logo

иҷтимоиёт

"Ҷавобгарӣ барои бемасъулиятӣ", "Ҷумҳурият", 4 майи соли 2017

Вазорати тандурустӣ ва ҳифзи иҷтимоии аҳолӣ аз ҳамкории доимӣ ба аҳли эҷоди рӯзномаи «Ҷумҳурият» дар самти тарғиби ташаккули тарзи ҳаёти солим, дастовардҳои соҳаи тандурустӣ ва ҳифзи иҷтимоии аҳолӣ изҳори қаноатмандӣ намуда, ҳамзамон дар мавриди маводи «Ҷавобгарӣ барои бемасъулиятӣ» маълумоти зеринро пешниҳод менамояд.
Боиси зикр аст, ки дар даврони истиқлолият дар вилояти Суғд сол аз сол тамоюли пастшавии нишондоди  фавти модарону кӯдакон ба назар мерасад. Нисбат ба соли 2015 ҳодисаҳои фавти  модарон дар соли 2016 ба 9  ҳолат, фавти кӯдакон ба 59 ҳолат кам гардид.
Нигоҳубини антенаталӣ яке аз масъалаҳои афзалиятноки  нигаҳдории саломатии модар ва кӯдак  ба ҳисоб рафта, дар мадди аввали соҳаи тандурустӣ меистад. Таҳлилҳо нишон доданд, ки дар вилоят дар соли 2016 ба қайди назорати антенаталӣ 65726 нафар занони ҳомила гирифта шуда, аз он 94 дарсад дар давраи то муҳлати 12 ҳафтаи ҳомиладорӣ мебошад. Дар семоҳаи аввали  соли 2017 бошад, 18569 нафар  ҳомиладорон ба қайд гирифта шуданд. Ҳамаи онҳо аз муоинаи тиббии пеш аз таваллудӣ гузаронда шудаанд.
Бояд қайд намуд, ки бо мақсади кам кардани сатҳи камхунӣ дар байни занони ҳомила ба ҳамаи  шаҳру ноҳияҳои вилоят вазорат ҳабҳои оҳан ба таври ройгон дастрас менамояд. Марказҳои саломатии шаҳру ноҳияҳо бо ин мавод пурра таъмин мебошанд. Дар семоҳаи аввали соли 2017 - ум 6589000 адад ҳабҳои зидди камхунии ферросулфат бо таври ройгон тақсим карда шуданд. Дар мақолаи ба нашр расида бо сабаби камхунӣ фавтидани З. Турсунова аз шаҳри Панҷакент таъкид шудааст. Дар асл, дар асоси ташхисҳои лабораторӣ дар ин бемор камхунии дараҷаи сабук дарёфт гардида, барои табобати камхуниаш маводи зиддикамхунии оҳандор таъйин шудааст. Дар давраи ҳомиладории ӯ фишорбаландии шарёнӣ ва давраи таваллуд оризаи хунравии акушерӣ ба назар расида, фавти зан аз хунравии зиёд ба қайд  гирифта шудааст.
Дар Шаҳноза Ҷӯраева, сокини ноҳияи Деваштич, фавти дохилибатнии тифл муайян карда шуд. Ҳамзамон, зани такрорҳомила ба ҷунбиши тифлаш аҳамияти хоса надодааст ва сари вақт ба табибон муроҷиат накардааст. Дар вақти муайян гардидани фавти  дохилибатнии тифл роҳхат барои қатъ кардани ҳомиладорӣ дода шуда, ҳатман бистарӣ карда шуд.
Дар ҳолати Зебо Исломова, аз ноҳияи Спитамен, мавриди зикр аст, ки зан бо бемории шадиди роҳи нафас дар хона табобат гирифтааст. Табибони оилавӣ бистарӣ шуданро тавсия додаанд, аммо ӯ рад намудааст. Баъдан, бо сабаби вусъат ёфтани беморӣ ва вазниншавии ҳолат ба беморхона бистарӣ гардидааст, ки ин сабаби фавташ гардид.
Дар муассисаҳои ёрирасон ба таваллуд дар семоҳаи аввали соли 2017-ум 498 ҳолати оризаи давраи таваллуди ба ҳаёт хатарнок ва 1081 ҳодисаи гирифтории бемориҳои ғайригениталии занони ҳомила ба қайд  гирифта шуда, баҳри саломатии модар ва кӯдак тадбирҳо андешида шудааст. Ҳар яке аз омилҳои мазкур метавонист, сабаби фавти модарон гардад. Аз ин теъдод 23 дарсад таваллуди пеш аз муҳлат ба қайд гирифта шуд.
Масъалаи норасоии кадрҳо дар шаҳру ноҳияҳои дурдасти вилоят ҷой дошта, айни замон хатмкунандагони донишгоҳҳои тиббии ҷумҳурӣ бо ҷойҳои корӣ таъмин шуда истодаанд.
Мутаассифона, яке аз сабабҳои ба амал омадани фавти модар ва кӯдак сари вақт иҷро нагардидани стандартҳои миллии таъминшавии модаршавии бехавф аз ҷониби баъзе кормандони муассисаҳои тиббии шаҳру навоҳии вилоят мебошад. Натиҷаи  мониторинги иҷрои  стандартҳои миллӣ дар сатҳи муассисаҳои кумаки аввалияи тиббию санитарӣ 79,5 дарсад ва сатҳи бистарикунонии ёрӣ ба таваллуд 76,2 дарсадро  нишон дод.
Баҳри паст кардани нишондоди фавти модару кӯдак корҳои ташвиқотию тарғиботӣ дар байни аҳолӣ оид ба беҳтар намудани  самти солимии модарону кӯдакон, танзими оила, пешгирии никоҳҳои хешутаборӣ ва оқибатҳои он, таъсири тавлиди кӯдакони маъюб гузаронда мешаванд.
С. УМАРЗОДА,
муовини якуми вазири тандурустӣ  ва ҳифзи иҷтимоии аҳолӣ


Баёни ақида (0)    Санаи нашр: 08.06.2017    №: 120    Мутолиа карданд: 561

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед