logo

иҷтимоиёт

ТАНЗИМ. МАРДУМ ЧӢ МЕГӮЯД?

Аз қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» 8 июн даҳ сол пур мешавад. Ин санад, ки дар ҷомеа ба унвони қонуни миллӣ низ шинохта шудааст, дар зарфи даҳ соли амали худ натиҷаҳои судманде дар пай дошт. Аз ҷумла, қонун тавонист то андозае ба хурофоту зоҳирпарастӣ, худнамоиву зиёдаравиҳо хотима гузошта, дар баланд бардоштани сатҳи некуаҳволии мардум мусоидат кунад. Вале, бо вуҷуди дастовардҳои қобили таваҷҷуҳ ҳамоно риоя нагардидани баъзе аз муқаррароти он аз ҷониби афроди алоҳида ба назар мерасад. Вобаста ба ин ва дигар паҳлуҳои қонун, дастовард ва таклифҳо оид ба такмили он хабарнигори «Ҷумҳурият» бо сокинон ҳамсуҳбат шуд:
Маҳматоҳир Назризода, муовини раиси ноҳияи Тоҷикобод:
- Аз рӯзи ба тавсиб расидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» то имрӯз дар самти пешгирии исрофкорӣ ва зиёдаравӣ корҳои зиёде ба анҷом расида бошанд ҳам, риоя нагардидани баъзе муқаррароти қонун ҳамоно мавзӯи баҳс боқӣ мондааст. Дар ноҳияи Тоҷикобод ҳарчанд дар ин самт қонуншиканӣ кам ба назар мерасад, аммо дар ин миён зиёдаравиҳое ҳастанд, ки ба қарздоршавии баъзе сокинон ва пошхӯрии оилаҳои ҷавон боис шудааст. Гирифтани туҳфаҳои зиёди гаронарзиш ба арӯсу домод, қудоҳо ва хешовандони тарафайн дар баъзе ҳолатҳо ба мушоҳида мерасанд. Аз ин рӯ, ба хотири пешгирии ин ва дигар камбудиҳо комиссияҳои ҷамъиятиро зарур аст, ки  назоратро дар ин самт пурзӯртар намоянд.

Муҳаббат Азимов, сокини ноҳияи Данғара:
- Ҳарчанд ин қонун бо мақсади беҳтар шудани сатҳи зиндагӣ ва ғанӣ гардондани буҷети оилаи шаҳрвандон қабул шудааст, вале дар бештари ҳолатҳо талаботи он, бахусус аз ҷониби баъзе хизматчиёни давлатӣ ҳатто худи масъулон риоя намешавад. Аз ин рӯ, пешниҳод менамоям, ки дар қонун таъйини ҷазо барои чунин афрод вазнинтар шавад. Зеро таҷриба нишон дод, ки дар чунин ҳолатҳо ҷазо танҳо дар намуди ҷарима барои ин гурӯҳ чандон таъсирбахш нест. Илова бар ин, пешниҳод менамоям, ки вақти баргузории тӯйи домодию арӯсӣ аз се соат ба ду соат кам карда шавад. Ин амал метавонад ба боз ҳам камхарҷ доир шудани тӯю маъракаҳо мусоидат кунад ва арзиши хазматрасонии сарояндаҳоро низ коҳиш диҳад, ки ба манфиати мардум аст.

Ҷӯрабек Сафаров, сокини ноҳияи Бохтар:
- Дар маросимҳои азодорӣ, аз ҷумла чил ва сол, одатан одамони зиёд меоянд. Шумораи меҳмонон дар бештари ҳолатҳо аз дусад нафар ҳам мегузарад. Чӣ гуна метавон онҳоро ба хона қабул накард ё таом надод? Комиссияҳои танзим дар ҳама санҷишҳо танҳо шумораро ҳисоб мекунанд. Аз ин рӯ, хуб мешуд ба моддаи 11 - и Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ки бар пояи он маросими чил ва сол ба таври ихтиёрӣ бо иштироки 80 ва 100 нафар бо додани як таъом гузаронда мешавад, тағйирот ворид гардад.  
Лашкар ШАРИФ, «Ҷумҳурият»


Баёни ақида (0)    Санаи нашр: 08.06.2017    №: 120    Мутолиа карданд: 650
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед