logo

ҳуқуқ

ИФРОТГАРОӢ. РОҲЕ, КИ БА СӮИ МАРГ МЕБАРАД

Терроризм ва ифротгароӣ вабои аср ва халалдорсозандаи ҳаёти осоиштаи мардум буда, то имрӯз гурӯҳҳои марбут ба ин зуҳуроти номатлуб ҳазорон нафарро ба қатл расондаанд. Ҷумҳурии Тоҷикистон ҳамчун узви ҷомеаи ҷаҳонӣ барои гирифтани пеши роҳи ин зуҳурот пайваста тадбирҳои судманд меандешад. Бо вуҷуди ин, мизони ин хатар ба таври қобили мулоҳиза коҳиш наёфтааст. Омори содиршавии ҷиноятҳои дорои хусусияти террористию экстремистидошта дар мамлакат, бахусус вилояти Хатлон ва таҳлили сабабу омилҳои он нишон медиҳанд, ки дар роҳи мубориза бо даҳшатафканию ифротгароӣ бояд тадбирҳои иловагӣ андешида шаванд.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ ба ноҳияи Данғара ва мулоқот бо сокинони вилояти Хатлон, 13 майи соли ҷорӣ, аз хатари терроризму экстремизм изҳори нигаронӣ карда, иброз доштанд, ки тибқи маълумоти оморӣ дар вилояти Хатлон соли 2016 қариб 5900 ва дар семоҳаи аввали соли  ҷорӣ 1891 ҷиноят ба қайд гирифта шудааст. Ин давра дар вилоят 719 ҷинояти  марбут ба экстремизму терроризм ошкор ва 238 нафар аъзои ҳизбу ҳаракатҳои террористиву экстремистӣ дастгир гардидаанд.
Гуфта шуд, ки дар маҷмӯъ, тайи панҷ солу се моҳи охир дар ҳудуди вилоят қариб 1198 ҷинояти хусусияти террористиву экстремистидошта ошкор ва нисбат ба 985 нафар 861 парвандаи ҷиноятӣ оғоз шудааст. Аз ин шумора 537 парвандаи ҷиноятӣ нисбат ба 744 нафар барои ҷалб ва иштирок дар амалиёти ҷангӣ дар қаламрави давлатҳои дигар, аз ҷумла Сурия ва Ироқ  оғоз шудааст. Ҳоло 507 нафар сокини вилоят, аз ҷумла 70 оила дар ҳайати 252 нафар (84 нафар мард, 76 нафар зан ва 92 нафар ноболиғ) дар ҷангҳои Сурия ва Ироқ иштирок дорад ва мувофиқи маълумоти дастрасшуда 60 нафари онҳо ба ҳалокат расидаанд.
Тибқи таҳлилҳо аз ҳама бештар сокинони шаҳру ноҳияҳои Қӯрғонтеппа, Ҷалолиддини Балхӣ, Қубодиён, Вахш, Бохтар, Шаҳритуз, Кӯлоб, Фархор, Восеъ ва Мир Сайид Алии Ҳамадонӣ дар задухӯрдҳои мусаллаҳона дар қаламрави давлатҳои дигар иштирок доранд. Синни миёнаи онҳое, ки ба гурӯҳи “Давлати исломӣ” пайвастаанд, аз 20 то 36 солро ташкил медиҳад. Мақомоти ҳифзи ҳуқуқ муайян кардаанд, ки бештари сокини вилояти Хатлон ба сафи ин гурӯҳи террористӣ ба воситаи шабакаҳои иҷтимоӣ ташвиқ ва шомил шудаанд. Ба гунаи мисол, бо ҳукми суди вилояти Хатлон Маҳмадсолеҳ Бобоеви 26 - сола, сокини ноҳияи Бохтар, барои қасди пайвастан ба гурӯҳи “Давлати исломӣ” 13 сол аз озодӣ маҳрум гардид. Тавре тафтишот муайян кардааст, М. Бобоев аз соли 2013 мунтазам ба муҳоҷират рафта, дар шаҳри Екатеринбург бо зану ду фарзандаш зиндагӣ мекардааст. Ӯ бо муоширати пайвастааш бо мубаллиғони гурӯҳи “Давлати исломӣ” аз тариқи интернет ба доми фиреби тундгароён афтодааст. Аммо ӯ то ба Туркия, яке аз кишварҳои транзитии вуруд ба Сурия нарасида, дар шаҳри Кишинёви Молдова 12 апрели соли ҷорӣ дастгир ва ба Тоҷикистон истирдод мешавад. 
Боиси нигаронист, ки аз 1519 нафар сокини вилоят,  ки барои гирифтани таҳсилоти динии ғайриқонунӣ ба кишварҳои хориҷӣ рафтааст, 1334 нафар баргардонда шудааст. Бо вуҷуди тадбирҳои аз тарафи мақомоти ҳифзи ҳуқуқ андешидашуда, ин вазъ ҳамоно ташвишовар боқӣ мемонад.
Сарвари давлат вобаста ба ин роҳбарони вилоят ва шаҳру ноҳияҳо, ҷамоатҳои шаҳраку деҳот, кумитаҳои ҷавонон, варзиш ва сайёҳӣ, занон ва кор бо оила, ҳизбҳои сиёсӣ, фаъолони Ҳаракати ваҳдати миллӣ ва эҳёи Тоҷикистон, зиёиён, ходимони дин ва ҷомеаи шаҳрвандиро муваззаф карданд, ки дар самти пешгирии шомилшавии ҷавонон ва ноболиғон ба ҳизбу ҳаракатҳои экстремистиву террористӣ, пайравӣ ба ақидаву фарҳанги бегона, ғайриқонунӣ фиристодани фарзандон ба муассисаҳои ба ном таълими динии давлатҳои хориҷӣ ва дигар кирдорҳое, ки ба амнияти давлату миллат хатар эҷод мекунанд, корҳои фаҳмондадиҳиву тарғиботиро ҷиддан вусъат бахшанд.
Пешвои миллат зимнан таъкид карданд: «Касоне, ки аз паси таблиғотчиёни афкору мазҳаби бегона мераванд, дар хотир дошта бошанд, ки мо мазҳаби таҳаммулгарои худро дорем ва пири мазҳаби мо шахсияти барҷастаи олами ислом - Имоми Аъзам Абуҳанифа мебошад. Мо ҳаргиз муҳтоҷи ҷаҳонбиниву мазҳаби бегона нестем ва кӯшишҳои сиёсисозии дини мубини исломро қотеона маҳкум мекунем. Тоҷикон ҳамчун миллати тамаддунсоз ва махсусан сокинони вилояти Хатлон ҳамеша ҷонибдори тарзи зиндагии дунявӣ ва пешрафта буда, хурофоту ифротгароӣ ва бегонапарастиро қатъан қабул надоштанд».
Бо назардошти гуфтаҳои боло, сокинони  мамлакатро зарур аст, ки барои пешгирии ҷавонон аз шомилшавӣ ба гурӯҳҳои ифротӣ аз тамоми имкониятҳо кор бигиранд. Ҷиҳоди пайравони “Давлати исломӣ” найранг ва ҳизби исломӣ бидъат аст. Роҳи онҳое, ки дар воҳиди мусаллаҳ, задухӯрди мусаллаҳона ё амалиёти  ҷангӣ дар қаламрави дигар давлатҳо иштирок мекунанд, тираву тор буда, оқибаташ пушаймонист.
Лашкар ШАРИФ, «Ҷумҳурият»


Баёни ақида (0)    Санаи нашр: 01.06.2017    №: 109    Мутолиа карданд: 1476

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед