logo

ҳуқуқ

ҶАРИМА. ДАР БОРАИ ТЕРМИНАЛҲОЕ, КИ АМАЛАШОН ХИЛОФИ ҚОНУН АСТ

Хадамоти зиддиинҳисорӣ ширкатҳои “ССП Пайванд”, «Пардохт ТҶ» ва «Леваканд тиҷорат» - ро ҷарима кард.

Тавре аз хадамот ба «Ҷумҳурият» иттилоъ доданд, сабаби асосии ин амал хилофи Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» ҳангоми гузарондани маблағ ба тавозуни истифодабарандагони симкортҳо аз 3 то 10 фоиз ҳаққи хизмат ситондани ширкатҳо мебошад. Тибқи талаботи банди 14 - и боби 4 - и Қарори Ҳукумати Ҷумҳурии Тоҷикистон аз 30 апрели соли 2016, № 207 - 7 дар бораи «Тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он», ҳангоми гузарондани маблағ ба тавозуни истифодабарандагони симкортҳо (муштариён) барои қабули пардохт набояд фоиз ситонда шавад. Хадамоти зиддиинҳисорӣ ҳанӯз моҳи феврал бо мактубҳои расмӣ ширкатҳоро вазифадор карда буд, ки ситондани фоизро қатъ кунанд.
ҶДММ “ССП Пайванд” дар мактуби ҷавобӣ аз 20 феврали соли 2017 ба Хадамоти зиддиинҳисорӣ маълумот дода буд, ки ба воситаи терминалҳои он аз муштариён фоиз (комиссионӣ) ситонда намешавад.
Аммо санҷиш нишон дод, ки аз ҷумла 3 майи соли 2017 ҳангоми пардохти маблағҳо ба тавозуни симкортҳои алоқаи мобилӣ аз ҷониби терминалҳои ҶДММ “ССП Пайванд” № 345148, №350272, № 350713, № 350766 № 350769 (дар шаҳри Душанбе) аз маблағҳои пардохтгардида 3 - фоизӣ ситонда шудааст. Яъне, дар ширкати мазкур маблағситонии ғайриқонунӣ идома дошт.
Чунин амали хилофи қонуни терминалҳои «ССП Пайванд» чуноне аз маълумоти шуъбаи минтақавии Хадамоти зиддиинҳисорӣ дар вилояти Бадахшон аз 4 майи соли ҷорӣ бармеояд дар вилояти Бадахшон низ ошкор шуд.
Нисбат ба ҶДММ “ССП Пайванд” барои вайрон кардани талаботи моддаи 553 Кодекси ҳуқуқвайронкунии маъмурии Ҷумҳурии Тоҷикистон дар ҳаҷми 10 ҳазор сомонӣ ҷарима таъйин гардида, ҷиҳати хотима додани нақзи ҳуқуқи истеъмолқунандагон амрнома содир шуд.
Мутаассифона, то ҳол дигар ширкатҳои бозори алоқаи мобилӣ низ ба қонуншиканӣ роҳ медиҳанд. Масалан, 12 апрели соли 2017 ҳангоми пардохти маблағҳо тавассути терминалҳои ҷамъияти ҶДММ “Леваканд тиҷорат» дар маҳалҳои гуногуни Душанбе 3 фоиз маблағ ситонда шуд.
Нақзи қонун аз ҷониби терминалҳои ҶДММ «Пардохт ТҶ» дар дохили толори фурудгоҳи шаҳри Душанбе ошкор гардид, яъне ин терминалҳо аз муштариён 3 фоизӣ маблағ меситонданд. Дар натиҷа, ин ширкат низ аз ҷониби Хадамоти зиддиинҳисорӣ ба маблағи 10 ҳазор сомонӣ ҷарима гардид.
Ҳамчунин, аз ҷониби Хадамоти зиддиинҳисорӣ ба операторони алоқаи барқӣ, аз ҷумла ҶСП «Индиго Тоҷикистон», ҶДММ «Таком», ҶСП «ТТ Мобайл», ҶММ ҶМ «Тоҷикмобайл», ҶСП «Телеком Технолоҷӣ»,  ҶСП «Вавилон Мобайл», ҶСП «ТК Мобайл» мактуби расмӣ ирсол гардиданд, ки дар шартномаҳои амалкунанда бо субъектҳои хоҷагидори дар самти хизматрасонии терминалҳо фаъолияткунанда оид ба қатъи ситондани фоиз барои қабули пардохт ҳангоми гузарондани маблағ ба тавозуни истифодабарандагони симкортҳо (муштариён) фавран тағйиру иловаҳо дароранд.
Тавре аз мисолҳои болоӣ бармеояд, дар баробари дигаргуниҳои мусбат дар фаъолияти терминалҳои хизматрасон, ки аксарашон дигар фоиз намеситонанд, ҳанӯз ҳодисаҳои пулгирии беасос ба чашм мехӯрад. Масълаи мазкур зери назорати ҷиддии масъулони Хадамоти зиддиинҳисорӣ қарор дорад. Барои пурра пешгирӣ кардани пулситонии ғайриқонунӣ ҳар муштарӣ метавонад дар сурати ба чунин ҳолат рӯ ба рӯ шудан ба Хадамоти зиддиинҳисорӣ ва сохторҳои маҳаллии он хабар диҳад.
Лашкар ШАРИФӢ, «Ҷумҳурият»


Баёни ақида (0)    Санаи нашр: 03.06.2017    №: 114-117    Мутолиа карданд: 543

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед