logo

иқтисод

ЧОРВОРО ДАР КУҶО ЧАРОНЕМ?

Рӯзноманигор аз ноҳияи Файзобод Ҳокими Сафар зери сарлавҳаи “Ҳайфи ҳайвонҳои безабон” ба идораи рӯзнома хабаре фиристодааст, ки дар он аз ҷумла омадааст: “Деҳаи Фатҳободи Ҷамоати деҳоти Мискинободи ноҳияи Файзобод аз сернуфустаринҳо буда, 460 хоҷагӣ дорад. Сокинон зиёда аз ҳазор сар чорвои калон ва якуним ҳазор сар моли майда доранду аз ҳисоби парваришу фурӯши онҳо  рӯзгорашонро  пеш мебаранд. Болои деҳа чарогоҳҳои тобистонаи Сардара ва Туркмандара воқеанд, ки  солҳои пеш мардум молашонро ба он ҷо ба чаро мебурданд. Чанд сол аст, ки аз Сардараю Туркмандара тибқи шартнома бо директори Корхонаи воҳиди давлатии ба номи А. Назиров    Абдураззоқ Саидов, Маҳмадҷон Шарифов, Мирзоалӣ Гулов, Ҳотам Абдураҳмонов ва чанде дигарон истифода бурда, сокинони деҳаро аз  чарогоҳ маҳрум кардаанд. “Соҳибон” – и нави замин роҳи чорвогузарро танг карда, садди ҳаракати молу говҳо мегарданд. Ҳамчунин,  муовини директор Файзалӣ Яъқубов низ аз пеши худ даҳҳо гектар чарогоҳро ба шиносонаш  тақсим кардаасту ягон мақомот  то ҳанӯз ин худсарии  ӯро насанҷидааст”.
Баъди расидани мактуби шикоятӣ, пеш аз ҳама, бо сардори нозироти андози ноҳияи Файзобод Лутфулло Алиев ҳамсуҳбат шуда, аз пардохти андоз қарздор будан ё набудани Абдураззоқ Саидов, Маҳмадҷон Шарифов, Мирзоалӣ Гулов, Ҳотам Абдураҳмоновро пурсидем. Ӯ иттилоъ дод, ки “чарогоҳи номбурда ба КВД ба номи А. Назиров вобаста асту андози онро на истифодабарандагони замин, балки худи хоҷагӣ месупорад ва хоҷагӣ аз пардохти андоз қарздор нест”. Сипас, аз  директори хоҷагӣ Тоҷиддин Асоев ва сармуҳосиб Садриддин Рустамов  чӣ гуна соҳиби замин гаштани иҷоракоронро пурсидем. Тоҷиддин Асоев, ки дар хоҷагӣ роҳбари нав аст, намедонад, ки бо киҳо ва ба маблағи чанд сомонӣ барои истифодабарии як гектар замини чарогоҳ шартнома баста шудааст. Ӯ гуфт, ки Мирзоалӣ Гулов қитъаи заминро худсарона ишғол намуда, истифода бурда истодааст.
Сарагрономи хоҷагӣ Файзалӣ Яъқубов, ки дар як вақт муовини директор маҳсуб меёбад ва тақсими замин дар ҳузури ӯ ва бо розигии ӯ анҷом дода шудааст, қонуншиканиҳо дар тақсими заминро инкор накарда, гуфт, ки “иҷорапулии ҳар гектар замин 10 (даҳ) сомонӣ муқаррар шудааст. Аз 850 гектар замини чарогоҳ 130 гектар ба хоҷагии деҳқонии “Аҳмад Шарифов”, 130 гектар ба Бой Шарифов, 50 гектар ба Халил Яъқубов, ки чорвои хусусӣ доранд, ба иҷора дода шудааст. Заминҳои боқимондаро сокинони алоҳидаи деҳа байни худ тақсим кардаанд”.
Тақсимоти нодуруст (ба иҷора додани замини чарогоҳ) соҳибони чорвои деҳаи Фатҳободро  ҳайрон кардааст ва намедонанд, ки молу говашонро дар куҷо бурда чаронанд. Марзи заминҳои ҷудошуда бо симтӯру шохҳо печонда шудааст. Замини  яке бо сабаби кам будани саршумори  чорво ночаронда мемонаду беш аз 400 нафар хоҷагии деҳа дар чарондани чорвояшон мушкилот доранд.
Собиқ раиси маҳаллаи Фатҳобод Файзалӣ Авғонов вазъи ҷарогоҳро чунин шарҳ дод:
- Дар мавзеъҳои Сардара ва Туркмандара зиёда аз 850 гектар замини чарогоҳ мавҷуд аст, ки як қисми он аз ҳисоби хоҷагии ҷангали ноҳия барои истифодабарӣ ба КВД ба номи А. Назиров дода шудааст. Сокинони деҳа солҳои пеш 500 гектарро аз корхона  ба иҷора гирифта, барои истифодаи 800 гектар иҷорапулӣ месупурданд. Масалан, соли гузашта мо барои 800 гектар замин 6400 (шаш ҳазору чорсад) сомонӣ супурдем, ки ҳуҷҷаташ мавҷуд аст. Аммо вақтҳои охир роҳбарони хоҷагӣ шартномаро бо сокинони деҳа, ки дар 500 гектар чорвояшонро мечаронданд, қатъ карда, ба одамони алоҳида, ки аз онҳо зиёдтар манфиат мебинанд, ба иҷора додаанд.  Ҳоло чорво ба масофаи 5 – 7 километр  ба чаро бурда мешавад, ки барои сокинони деҳа мушкили сангин гаштааст”.
Воқеан, чун аксар мақомоти иҷроияи маҳаллии ҳокимияти давлатӣ дар ноҳия Файзобод низ ба арзу шикояти сокинон ками дар кам аҳамият медиҳанд. Масъулон гӯё  одат карда бошанд, ки ба арзу шикояти аҳолӣ беаҳамиятӣ зоҳир менамоянд. Бетаваҷҷуҳӣ ба мушкилоти сокинони деҳаи Фатҳобод далели ҳамин гуфтаҳост. Чунин муносибат то кай идома меёфта бошад?
Суолест, ки аз масъулон посух мехоҳад.
М. ФИРӮЗ, “Ҷумҳурият”


Баёни ақида (0)    Санаи нашр: 07.06.2017    №: 119    Мутолиа карданд: 633
07.04.2020


ДУШАНБЕ. ҶАМЪБАСТИ ОЗМУНИ «САЙРИ ГУЛИ ЛОЛА»

БОЗИҲОИ ОЛИМПӢ. ТОҶИКИСТОН ЛИБОСИ ЯГОНААШРО ИНТИХОБ КАРД

НАМОИШИ КИТОБИ КӮДАКОНУ НАВРАСОН

АМРИ ДИЛ. ҶАВОНОНИ СУҒД ИХТИЁРАН БА ХИЗМАТИ ҲАРБӢ РАФТАНД

ДОРУИ КОРОНАВИРУС ДАР РОССИЯ ҲАФТАИ ОЯНДА ПАЙДО МЕШАВАД

ДАР ТОҶИКИСТОН БАРОИ ПЕШГИРӢ АЗ КОРОНАВИРУС СУРАТҲИСОБ КУШОДАНД

ҲАВОИ ГАРМ МЕТАВОНАД ПАНДЕМИЯРО АЗ БАЙН БАРАД?

РОССИЯ БА ЧИН 80 МИЛЛИОН НИҚОБ ФАРМОИШ ДОД

БАРОИ ПЕШГИРӢ АЗ КОРОНАВИРУС ОБНӮШИИ ЗИЁД ТАВСИЯ ШУД

Ҷаҳон дар як сатр

06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД


Дар сомонаҳои дигари Тоҷикистон хонед