logo

иҷтимоиёт

ҲАМНИҲОДИ ВАҲДАТ

Вақте ки имтиҳони тақдирсоз бар сари халқе ва ё миллате меояд, вақте ки  миллат дар лобалои ҳастиву нестияш   ҳассостарин  рӯзҳоро ба  сар мебарад, вақте ки шоми мубҳаму  тақдир дар осмону остони як  кишвар  торикиҳоро фурӯ мерезад, аз байни халқ чеҳраҳои дурахшоне мунаввар мегарданду боло мешаванд, то бо рӯшании хиради худ, бо машъалаҳои муҳаббати ватандӯстонаи худ ба мардум роҳ намоянд ва онҳоро аз вартаҳои ҳалокату нестӣ раҳоӣ бахшанд.

Ҷанги таҳмилӣ, ҷанги бародаркуше, ки бар сари мардуми мо бор карда шуд, чунин имтиҳони тақдирсоз буд. Имрӯз, вақте ки мо дар бораи саҳми бузурги адибону зиёиён ва аслан фарзандони наҷиби миллатамон дар бунёди сулҳу ваҳдати миллӣ сухан мекунем, ба андешаи банда бояд номи дӯст ва бародари мо, Шоири халқии Тоҷикистон Ширин Бунёд низ дар қатори аввалинҳо ба забон гирифта шавад.
Ҳеҷ аз ёдам намеравад. Дар рӯзҳои мудҳиштарин ва хатарноктарини ҷанги шаҳрвандӣ боре садои пур аз изтироб, пур аз ҳаяҷону эҳсосоти  ӯро  аз радиои Тоҷикистон шунидам, ки аз  Бадахшон истода тавассути сабти радиоӣ нидо мекард:  “- Камол, Раҳмат, дӯстонам, шумо дар куҷоед, садо бароред, мо бояд бо ҳам бошем,  бояд пеши роҳи ин даҳшат, ин худкушиҳоро бигирем, мо бояд нагузорем, кишварамон пора - пора шавад...”.   Ӯ далерона даъват мекард, ки мо бояд барои ваҳдати миллӣ мубориза барем, мо бояд ҳукумати қонунии кишварро дастгирӣ кунем, зеро ягона роҳи дуруст, ягона роҳи наҷот ҳамин аст. Чунин даъватҳо аз ҷониби дӯсти мо Ширин Бунёд, воқеан, дар он замон қаҳрамонӣ буд. Ва чунон, ки баъд фаҳмидем, борҳо ба ҷони ӯ силоҳбадастон барои чунин мавқеъ гирифтанаш таҳдидҳо карда будаанд ва танҳо толеи баланд ва ҷасорату ҷавонмардияш ӯро аз коми марг раҳоӣ бахшид.
Президенти муҳтарамамон Эмомалӣ Раҳмон, аз ҷумла Ширин Бунёд, ин шоири ватандӯст ва ваҳдатгароро хуб медонистанд ва ин сифатҳои некашро қадр менамуданд.   Ва унвони баланди Шоири халқии Тоҷикистонро ба Ширин Бунёд шахсан Сарвари кишварамон шоиста донистаанд. Ширин Бунёд шоирест баромада аз байни мардум ва хизматҳои шоистае дар бунёди ваҳдату  истиқлолият ва  адабиёт  кардааст. Ин аст, ки дар арафаи Ҷашни 20 - солагии Ваҳдати миллӣ ва аслан ҳамеша, вақте ки сухан аз сулҳу салоҳ ва мақоми баланди ваҳдати миллӣ дар кишвари мо меравад, мо бояд аз он фарзандони наҷибу ҷоннисору ватандӯсте, ки ҷонашонро дареғ  надошта, халқи моро таҳти сарварии Пешвои  миллатамон Эмомалӣ Раҳмон ба ваҳдату  сарҷамъиву ягонагӣ расонданд, ҳаргиз фаромӯш накунем. Таърих моро намебахшад, агар мо аз ҷонкоҳиву ҷоннисориҳои онҳое, ки воқеан, дар он рӯзҳои хатарнок аз сари нангу номус ва аз сари эҳсосоти баланди ватандӯстӣ саҳми боризи худро дар бунёд ва таҳкими ваҳдати миллӣ ва Истиқлолияти давлатӣ гузоштаанд, фаромӯш кунем. 
 Яке аз иқдомҳои наҷиб, саривақтӣ ва дурбинонаи Сарвари давлати мо Эмомалӣ Раҳмон, ки воқеан, наҷотбахши Тоҷикистони азизи мост, таъсиси Ҳаракати ваҳдати миллӣ ва эҳёи Тоҷикистон дар он рӯзҳои тақдирсоз  буд, ки  аз ақлу заковати баланди ӯ  дарак медод. Ва Ширин Бунёд яке аз онҳое буд, муҳаббати ватандӯстонааш ӯро  фавран ба ин ҳаракат шомил сохт, балки яке аз бунёдгузорони он дар Бадахшон гардид. Ҳарчанд хатарнок буд  дар Бадахшони он рӯзҳо пешгоми ин ҳаракат будан.
Иқдомҳои ваҳдатгароёнаи Ширин Бунёд на фақат дар сухан буд, ӯ амалан ҳар коре, ки аз дасташ меомад, барои ваҳдат мекард. Аз ҷумла, дар он рӯзгори душвор, новобаста ба ноҷӯрии саломатиаш  бо Корвони ваҳдати миллӣ бо як гурӯҳ ҷавонон аз Бадахшон ба роҳ баромад. Ин корвон тамоми кишвар ва шаҳрҳои бузурги онро убур намуда, то Хуҷанди бостон ва аз он ҷо ба пойтахти Ватан - шаҳри Душанбе расид. Дар роҳ ватандӯстону ваҳдатгароёни зиёде ба ин корвон шомил шуданд. Рӯзгор вазнину хатарнок ва роҳҳои он замон ноободу хастакунанда буданд. Аммо корвони Ҳаракати ваҳдати миллӣ рисолати худро иҷро кард ва бори дигар риштаҳои ваҳдатро дар байни шаҳру деҳот ва вилоятҳои Тоҷикистони азиз мустаҳкам сохт.
Ширин Бунёд пеш аз ҳама шоир аст, шоири ватандӯст, сарояндаи Истиқлолияти давлатии Тоҷикистон, сарояндаи ваҳдат, сарояндаи арзишҳои баланди миллӣ, сарояндаи шуҷоат, матонату саодат ва агар дар як ибора ҷамъбаст карда бигӯем, сарояндаи ишқи Ватан. Ӯ дар симои худ, дар шахсияти худ Бадахшони сарбаланд, Бадахшони босафо, Бадахшони пурҳунарро бо ҳамаи шукӯҳу покиву муҳаббат таҷассум менамуд.
Вақте хабар омад, ки Ширин Бунёд аз олам даргузашт, дар назари  ман чунон намуд, ки қуллае аз қуллаҳои баланди Бадахшон фурӯ афтод,  чашмае аз чашмаҳои зулолаш хушкид,  обшоре аз обшори муаттару хушнавояш қатъи вуҷуд кард, як рӯди саршораш бе об шуд. Вақте ки шоир мемирад, воқеан, мисли он аст, ки як рӯд бе об мемонад, як чашма мехушкад, як қулла фурӯ меафтад, зеро шоир рӯди зулолу чашмаи меҳр аст, қуллаи сарбаланди ҷасорату матонат аст.
Аммо имрӯз, вақте ки ҷилди китоби тозанашри Ширинро боз кардаму ба ҷаҳони шеъри ӯ ворид шудам, хушбахтона, дидам, ки ин қулла барҷост, ин чашма, ин обшор, ин рӯдбори зулол саршору ҷориянд, пур аз наво, пур аз сурур, пур аз муҳаббат. Яъне, Ширин бо ҳама самимияту садоқату муҳаббати тасхиркунандаи худ дар ин олами абадият, дар  ин олами бефано, ки олами маънавият аст, зиндаву поянда мондааст.
Камол НАСРУЛЛО,
Шоири халқии Тоҷикистон


Баёни ақида (0)    Санаи нашр: 07.06.2017    №: 119    Мутолиа карданд: 432

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед