Масалан, дар ояти 31-уми сураи Аъроф Худованд фармудааст: “Бихӯред ва биошомед ва исроф макунед! Ба дурустӣ, ки Худо исрофкоронро дӯст намедорад”. Дар ояти 27-уми сураи Исроъ бошад, омадааст: “Ба дурустӣ, ки исрофкорон бародарони шайтонҳоянд ва шайтон ба Парвардигори худ носипос аст”.
Ҳанӯз аз ёдҳо нарафтааст, ки пеш аз қабули Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” дар маросими ақди никоҳ, маъракаҳои хостгорию ноншиканон, фотиҳатӯю сандуқбарон, сарупобинону ордбезон, чойгаштаки духтарону базми дӯстони домод, зиёфатҳои ақди никоҳи давлатию динӣ, раисталбон, оши наҳор аз ду тараф, маҳфил дар тарабхона, рӯбинону домодталбону қудоталбон, духтарбинон, таҷлили рӯзҳои таваллуд, ки бо иштироки ҳофизону раққосаҳо мегузаштанд, маблағҳои калон ва молу маҳсулоти аз ҳад зиёд сарф мешуд. Кор ба ҷое расида буд, ки бархе аз сарватмандон хатнасур ва тӯйи арӯсию домодиро ба мавлудхониву амри маъруф табдил дода буданд.
Пас аз интишори расмии қонун вазъият дар мамлакат тамоман дигаргун гашт. Масалан, агар дар соли қабули қонун беш аз 14 ҳазор хатнасур ва зиёда аз 58 ҳазор тӯйи домодию арӯсӣ баргузор гардида бошад, соли гузашта ин нишондиҳанда мутаносибан ба 23 ҳазору 285 ва 81 ҳазору 356 расидааст. Ин аз он далолат медиҳад, ки ҷашну маросимҳо камхарҷу хоксорона мегузаштагӣ шудаанд.
Ҳарчанд қонуни танзим, пеш аз ҳама, ба хотири ҳимояи манфиатҳои мардум, беҳтар намудани вазъи зиндагии оилаҳо қабул шудааст, лекин ҳоло ҳам зиёдаравӣ, исрофкорӣ ва зоҳирпарастиву намоишкорӣ ба назар мерасад. Аз ҷумла, ба суди ноҳияи Фирдавсии шаҳри Душанбе дар соли гузашта ва семоҳаи аввали соли ҷорӣ барои риоя накардани талаботи қонун 23 парвандаи ҳуқуқвайронкунии маъмурӣ ворид шуд, ки дувоздаҳтои он мавриди баррасӣ қарор гирифт. Аз қонуншиканҳо ба андозаи 59 000  сомонӣ ҷарима ситонда шуд.
Дар маҷмӯъ, мардуми шарафманди Тоҷикистон иқдоми хирадмандонаю падаронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки танҳо ба хотири ҳимояи манфиатҳои мардум, беҳтар намудани вазъи зиндагии оилаҳо ва таъмини осоишу оромии ҷомеа равона шудааст, ҳамаҷониба дастгирӣ менамоянд.
Алишер МАВЛОНЗОДА,
муовини якуми раиси суди ноҳияи Фирдавсии шаҳри Душанбе


Баёни ақида (0)    Санаи нашр: 01.06.2017    №: 109    Мутолиа карданд: 669
21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД


Дар сомонаҳои дигари Тоҷикистон хонед