logo

ҳуқуқ

КӮДАКОН. ТАВАҶҶУҲ БА ОНҲО ТАВАҶҶУҲ БА ОЯНДАИ МИЛЛАТ АСТ

Ҳар сол дар ҷаҳон 1 июн ҳамчун Рӯзи байналмилалии ҳифзи ҳуқуқи кӯдак ҷашн гирифта мешавад. Дар Ҷумҳурии Тоҷикистон низ, ки узви комилҳуқуқи ҷомеаи ҷаҳонист, ин рӯз бо роҳандозии чорабиниҳои зиёди фарҳангию фароғатӣ ва варзишӣ таҷлил мегардад. Бо мақсади таъмини ҳифзи ҳуқуқи кӯдак дар кишвар бо пешниҳоди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ниҳоди нав - Ваколатдор оид ба ҳуқуқи кӯдак таъсис дода шуд. Раҷабмоҳ Ҳабибуллозода, Ваколатдор оид ба ҳуқуқи кӯдак дар Ҷумҳурии Тоҷикистон, дар суҳбат бо хабарнигори “Ҷумҳурият” оид ба нақши ин ниҳод дар самти ҳимояи ҳуқуқи кӯдак чунин гуфт:
- Дар даврони соҳибистиқлолӣ доираи васеи санадҳои меъёрии ҳуқуқӣ қабул шудаанд, ки дар таъмини эҳтиром, риоя ва ҳифзи ҳуқуқҳои кӯдак нақши муҳим мебозанд. Қонунгузории амалкунанда бо назардошти принсипи манфиатҳои кӯдак, ки аз талаботи Конвенсияи СММ оид ба ҳуқуқи кӯдак бармеояд, пайваста такмил дода мешавад. Дар ҷумҳурӣ ҳуқуқҳои кӯдакро Конститутсия, Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» ҳимоя намуда, амалишавии онҳо тавассути андешидани чораҳои дахлдор кафолат дода мешавад.
Ба гуфтаи Раҷабмоҳ Ҳабибуллозода, имрӯз давлат ва Ҳукумати мамлакат барои ҳифзи кӯдакони ятим, онҳое, ки аз парастории падару модар маҳрум гаштаанд, барномаҳои вижа таҳия ва тасдиқ карда, дар ҳаққи онҳо ғамхории доимӣ зоҳир менамояд. Бо мақсади омӯзиши вазъи риояи ҳуқуқи ин категорияи кӯдакон кормандони Ваколатдор оид ба ҳуқуқи кӯдак аз муассисаҳои  давлатии хонаи кӯдакони №1, №2 дар шаҳри Душанбе ва хонаи кӯдакони №1 шаҳраки Шӯроби ноҳияи Исфара боздид ба амал оварданд. Маълум гардид, ки барои таъмини шароити хуби нигоҳубини кӯдакон дар ин муассисаҳо тадбирҳои зарурӣ андешида шудаанд.
Масъалаи дастрасӣ ба таҳсили кӯдакони гурӯҳҳои осебпазир дар маркази диққати доимии Ваколатдор оид ба ҳуқуқи кӯдак қарор дорад. Барои муайян намудани вазъ дар самти мазкур Ваколатдор пайваста мониторинги дастрасии кӯдаконро ба таҳсил, хусусан кӯдакони маъюб, онҳое, ки дар мактаб-интернатҳо қарор доранд, мегузаронад. Соли 2016 чунин мониторингҳо дар мактаб - интернати ёрирасони №1- и шаҳри Кӯлоб, интернати давлатии №1 - и деҳаи Арали ноҳияи Восеъ, мактаби таҳсилоти асосии № 68 - и ноҳияи Восеъ, мактаб-интернати ҷумҳуриявии кӯдакони нобино ва қувваи босираашон сусти ноҳияи Ҳисор, мактаб - интернати ҷумҳуриявии кӯдакони ношунавои ноҳияи Рӯдакӣ, муассисаи давлатии интернати вилоятии наздимактабии ноҳияи Балҷувон, муассисаи таҳсилоти миёнаи умумии №1 барои кӯдакони ятиму бепарастори ноҳияи Рӯдакӣ гузаронда шуданд.
Натиҷаи таҳлили сарчашмаҳои гуногуни иттилоотӣ, муроҷиатҳои шаҳрвандон, вохӯриву санҷишҳо нишон медиҳанд, ки дар самти ҳифзи ҳуқуқҳои кӯдак дар баробари дастовардҳо мушкилиҳо низ ба назар мерасанд. Масалан, соли гузашта 90 ҳолати суиқасд ва худкушии кӯдакон сабт гашта, дар ин давра аз ҷониби ноболиғон 693 ҷиноят содир шудааст. Барои иҷро накардани уҳдадориҳои падару модар, шахсони онҳоро ивазкунанда ва масъулони муассисаҳои таълимӣ дар таълиму тарбияи фарзанд соли гузашта 14637 протоколи ҳуқуқвайронкунии маъмурӣ тартиб дода шуда, аз ҷониби судҳо нисбат ба онҳо ҷазоҳои дахлдор таъйин гардидааст.
Додоҷон РӮЗИЕВ,  “Ҷумҳурият”


Баёни ақида (0)    Санаи нашр: 01.06.2017    №: 109    Мутолиа карданд: 515

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед