logo

ҳуқуқ

ПАЁМАДИ ДУЗДӢ: ШАШ СОЛ ПАСИ ПАНҶАРА

Одилҷон Хушев, сокини шаҳри Ҳисор,  ки қаблан бо ҳукми Суди Олии Ҷумҳурии Тоҷикистон аз 10 ноябри соли  1999 бо дастрасии моддаи 39 Кодекси ҷиноятии Ҷумҳурии Тоҷикистон ба муҳлати 13 сол бо мусодираи молу мулк аз озодӣ маҳрум шуда буд, дубора паси панҷара рафт.
Номбурда соли 2008 аз маҳкама озод шуда, оила барпо кард ва дар шаҳри Душанбе ба мардикорӣ ва кафшергарӣ машғул шуд. Ӯ моҳи октябри соли 2016 бо директори ширкати «Русфурнитура», ки дар маҳаллаи Шоҳроҳи оҳани ноҳияи Сино ҷойгир аст,  оид ба  иҷрои корҳои сохтмонӣ шартнома баст. Муддати се моҳ бо 9 нафар дар он ҷо кор карда, сохтмонашро ба анҷом расонд. Дар охир аз директор маблағи музди меҳнаташро талаб кардааст, вале ӯ пардохти маблағро ба таъхир мепартофт. Кор ба ҷое расид, ки байни коргару корфармо дуруштгӯиву ҷанҷол бархост ва ниҳоят Одилҷон Хушев он ҷоро тарк кард. 
Баъди чанд муддат, аниқтараш шаби 11 январи соли равон О. Хушев аз болои девор ба  саҳни ширкати «Русфурнитура» даромад. Дар ҳоле ки касе ба назар намерасид, номбурда роҳи ҳуҷраи сармуҳосибро пеш гирифт, зеро хуб медонист, ки дар он ҷо маблағи зиёд маҳфуз аст. Ӯ чанд муддат дар ширкати мазкур кор карда, борҳо барои харидорӣ кардани маводи сохтмон маблағ гирифта буд. Бо ломи дар дасташ буда, дарро якчанд маротиба зад. Аз садои баланди он дар нимашаб худ тарсид ва ба  гирду атроф нигоҳ карда,  ҳеҷ касро надид ва каме ором шуд. Ҳарчанд хост, бо лом дарро шикаста дарояд, вале барояш муяссар нашуд. Ба назди тиреза рафта, панҷараи онро шикаст ва ба дохил ворид шуд. Бо телефони мобилиаш рӯшноӣ дода, дари ҷевони оҳаниро бо лом шикаст ва маблағи 177 000 сомониро тасарруф намуда, аз ҷойи ҳодиса ғайб зад.
Одилҷон Хушев баъди содир намудани ҷинояти дуздӣ, рӯзи дигар аз мошинбозори шаҳри Душанбе ба маблағи 50000 (панҷоҳ ҳазор) сомонӣ автомашинаи тамғаи «Тойота Карола», соли бароришаш 2007, рангаш сафедро харид. Онро ҳамон рӯз дар ШДИ РБДА Ҷумҳурии Тоҷикистон ба ному насаби  писари амакаш Хушев Абдулло Шералиевич, бо аломатҳои бақайдгирии 29 – 49 СР 01  ба расмият даровард.
Дар пайи ин ҳодиса суди ноҳияи Синои шаҳри Душанбе таҳти раисии  Р. Искандарзода дар маҷлиси ошкорои судӣ 4 апрели соли 2017 парвандаи ҷиноятӣ бо айбдории Хушев Одилҷон Қосимҷоновичро бо моддаи 244 қисми 3 банди «а» - ва 262 қисми1 – и Кодекси ҷиноятии Ҷумҳурии Тоҷикистон баррасӣ намуд.
Дар натиҷа бо дастрасии моддаи 67 қисмҳои 3 ва 5 – и Кодекси ҷиноятии Ҷумҳурии Тоҷикистон нисбат ба Хушев Одилҷон Қосимҷонович ҷазои маҳрум сохтан аз озодӣ ба муҳлати 6 сол бо нигоҳ доштан дар калонияҳои ислоҳии дорои низоми пурзӯр ва маҳрум кардан аз ҳуқуқи машғул шудан ба фаъолияти сохтмонӣ ба муҳлати 2 сол ҷазо таъйин кард.
М. САФАР, «Ҷумҳурият»


Баёни ақида (0)    Санаи нашр: 08.06.2017    №: 120    Мутолиа карданд: 411

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед