logo

фарҳанг

ТЕАТР. ЧИПТАҲОИ ФУРӮХТАШУДА ВА ТОЛОРҲОИ ХОЛӢ

Имрӯзҳо масъулони театр намоишҳои худро баъди соатҳои корӣ ва дар рӯзҳои истироҳатӣ ба саҳна мегузоранд, ки барои тамошобин «баҳонае» намонад. Аммо толорҳои театр боз ҳам аз тамошобин холист. Чанде пеш ба Театри давлатии ҷавонон ба номи Маҳмудҷон Воҳидов рафтем, то намоиши «Ашки хунин» - ро тамошо кунем.

«Ашки хунин» аз рӯзгори модаре қисса мекунад, ки бо вуҷуди соҳиби нуҳ фарзанд будан, дар айёми пириву касалмандӣ як нафари нодаркор ва сарборӣ шуда мондааст. Намоиш як ҷаҳон тафсилоту масъалаву маънӣ дорад. Хубаш тамошобин худ ба суроғаш равад. Мо бошем, аз холигии толори театр мехоҳем ҳарф занем. Дар толор ҳамагӣ 27 нафар тамошобин нишаста буд, ки аксари онҳоро хешу пайвандони ҳунармандон ва даъватшудагон ташкил медоданд. Дар омода намудани саҳна ва намоиш шояд аз ин бештар касон ранҷ кашида бошанд. Қариб ним соат интизор шуданд, ки тамошобин биёяд, аммо касе наомад. Намоиш оғоз ёфт ва воқеан ҳамаро мутаассир кард. Дар поёни намоиш аз бонуе, ки мутассадӣ буд, сабаби ин ҳолро пурсидам. Бино ба гуфтаи ӯ, масъулони чанде аз кумитаву идораҳо қаблан чиптаҳоро харидаанду ба тамошо наомадаанд. Ин ҷо худ аз худ хулоса баровардан мумкин аст: «Чиптаатро харидам, рафтану нарафтан кори ман аст».
Боз ҳам шоҳиди воқеаи ба ҳамин монанд шудем. 26 май ба Театри давлатии академии опера ва балети ба номи Садриддин Айнӣ рафтем, то намоиши «Комде ва Мадан» - ро бубинем. Ба тамошо ва гӯш кардани мусиқӣ, ки зиёда аз 40 нафар ҳунарманд ширкат дошт, ҳамагӣ 18 тамошобин омада буд. Ростӣ, ба қадри ҳунару ҳунарманд аз таҳи дил сӯхтам. Дар хотима 18 нафар аз ҷо бархоста кафкӯбӣ кардем, шояд садои кафкӯбӣ ба аҳли ҳунар ҳам нарасид, вале ҳунармандону басаҳнагузорандагон бо эҳтирому қаноатмандӣ ба мо таъзим карданду паси пардаҳо рафтанд…   
Ин саҳлангорӣ ва хунукназарӣ нисбат ба театр нишонаи чӣ бошад?
Шумо шояд савол диҳед, ки оё мешавад, мардумро маҷбур ба театр бурд? Аз оне, ки ба хонандаи мактаб дар соатҳои тарбиявӣ аҳамияти театр ва манфиати маънавии онро мефаҳмонед, ду - се маротиба бевосита ба театр баред, таъсираш даҳчанд бештар аз гуфтану тарғиб кардан аст. Аз ин сабаб, калонсолон низ бо театр аз наздик ошно шаванд, дар сар андеша, дар чашм ашк, дар дил меҳр ба некӣ ва нафрат ба бадӣ аз толори театр берун шаванд, ин дафъа ихтиёран дари театрро мекӯбанд, фарзандони худро низ бо худ мебиёранд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 06.06.2017    №: 118    Мутолиа карданд: 423

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед