logo

иҷтимоиёт

ТАНЗИМ. ЧАНД ПЕШНИҲОД

Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» воқеан, шаклан ва мазмунан қонуни миллии мо маҳсуб мешавад. Амали дурусти он тавонист мардумро аз зери бори гарони зиёдаравӣ раҳо бинамояд ва имкон барои зиндагии осударо фароҳам бисозад.
Дар ояи 185 – и сураи Бақараи Қуръони маҷид таъкид мешавад, ки «Худо барои шумо осониро мехоҳад ва барои шумо душвориро намехоҳад». Яъне, тавре бармеояд, ин қонун бо дин ҳеҷ мухолифат надорад, баръакс барои осонии зиндагии мардум қабул гардидааст. Инчунин, қонуни мазкур барои аз байн бурдани амалҳои нозарур, бидъату хурофот, ки ба ҷашну маросимҳои миллӣ иртибот надоранд, ба тасвиб расидааст. Он ҳамзамон барои пойдории беҳтарин ҷашну маросимҳои  миллӣ  мусоидат менамояд. Чунин ҳақиқатро вақт бори дигар собит сохт. Аз ин рӯст, ки дигар кишварҳо низ бо такя ба қонуни миллии мо ба тасвиби қонун монеи пеши зиёдаравиҳои шаҳрвандонашон гардиданд.
Албатта, вобаста ба таҷлили 10 – солагии қонун, фикр мекунам, ки он бо тағйироти ҷузъӣ ҳам бошад, аз нав нашр мегардад. Зарур аст, ки бо теъдоди зиёд ба табъ расад, то дастраси ҳар оила дар кишвар бишавад. Тарғибу шарҳи он низ бояд аз ҷониби масъулон беҳтару бештар сурат бигирад.
Фикр мекунам, ки ҷумлаи «Ҷашни зодрӯз ба таври ихтиёрӣ танҳо дар доираи оила  гузаронида мешавад» - и моддаи 8 ба андак тавзеҳ ниёз дорад. Дар доираи оила, албатта, он гузаронида мешавад, аммо шояд бо иштироки  зиёди одамони  гуногун, ба ҷуз аҳли оила ва пайвандон. Агар ифодаи «доираи оила» марбут танҳо  ба аъзои оила бошад, дар ин сурат иштироки дигар пайвандони наздики насабӣ фаҳмида намешавад, ҳол он ки набояд чунин бошад.
 Дар моддаи 9 – и қонун, фикр мекунам, ки ин банд зиёдатист: «Падару модарон ва шахсони парастор метавонанд аз маблағҳои  сарфашуда то расидан ба синни балоғат дар бонкҳо ба номи фарзандон бо шартҳои имтиёзнок ва бо кафолатҳои давлатӣ суратҳисоб кушоянд». Ин «маблағҳои сарфшуда» дар ин модда аз хатнасур аст. Дуруст биандешем, ки оё дар хатнасурҳо, гурӯҳи бисёр ками сарватмандон ва ё вазифадорон истисност, чунин маблағ ба вуҷуд меояд? Не. Ба ҷуз ин, банди мазкур бояд ҳукми қонунро  дошта бошад, на як тавсия ё маслиҳатро. Махсусан, дар ин шабу рӯз, ки бонкҳо ба муфлисшавӣ рӯ оварданд ва маблағҳои шаҳрвандонро бе шартҳои имтиёзнок ҳам дода наметавонанд, ин гуна тавсия ё худ маслиҳат ба мақсад мувофиқ нест.  Моддаи 9 бе ин қисмат ҳам худ мукаммал мебошад.
Дар моддаи 11 омадааст, ки «Маросими «чил» ба таври ихтиёрӣ бо иштироки то 80 нафар бо додани як таъом гузаронида мешавад». Ба пуррагӣ ба ин қисмат мувофиқем, аммо дар баъзе маврид ин шумора на ба ихтиёри соҳибони маърака меафзояд. Инчунин, онҳо наметавонанд, ки шахсони бе даъват омадаро напазиранд. Баъзе аз ин шахсон дертар хабари марги шахси наздикашонро  мешунаванд ва бо иштирок дар ин маърака мехоҳанд изҳори ҳамдардӣ ва тасаллият  бинамоянд.
Дар қисмати охири ин моддаи 14 баргузории тӯю маросимҳо дар рӯзҳои  истироҳат аз соати 8 то 23 муқаррар гардидааст. Вобаста ба мавсим ё худ фаслҳои сол агар он тағйир биёбад, беҳтар мебошад. Махсусан, дар деҳот дар фасли тобистон мардум пас аз дамидани субҳ ба корҳои саҳроӣ мераванд. Дар сурати амалкардаи ин қисмати қонун ё онҳо дар маърака иштирок намуда наметавонанд ва ё маҷбур мешаванд, то соати 8 интизорӣ бикашанд. Тағйири вақт ба давомнокии тӯю маъракаҳо  набояд халал ворид бисозад.
Абдулқодири РАҲИМ, «Ҷумҳурият»


Баёни ақида (0)    Санаи нашр: 07.06.2017    №: 119    Мутолиа карданд: 625
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед