logo

иҷтимоиёт

РИСОЛАТ

Набурда ранҷ ганҷ муяссар намешавад. Ҳамеша дар роҳи расидан ба мақсадҳои олӣ монеаҳои зиёд пеш меоянд.  Соҳибкори ҷавон Фарҳод Хайруллоев аз хурдӣ, бо вуҷуди мушкилиҳо, дар ҷодаи интихобнамудааш устуворона қадам мезад ва кори тиҷоратро аз бозорҳои маҳаллӣ оғоз карда,  тадриҷан ба як соҳибкорӣ сатҳи байналмилалӣ расид.  Ҳоло номбурда раиси Шӯрои соҳибкорони Тоҷикистону Италия мебошад.
Таъсиси   Шӯрои соҳибкорони Тоҷикистону Италия яке аз  тадбирҳои судманди Ҳукумати мамлакат буд,  ки  дар доираи  баргузории   Ҷашнвораи байналмилалии соҳибкории Душанбе -  2015 сурат гирифт.  Фаъолияти он ба  тавсеа бахшидани ҳамкории соҳибкорони Тоҷикистону Италия  ва ҷалби  сармоя барои татбиқи барномаҳои фарохдомани иқтисодию  иҷтимоии кишвар равона гардидааст. Номбурда  ҷалби сармояи хориҷӣ ва ба ин васила равнақ бахшидани истеҳсолоти ватаниро рисолати аслии соҳибкори ватанӣ медонад.
- Кишвари мо  дар баробари  захираҳои бузурги гидроэнергетикӣ,  маъдани кӯҳӣ, оби соф, кишоварзӣ, туризм ва ғайра амният ва суботи сиёсии беҳтар дорад. Фазои хуби сармоягузорӣ дар Тоҷикистон ҳоло ширкатҳои бонуфузи ҷаҳонро барои ҳамкорӣ бо ҳамтоёни тоҷикашон ҳавасманд сохтааст. Шумораи  намояндагии онҳо  дар мамлакат рӯз аз рӯз меафзояд.  Соҳибкорони итолиёвӣ ба амнияту суботи Тоҷикистон баҳои баланд медиҳанд ва аллакай сармоягузорони зиёди ин кишвар  омодаанд барои  амалисозии лоиҳаю барномаҳо дар ҷумҳурӣ маблағгузорӣ намоянд. Шӯрои номбурда   аз замони таъсис то имрӯз бо  30 ширкати Италия дар соҳаҳои гуногун ҳамкориҳоро  ба роҳ мондааст. Айни замон он дар  танзими санадҳои меъёрии ҳуқуқи соҳибкорӣ, додани маълумоти  зарурӣ,  ташкили ҷамъомадҳои машваратӣ, конфронс, бизнес - вохӯриҳо ва  баррасии мушкилоти дигар ба соҳибкорони ҳар ду мамлакат ёрӣ мерасонад. Ҳоло ширкатҳои  «Паниний» - дар самти истеҳсоли макарон, «Соларинг» - тавлиди батареяҳои офтобӣ,  «Галеле Коҳструзионий» - роҳсозӣ мехоҳанд бо ширкатҳои Тоҷикистон ҳамкорӣ намоянд. Дар заминаи густариши ҳамкорӣ ва дастгирии роҳбарияти шаҳри Душанбе иқдом гирифтем, ки  дар самти навсозии қуттиҳои партов,  сохтмони боғи ҳайвонот  бо тарҳи муосир,  бунёди «Шаҳраки ҷавонон» ва муассисаҳои таълимии аврупоӣ дар пойтахти кишвар   лоиҳаю барномаҳоро якҷо бо соҳибкорону сармоягузорони итолиёвӣ  амалӣ намоем.  Тавассути бунёди шаҳраки зебои маҷмаавӣ,  пеш аз ҳама  мехоҳам олимону мутахассисони ҷавони тоҷик, ки дар хориҷи кишвар фаъолият доранд, ба кор ҷалб гарданд ва  малакаю истеъдоди онҳо барои рушди иқтисоди миллӣ  истифода шавад. Шаҳраки мазкур баҳри кору зиндагии   муҳаққиқони ҷавон имконияти васеъ фароҳам оварда,  ба рушди ояндадори Тоҷикистон мусоидат хоҳад намуд, - изҳор дошт номбурда. 
Фарҳод Хайруллоев дар самти рушди фаъолияти соҳибкорӣ ва сармоягузорӣ таҷрибаи зиёд  андухтааст. Ҳоло бо истифода аз захираҳои таббиии кишвар мехоҳад барномаҳои гуногунсамтро  амалӣ намуда,  дар ободию шукуфоии Ватани худ саҳми арзанда гузорад. 
-  Азбаски аз хурдӣ ба ин пеша шавқу ҳаваси  зиёд   доштам, баъди маълумоти олӣ гирифтан ба тиҷорат машғул шудам. Барои пешбурди тиҷоратам  заҳмати бисёр  кашида, лаҳзае аз омӯзиш фароғ надоштам. Баробари кори тиҷорат ва савдо дар ин вилоят дар Донишгоҳи давлатии муносибатҳои байналмилалии Новосибирск дар риштаи иқтисоди ҷаҳон таҳсил кардам. Ҳамин омӯзиши пайваста буд, ки маро директори генералии ширкати бонуфузи «ИстНов» - и вилояти Новосибирск таъйин намуданд. 8 сол  ин вазифаро бар уҳда доштам. Агарчи дар ин ҷо домани фаъолиятам хеле  фарох гардида буд ҳамеша ёди Ватан мекардам ва ба худ мегуфтам: «Дар ин ҷо барои кӣ мекунам?» .  Аз ҷониби дигар, фазои мусоиди фаъолияти соҳибкорӣ дар Тоҷикистон ва дастуру супоришҳои Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон низ водорам намуд, ки фаъолиятамро дар диёри худ ба роҳ монам ва ба ҳадди тавонам баҳри рушду нумӯи истеҳсолоти ватанӣ  саҳм гузорам, - гуфт Фарҳод Хайруллоев.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 13.06.2017    №: 124    Мутолиа карданд: 419

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед