logo

маориф

Соли таҳсили нав: дар мактабҳо шароити таълим фароҳам аст

Имрӯз Рӯзи дониш, оғози соли нави таҳсил аст. Ҳазорон нафар ташнагони илм боз ба мактаб -  даргоҳи умеду орзуҳои ширини худ меоянд ва омӯзгорон барояшон дарҳои маониро боз мекунанд.
Чун мақсад таълиму тарбияи шогирдони ҳушманду соҳибмаълумот аст, муаллимон мекӯшанд, ки таҳкурсии сутуни дониши онҳо устувору побарҷо бошад.
Дар иртибот ба 1 сентябр – Рӯзи дониш Оҳистамоҳи Вафобек, хабарнигори «Ҷумҳурият» бо Тоҷинисо Маҳмадова, муовини  Вазири маорифи ҷумҳурӣ, сӯҳбате анҷом дод, ки пешкаши хонандагон мегардад.
- Аз назари Шумо мактабҳои миёнаи таҳсилоти умумии ҷумҳурӣ дар кадом сатҳ барои қабули хонандагон омода шудаанд?
- Айни замон дар мактабҳои таҳсилоти умумӣ шароити таълиму тарбия барои соли таҳсили 2009 – 2010 фароҳам оварда шудааст ва дар ин самт пешравиҳо ба назар мерасанд. Бисёр масъалаҳо то ҷойе ҳалли худро ёфтаанд. Инҳо таълифи китобҳои дарсӣ, ислоҳоти кадрӣ, компютеркунонӣ, сохтмони мактабҳо, таъмири синфхонаҳо, ва зиёд намудани ҷойҳои нишаст мебошанд.
Ба хотири хуб ба роҳ мондани таълиму тарбия, истифода аз усулҳои пешрафтаи таълимӣ, боло бурдани сатҳи маърифатнокии хонандагон дар давраи омодагӣ ба соли нави таҳсил қарорҳои Ҳукумати Ҷумҳурии Тоҷикистон «Дар бораи тасдиқи Стандарти давлатии таҳсилоти миёнаи умумӣ дар Ҷумҳурии Тоҷикистон» ва «Дар бораи тасдиқи Стандарти давлатии таҳсилоти томактабӣ дар Ҷумҳурии Тоҷикистон» ба тасвиб расиданд.
Ҳамчунин Низомномаи намунавии муассисаҳои таҳсилоти умумии ғайридавлатӣ ( хусусӣ) дар Ҷумҳурии Тоҷикистон» ва Низомномаи намунавии муассисаҳои таълимӣ барои хонандагони болаёқат» аз ҳуҷҷатҳои меъёрии дар ҳамин давра ба тасвибрасида мебошанд. Илова ба он бо қарори мушовараи Вазорати маорифи ҷумҳурӣ «Низомномаи гимназия дар Ҷумҳурии Тоҷикистон» ва «Низомномаи литсей дар Ҷумҳурии Тоҷикистон» таҳия ва тасдиқ гардидаанд.
Имрӯз таълиму тарбияи насли наврас дар мактабҳо дар асоси ҳамин ҳуҷҷатҳо ва «Консепсияи миллии маълумот», «Консепсияи миллии тарбия дар  Ҷумҳурии Тоҷикистон» ба роҳ монда шудааст.
Иштирок дар озмунҳои ҷумҳуриявӣ аз фаъолнокии хонандагон ва сол аз сол беҳ гаштани сатҳи дониши онҳо дарак медиҳад. Хуб аст, ки таваҷҷӯҳи волидон ба раванди таълим зиёд шуда, онҳо барои таъмири мактабҳо кӯмак мерасонанд.
- Имсол чӣ қадар мактабҳои нав ба истифода дода шуданд? Барои чанд ҷойи нишаст?
- Бо назардошти он ки мактабҳо ба маблағгузории сарикасӣ гузаштанд, маблағи таъмиру тармими онҳо ба суратҳисоби онҳо ворид гардидааст. Агар  дар солҳои пешин барои таъмири мактабҳои як ноҳия дар доираи то 50 – 60 ҳазор сомонӣ ҷудо мешуд, айни ҳол ҳар як мактаб дар доираи то 13 – 14 ҳазор сомонӣ барои таъмир маблағ ба даст овардааст.
Имсол 34 мактаби нав сохта шуда, онҳо дорои 10 839 ҷойи нишаст мебошанд.
- Таъминот бо китобҳои дарсӣ дар кадом сатҳ қарор доранд?
- То ба имрӯз  176 номгӯи китоби дарсӣ ба забони тоҷикӣ барои синфҳои аз  1 то 11 нашр гардида, пура ба мактабҳои таҳсилоти умумӣ ба истифода дода шуданд. Китобҳои дарсӣ ба забонҳои ӯзбекӣ, қирғизӣ ва русӣ  ҳам дар доираи имкониятҳои доштаи Вазорати маориф мавриди нашр қарор мегиранд.
- Имсол дар мактаҳо чӣ қадар муаллим намерасад?
-  Дар соли таҳсили сипаришуда бештар аз 2 ҳазор омӯзгор намерасид. Тибқи маълумоти дар ихтиёри Вазорати маориф қарордошта, масъалаи норасоии кадрҳо дар мактабҳои таҳсилоти умумӣ имсол ҳалли худро меёбад.
 - Аз расонаҳои иттилоотӣ бохабар гаштем, ки имсол ба барномаи таълимӣ фанни нав – «Маърифати ислом» дохил шудааст. Онро дар кадом синфҳо меомӯзанд? Муаллимон - мутахассисони кадом соҳа аз ин фан дарс мегӯянд? Таъмин бо китоби дарсӣ аз ин фан чӣ гуна аст?
- Китоби «Маърифати ислом» бо ширкати донишмандон ва гурӯҳе аз омӯзгорони Донишкадаи давлатии исломии ба номи Имом Абӯҳанифа барои хонандагони синфи 8 омода мешавад. Китоб дар дасти чоп аст, баъди чоп мавриди омӯзиши коршиносон қарор мегирад. Китоб аз 5 боб иборат буда, таърихи  исломро аз пайдоиш то замони соҳибистиқлолии ҷумҳурӣ дар бар мегирад, оид ба ахлоқу фарҳанги исломӣ маълумот медиҳад.
Вазорат тасмим гирифтааст, ки 400 нафар омӯзгори фанни таърих ва адабиётро дар Донишкадаи такмили ихтисоси омӯзгорон барои аз ин фан дарс  гуфтан тайёр кунад. Аз соли оянда омӯзгорони фанни «Маърифати ислом»  дар Донишкадаи давлатии исломии Имом Абӯҳанифа омода мешаванд.
- Мактабҳои хусусӣ. Онҳо имрӯз чандтоянд, чанд мактаби нави хусусӣ боз шудааст?
- Дар соли нави хониш гимназияҳои нави «Ҳиммат» ва «Кафолат» ба фаъолият оғоз мекунанд. Гимназияи «Кафолат»  бо ибтикори соҳибкор Исматулло Исоев барои 400 хонанда бунёд шудааст, ки дорои тамоми шароити зарурӣ ва мутобиқ ба меъёрҳои байналмилалӣ мебошад. Умуман дар ҷумҳурӣ 133 гимназия ва литсей фаъолият мекунанд. 66761   нафар дар ин муассисаҳои таълимӣ дониш хоҳанд омӯхт.


Баёни ақида (0)    Санаи нашр:    №:    Мутолиа карданд: 1103

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед