logo

фарҳанг

НУСРАТУЛЛО МАХСУМ. МЕАРЗАД, КИ ДОНИШКАДАИ ОМӮЗГОРИИ ТОҶИКИСТОН ДАР НОҲИЯИ РАШТРО БА НОМИ Ӯ ГУЗОРЕМ

Ҷамъбасти озмуни Нашрияи расмии Ҷумҳурии Тоҷикистон -  рӯзномаи «Ҷумҳурият», ки якҷо бо мақомоти иҷроияи маҳаллии ҳокимияти давлатии ноҳияи Рашт бахшида ба 20 - солагии Рӯзи Ваҳдати миллӣ ва ба хотири гиромидошти Қаҳрамони Тоҷикистон Нусратулло Махсум эълон шуда буд, дар шаҳраки Ғарми ноҳияи Рашт хотирмону муассир ҷамъбаст гардид. То ҳанӯз дар атрофи он аҳли қаламу ҳаводорони калом ва алоқамандони жанрҳои публитсистию рӯзноманигорӣ дар нишастҳо суҳбат меороянд ва роҷеъ ба  бардоштҳояшон изҳори назар мекунанд.
Маҳмадзода Нодир Абдуназар, мудири шуъбаи бойгонии мақомоти иҷроияи маҳаллии ҳокимияти давлатии ноҳияи Рашт андешаҳояшро дар ин бора чунин иброз дошт:
 - Роҳандозӣ намудани чунин як озмун аз ҷониби Нашрияи расмии Ҷумҳурии Тоҷикистон дар арафаи таҷлили  Ҷашни 20 -  солагии Рӯзи Ваҳдати миллӣ саривақтӣ ва бамавриду судбахш аст. Ин боз як  василае гардид барои арҷгузорӣ ба хидматҳои мондагори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи расидан ба сулҳу ваҳдати миллӣ, таъмини саодати рӯзгор, сарсабзии диёру мардуми сарбаланди тоҷик, ҳамчунин, шинохти чеҳраи воқеии Қаҳрамони Тоҷикистон Нусратулло Махсум ва баландбардории ҳувияту ҳисси ифтихори миллии ҷавонон.
Чуноне дар ҷамъбасти озмун  зикр гардид,  он чор моҳ идома ёфта, аз 70 матолиби воридгардида, 30 маводи беҳтарин  бо салоҳдиди ҳайати эҷодӣ рӯи чоп омад. Хуб мешуд, маҷмӯи матолибе, ки ба рӯзномаи «Ҷумҳурият» пешниҳод гардидааст, барои ояндагон дар шакли китоби алоҳида нашр гардад. Ҳамчунин, назди пайкара, ё дар худи хонаи Нусратулло Махсум осорхонааш сохта шавад.
Номгузорӣ кардани ноҳияҳо, ҷамоатҳои деҳот ва ташкилоту муассисаҳо ба номи шахсиятҳои  маъруфи кишвар, бахусус, ба номи қаҳрамонон ба ҳукми анъана даромадааст, ки ин аз қадршиносии  Пешвои миллат нисбат ба гиромидошти бузургони миллатамон  гувоҳӣ медиҳад. Чуноне номгузорӣ кардани Донишгоҳи давлатии омӯзгории Тоҷикистон ба номи Садриддин Айнӣ, Донишгоҳи давлатии Хуҷанд ба номи Бобоҷон Ғафуров, Донишгоҳи аграрии Тоҷикистон ба номи Шириншоҳ Шоҳтемур.  Ин нишон аз соҳибдавлатӣ ва ифтихори миллӣ доштани мо мебошад. Хизматҳои Нусратулло Махсум дар ҳама соҳаҳои хоҷагии халқи кишвар, аз ҷумла дар соҳаи маориф ва тандурустию фарҳанг низ назаррас аст. Меарзад, ки Донишкадаи омӯзгории Тоҷикистон дар ноҳияи Рашт ба номи Қаҳрамони Тоҷикистон Нусратулло Махсум номгузорӣ шавад. Ин туҳфаи хубе  мешуд дар  доираи чорабиниҳо бахшида ба Рӯзи Ваҳдати миллӣ, бахусус барои зиёиёни ноҳияи Рашт ва тамоми мардуми Тоҷикистони азиз.
Худодод ЗАЙНИДДИН, «Ҷумҳурият»


Баёни ақида (0)    Санаи нашр: 10.06.2017    №: 122    Мутолиа карданд: 488

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед