logo

ҳуқуқ

МАВОДИ МУХАДДИР. МУСОДИРАИ БЕШ АЗ 90 КИЛОГРАММ ДАР ЯК МОҲ

Кормандони Агентии назорати маводи нашъаовари назди Президенти Ҷумҳурии Тоҷикистон дар натиҷаи гузарондани чорабиниҳои оперативӣ-ҷустуҷӯӣ дар моҳи майи соли ҷорӣ зиёда аз 90 килограмм маводи нашъаоварро ошкор ва мусодира карданд.
Тавре аз ин ниҳод ба «Ҷумҳурият» хабар доданд, 13 май кормандони шуъбаи байниноҳиявии Дарвози Раёсати Агентии маводи нашъаовари назди Президенти Ҷумҳурии Тоҷикистон дар Вилояти Мухтори Кӯҳистони Бадахшон дар ҳамкорӣ бо намояндагони Кумитаи давлатии амнияти миллӣ дар шоҳроҳи Қалаихумб-Хоруғ, дар деҳаи Ширговади ноҳияи Дарвоз автомашинаи тамғаи “Мерседес-Бенс”-ро таҳти идораи сокини 23-солаи ҳамин ноҳия боздошт намуданд. Ҳангоми азназаргузаронии автомашина аз бағоҷи он як адад борхалта дарёфт гардид, ки дар дохили он 20 дона бастаи селофанӣ бо маводи зардчатоби хамирмонанд мавҷуд буд. Мутобиқи хулосаи шуъбаи экспертизаи судии раёсати агентӣ дар ВМКБ маводи мусодирагардида афюн буда, вазнаш 20,044 килограммро ташкил медиҳад.
Ҳамчунин, 16 май аз ҷониби кормандони ҳамин раёсат якҷо бо хизматчиёни ҳарбии раёсати Қӯшунҳои сарҳадии Кумитаи давлатии амнияти миллӣ дар деҳаи Сумчии ноҳияи Ишкошим убури ғайриқонунии сарҳад аз тарафи се шаҳрванди Ҷумҳурии Исломии Афғонистон ба Ҷумҳурии Тоҷикистон мушоҳида гардид. Ҳангоми кӯшиши дастгир намудани сарҳадшиканон аз тарафи гурӯҳи муштарак тирпарронӣ ба амал омад, ки дар натиҷа онҳо ақибнишинӣ намуда, ба самти Афғонистон фирор намуданд. Баъди азназаргузаронии ҷои ҳодиса аз соҳили дарёи Панҷ як адад борхалтаи полиэтиленӣ ва як адад бастаи селофанӣ дарёфт ва мусодира шуд. Маълум гашт, ки маводи мусодирашуда “ҳашиш” (зиёда аз 10 килограмм) ва “героин”  (як килограмм) мебошад.
Ба иттилои манбаъ, 21 май дар натиҷаи гузарондани чорабиниҳои оперативӣ-ҷустуҷӯӣ аз ҷониби кормандони Раёсати Агентии маводи нашъаовари назди Президенти Ҷумҳурии Тоҷикистон дар вилояти Хатлон дар ҳудуди Ҷамоати деҳоти Гулистони ноҳияи Восеъ аз дохили мошини сабукрави тамғаи “Тойота-Кемри” таҳти идораи сокини ноҳияи Рӯдакӣ, 30 килограмму 230 грамм “ҳашиш” ва 11 килограмму 440 грамм “афюн” дарёфт гардид. Тафтишот нишон дод, ки дастгиршуда қаблан барои муомилоти ғайриқонунии маводи нашъаовар суд шуда будааст.
Зимнан, 31 май дар ҳудуди ноҳияи Ҷайҳуни вилояти Хатлон як сокини ноҳияи Панҷ дастгир ва ҳангоми кофтуков аз дохили сумкаи ӯ понздаҳ адад бастаи селофанӣ бо 18 килограмму 365 грамм «ҳашиш» дарёфт ва мусодира гардид.
Нисбат ба ин ҳодисаҳо парвандаҳои ҷиноятӣ оғоз шуда, тафтишот идома дорад.
Сафаргул АЛИМОВА, «Ҷумҳурият»


Баёни ақида (0)    Санаи нашр: 08.06.2017    №: 120    Мутолиа карданд: 429

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед