logo

иқтисод

КӮЛОБ. АКСАР КОРХОНАҲОИ САНОАТӢ ФАЪОЛИЯТ НАДОРАНД, ЧАРО?

Кӯлоб, мувофиқи маълумоти идораи омории шаҳр, соҳиби 57 корхонаи хурду бузурги саноатист. Аммо беш аз 2 сол боз 26 адади онҳо, аз ҷумла ҶДММ «Шавқ», ҶС «Пахтаи Кӯлоб», ҶДММ «Мармариён», ҶДММ «Тента - Кӯлоб», ҶДММ «Хатлон», ҶДММ «Тиллои сафед - Ф», ҶДММ «Довудиён - Р», ҶДММ «Саъдуллои Бадал», ҶДММ «Эмом Аскара», ҶДММ «Усмон - Д», ҶДММ «Мунаввара - М», фаъолияти истеҳсолии худро қатъ кардаанд.
Нишондиҳандаҳои омории 4 моҳи соли равон бозгӯи онанд, ки акнун  ба қатори  номбаршудаҳо боз корхонаҳои дигар, ба мисли ҶДММ «Зарҳам», ҶДММ «Элдорадо», ҶДММ «Лайло - П», ҶДММ «Билол - Б», ҶДММ «Зиракӣ - С», ҶДММ «Амон - Ш», ҶДММ «Далер»  ворид шуда, шумораи умумии онҳо ба 34 расидааст. Ба ифодаи дигар корхонаҳои саноатии ин шаҳри дар бузургӣ сеюми кишвар ҳамагӣ 40 дарсад фаъоланд. Илова ба ин, аксари корхонаҳои амалкунанда, ки шумораашон 25 ададро ташкил мекунад, фаъолияти начандон босамар доранду нишондиҳандаи истеҳсолиашон нисбат ба ҳамин давраи соли гузашта  пасту нокифоя аст. Масалан, дар ҳамин давраи соли гузашта коргарони ҶСК «Суғдиён» ба андозаи 5 миллиону 907 ҳазор сомонӣ маҳсулот истеҳсол карда буданд, дар чор моҳи соли ҷорӣ бошад, ба миқдори 2 миллиону 245 ҳазор сомонӣ, яъне дар қиёс ба соли 2016 ба андозаи 3 миллиону662 ҳазор сомонӣ кам. Дар байни корхонаҳои ба қавле фаъол корхонаҳое низ ҳастанд, ки дар давоми 4 моҳ ҳамагӣ ба андозаи аз 5 то 7 ҳазор сомонӣ маҳсулот истеҳсол намудаанд, ки низ боиси нигаронист. Маҳсулоти  дар ин муддат истеҳсолкардаи  корхонаи замоне бузурги шаҳр - «Сомон – Кӯлоб - Таҷҳизот», ки дар гузашта бо номи «Косто» машҳур буд, ҳамагӣ 48,2 ҳазор сомониро  ташкил менамояд. Воқеан, ин гуна нишондодҳои истеҳсолӣ арзандаи чунин  корхонаҳо нестанд. Аз ҳисоби умумии маҳсулоти истеҳсолкардаи онҳо (ба андозаи 25 миллиону 869 ҳазор сомонӣ) 23 миллиону 620 ҳазор сомонии он танҳо ҳиссаи  3 корхонаи давлатии шабакаҳои барқи Кӯлоб, идораи обтаъминкунӣ ва  ҶСК «Суғдиён» аст. Боқӣ 22 корхонаи дигар  ҳамагӣ ба андозаи 2 миллиону 249 ҳазор сомонӣ маҳсулот истеҳсол кардаанд.
- Корхонаи  муҷаҳҳаз  бо технологияи муосири мо соли 1991 бо иқтидори лоиҳавии 52 миллион дона хишт дар як сол мавриди истифода қарор гирифта буд. Он вақт  корхона дар ҳудуди Осиёи Миёна аз рӯи иқтидору сифати техникии  хеш ягона маҳсуб меёфту   шумораи мутахассису коргаронаш ба 500 нафар мерасид. Акнун корхона бо фаро гирифтани 50 нафар коргар, то андозае азнавсозӣ гардид. Аз истифодаи газ ба ангишт гузаштем. Боварӣ ҳаст, ки муассиси нав корхонаро чун солҳои қаблӣ фаъол мегардонад, - гуфт зимни суҳбат сармуҳосиби ҶДММ «Хишти Кӯлоб» Пираҳмад Холов.
Ин корхона дар ҳамин давраи соли гузашта  фаъолият надошт. Роҳбари яке аз корхонаҳои дигари солҳо аз фаъолият мондаи шаҳр боре ба ин тариқ хоҳиши кӯмак намуданд:
- Вазъи корхонаи моро дар рӯзнома танқид намоед, шояд ба ин васила муассисон, ки яке дар пойтахту дигаре дар хориҷи кишваранд, хулоса бароварда, корхонаро, ки дар он беш аз 100 нафар бо ҷои кору воситаи зиндагӣ таъмин буданд, фаъол созанд. Акнун роҳбар не, балки посбони корхонаам…
Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон зимни  сафари кориашон ба ноҳияи Данғара (13 май) дар мулоқот бо роҳбарону фаъолон ва намояндагони сокинони вилояти Хатлон ҷиҳати аз фаъолият мондани 258 корхонаи саноатии шаҳру навоҳии вилоят, ба хусус минтақаи  Кӯлоб, нигаронӣ карданд. 
- Шумораи бештари корхонаҳои саноатии дар ин давра аз фаъолият монда ба шаҳри Кӯлоб (25 корхона), ноҳияҳои Ҳамадонӣ (28), Ёвон (18), Данғара (17) ва Восеъ (17 корхона) рост меояд, - таъкид намуданд Сарвари давлат. 
Иллати аз фаъолият боз мондани корхонаҳои саноатии шаҳри Кӯлоб дар чист?  То посух додани масъулони соҳа ба ин суол, мо тасмим гирифтаем, ки оид ба вазъи корхонаҳои саноатии ноҳияҳои мазкур, маводҳои таҳлилию таҳқиқӣ нашр намуда, баҳри таҳрикашон саҳмгузор шавем, зеро бо чунин вазъ аз ҷомеаи аграрӣ ба саноатию аграрӣ гузаштани Тоҷикистон мушкил аст.      
Темуршоҳи ФАЙЗАЛӢ, «Ҷумҳурият»


Баёни ақида (0)    Санаи нашр: 03.06.2017    №: 114-117    Мутолиа карданд: 563

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед