logo

иқтисод

ХОНАИ УМЕДИ МО. НАБОЯД ДАР ТОЗАГИИ ОН БЕТАРАФ БОШЕМ!

Дар Наврӯзгоҳи пойтахт чорабинии фарҳангию фароғатӣ ва намоиши беҳтарин дастовардҳои корхонаву муассисаҳои шаҳри Душанбе дар самти истеҳсоли маҳсулоти аз ҷиҳати экологӣ тоза, аз ҷумла маҳсулоти корхонаҳои «Шири Душанбе» ва «Сементи Тоҷикистон», ихтирооту навоварии донишҷӯёни донишгоҳу донишкадаҳо, муассисаҳои таҳсилоти миёнаи умумӣ ва касбӣ – техникии пойтахт, таҳти унвони «Душанбешаҳр - макони зебоӣ ва озодагист» доир гардид.
Нахуст роҳбарону масъулони сохторҳои шаҳрӣ перомуни вазъи муҳити зист дар даврони истиқлолият ва татбиқи қонунгузории ҷорӣ дар ин самт суханронӣ намуда, ҳифзи муҳити зистро бо назардошти аз он вобаста будани рушди соҳаҳои иқтисодию иҷтимоӣ муҳим арзёбӣ карданд.
Муинӣ Мавсум, муовини раиси шаҳри Душанбе, дар ҳалли масъалаҳои иҷтимоӣ иштироки бевоситаи аҳолиро зарур дониста, гуфт, ки солҳои ахир шаҳрвандон бо дарки масъулияти шаҳрвандию шаҳрнишинӣ дар чунин чорабиниҳо ва ҳамоишҳои экологӣ иштироки фаъол доранд. Махсусан саҳми аҳли ҷамоатчигии пойтахт дар чорабиниҳои  бахшида ба таҷлили Рӯзи байналмилалии ҳифзи муҳити зист, Рӯзи ҷаҳонии Замин, Рӯзи парандаҳо,  «Тозагии соҳил», «Тозагии маҳал» ва аксияи велосипедронҳо, ҳамчунин, Соли гул, аксияи тозаю пок доштани соҳилҳои рӯди Варзоб, «Душанбе – покии виҷдон», «Шанбегии сабз» ва дигар ҳашарҳои дар доираи «150 рӯзи ободонӣ», ки ба истиқболи  20 – солагии Рӯзи Ваҳдати миллӣ дар шаҳри Душанбе ҷараён дорад, хеле назаррас аст. Чунин чорабиниҳо барои бартарафсозии баъзе проблемаҳои экологии дар шаҳр буда тавассути баланд гардидани маърифати экологии мардум самараи дилхоҳ медиҳанд.
Дар шаҳри Душанбе яке аз сабабҳои ифлосшавии муҳити зист, махсусан ҳавои атмосфера корхонаҳои саноатии шаҳр ва нақлиёти автомобилӣ ба ҳисоб меравад. Онҳо дар якҷоягӣ ба ҳаво зиёда аз  100 намуди пайвастҳои кимиёвӣ хориҷ мекунанд. Бино ба маълумоти оморӣ, ихроҷи моддаҳои зараровар ба ҳавои атмосфера 20 дарсад ба сарчашмаҳои доимӣ ва 80 дарсад ба воситаи нақлиёт рост меояд. Дар шаҳри Душанбе 160 корхонаи хурду калони саноатӣ, 50 нуқтаи сӯзишворӣ, 12 ҳаммом, 50 нуқтаи таъмири нақлиёт, 42 таваққуфгоҳи нақлиёт, 103 корхонаи шустушӯи нақлиёт мавҷуданд, ки дар натиҷаи фаъолияти онҳо ба ҳавои атмосфера моддаҳои зараровар, ба монанди оксидҳои карбон, оксидҳои азот, карбогидратҳо, ангидриди олтингӯгирд ва чанг хориҷ мешаванд.
Барои таъмини беҳдошти муҳити зист дар шаҳри Душанбе масъалаи баровардан, коркард ва безарар гардондани партовҳо низ проблемаҳои муҳим ва мураккаб ба шумор мераванд. Моҳҳои ахир мушкили сари вақт бурдани онҳо нисбатан беҳтар шуда бошад ҳам, масоили коркард ва безараргардонӣ ҳанӯз боқӣ мондааст. Ба КВД «Партовгоҳи партовҳои сахти маишии шаҳри Душанбе», воқеъ  дар километри 11-уми шоҳроҳи Душанбе – Ваҳдат, ҳар рӯз ба ҳисоби миёна 750 - 800 тонна партовҳои сахти маишӣ бароварда мешаванд, ки ба коркард ва безарарсозӣ ниёз доранд.
Мақомоти иҷроияи ҳокимияти давлатии шаҳри Душанбе барои ҳалли саривақтии ин ва дигар масоили ҳалталаби ҳифзи муҳити зист тадбирҳои мушаххас андешида, гурӯҳи муштараки таблиғотӣ оид ба тарғиби маданияту масъулияти шаҳрнишинӣ, густариши корҳои ободонӣ ва баланд бардоштани маърифати ҳуқуқии шаҳрвандон  таъсис дод, зеро дарки моҳияти масъалаи ҳифзи муҳити зист аз ҷониби ҳар як сокини пойтахт хеле муҳим аст.
О. ВАФОБЕКЗОДА, «Ҷумҳурият»


Баёни ақида (0)    Санаи нашр: 10.06.2017    №: 122    Мутолиа карданд: 597

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед