logo

иҷтимоиёт

ЧАШМАИ САИДИ ЗАРД

Он дар деҳаи Дараи Эмоми Ҷамоати деҳоти «Доғистон» - и ноҳияи Шамсиддин Шоҳин ҷойгир аст. Ривоят аст, ки чашма ба Саид ном як паҳлавон ва човандози машҳур тааллуқ доштааст. Саид  чашмаро бинобар хунук ва  мусаффо буданаш  бисёр дӯст медоштаасту танҳо аз оби он менӯшидааст. Ба хотири ҳамин муҳаббати зиёд дар шафати чашма хона  ва боғи калоне бунёд кардааст, ки  қисмати зиёди  дарахтони он ҳанӯз ҳам барҷоанд.
Саид писари ягонаи марди камбағале буд. Аз сабаби мӯи зард  доштанаш ӯро Саиди Зард мегуфтанд. Нақл мекунанд, ки Саиди Зард дар 17 – 18 - солагӣ аллакай ҳамчун паҳлавону човандоз ном бароварда, дар вақти давидани асп тангаро аз замин озод мебардоштааст.
 Овозаи човандозии Саиди Зард  аз ҳудуди зодгоҳаш - Кӯлоб берун шуда, то Ҳисору Қаротегину Балху Бухоро ва Марву Қаршӣ мерасад. Касе дар бузкашӣ ба ӯ баробар намешуд.
Нақл мекунанд, ки як вақт гурӯҳи аҷнабиён омада, мехоҳанд заминҳои файзбору ҳосилхезро, ки манбаи асосии зиндагии  мардум ҳисоб мешуданд, ғасб ва майдони чарогоҳҳои тобистонаи худ созанд. Барои ин ба ранҷу озори мардум шурӯъ мекунанд. Заминҳои ғалларо бо аспу рамаҳояшон поймол, соҳибонашонро таҳқир менамоянд. Мардум дар муқобили ин рафтори ваҳшиёнаи онҳо чорае надошт.
Саид ин ҳамаро медид ва пайти муносиб меҷуст. Ӯ, ки худ марди ботаҳаммул буд, мефаҳмид, ки дар муборизаи рӯ ба рӯ дастболо гаштан кори осон нест. Хуб медонист, ки бо душманон дар бораи сулҳ гуфтугӯ кардан маъно надорад. Онҳо аз ин шерак шуда, ҳеҷ гуна шартро қабул намекунанд. Ғайр  аз ба  мубориза бархостан роҳи дигаре  набуд.
Пинҳонӣ ҷавонмардони деҳаро ҷамъ оварда, дастае ташкил кард. Аҳд бастанд, ки ё мемурем ё пирӯз мешавем! Саид ба Қир савор шуда, ба майдон баромад. Ӯ дар тамоми муддати човандозию аспсаворияш бори аввал аз чилбур, аз арғамчине, ки ғирромбозон аснои бозӣ ба почаки буз меандохтанд, истифода кард. Ӯ акнун чилбурро ба почаки буз не, балки ба дасту почак, гардану миёни душманон меандохт. Ин амалро ончунон устокоронаю чобукона ба анҷом мерасонд, ки душман тамоман дар ғафлат монда, чӣ кор карданашро намедонист. Ҳамин тавр, дар як фурсати кӯтоҳ чанд паҳлавони номии душманро оварда, ба дасту пояшон ишкел зад. Душман сариштаи корро аз даст дода, хост якбора ба ӯ ҳуҷум намояд. Дар ин лаҳза дастаи ҷавонмардони деҳа ба майдон омад.
Мардуми деҳа ҳам аз ин амали ғайриинтизор шерак  шуда, зану мард ҳама якбора ба душман ҳамла карданд. Ҳамин тавр, душман мағлуб шуда гурехт ва дигар ҳеҷ гоҳ ҷасорати бозгаштан накард.
Саиди Зард худ як марди одӣ ва заҳматкаше будааст. Дар боғи бунёдкардааш шабу рӯз меҳнат менамудааст. Мардум ба хотири муҳаббате, ки ба ин марди далеру шуҷоъ дошт, ҳанӯз ҳам ин чашмаро Саиди Зард ном мебаранд. Аз оби хунуку мусаффояш нӯш ва аз корнамоию далериҳои ин ҳамдиёри худ ёд мекунанд.
Алихон ЗАРИФӢ


Баёни ақида (0)    Санаи нашр: 09.06.2017    №: 121    Мутолиа карданд: 647

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед