logo

иҷтимоиёт

МИЛЛИТАРИН ВА МУҲИМТАРИН ҚОНУН

Дар даврони истиқлоли кишвар дар партави сиёсати хирадмандонаву мардумгароёнаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қонунҳои зиёд ба тасвиб расидаву мавриди амал қарор гирифтанд, ки дар беҳбуд бахшидани ҳаёти иқтисодӣ-иҷтимоӣ ва арзишгароии миллат нақши муассир доранд.
Бешак, аз миллитарин, мардумитарин ва муҳимтарин қонуне, ки бо ташаббуси бевоситаи Сарвари давлат ва дастгирии оммаи васеи мардуми кишвар мувофиқ ба меъёрҳои конститутсионию байналмилалӣ қабул ва амалӣ гашта истодааст, Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ба шумор меравад.
Ҳарчанд қонуни мазкур 8 июни соли 2007 қабул гашта бошад ҳам, аз назари инҷониб   ҳанӯз  вазъи сиёсӣ - иҷтимоии кишвар ба эътидол наомада буд, ки Президенти мамлакат бо дарки масъулияти баланди ватандорӣ ва маърифати волоии иқтисодӣ ҷиҳати беҳтар намудани шароити иқтисодиву иҷтимоии мардуми кишвар, аз байн бурдани ҳамагуна падидаҳои зоҳирпарастиву низоангез дар ин самт иқдомҳои саривақтӣ намуда, 9 - уми июли соли 1999 фармони «Дар бораи ҷашну маъракаҳо ва расму оинҳои мардумӣ дар Ҷумҳурии Тоҷикистон» - ро ба тавсиб расонданд, ки заминаи муҳиме барои қабулу батасвибрасии Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» гардид.
Воқеан, қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» на танҳо дар қонунгузории амалкунандаи  кишвар, балки дар навъи худ дар сатҳи минтақавию байналмилалӣ таҷрибаи комилан нав буда, маҳз ба хотири посдории анъанаву арзишҳои миллӣ дар доираи манфиатҳои мардум, хусусан ҷилавгирӣ аз хисорот ёфтани иқтисоди ҳар хонавода ва хати бутлон кашидан ба ҳама гуна исрофкориҳову худнамоиҳо таҳия шудааст.
Қонун анъанаву маросим ва одатҳои миллиро ба танзим дароварда, бад-ин васила дар маҳбубияту мондагор гаштани онҳо таъсиргузор мебошад. Ба ин маъно, ки нукоти мазкур (урфу одатҳо) - и миллӣ бинобар авҷ гирифтани таассуботи хурофотию «мусобиқаҳо» - и худхоҳонаву худпарастона ба гунае ба «дарди сар», ҳатто мусибати миллат бадал гашта буданд. Чунончи, пеш аз қабули ин қонун аз хароҷоти сафар ба ҳаҷ дида, хароҷоти маросими он: маъракаҳои гуселу пешвози ҳоҷӣ ва ҳоҷиталбону ҳоҷиошӣ ба маротиб бештар буд. Ва ё бештари хонаводаҳо баъди гузарондани тӯю маъракаҳо зери бори қарзҳои ҳангуфте қарор мегирифтанд, ки ҳатто боиси хонавайрониҳои бархе аз мардум гашта буданд. Ин гуна хароҷотҳои ноҷо гоҳе ба даст задани мардум ба қонуншиканиҳову амалҳои номатлуб замина мегузошт. Ҳамин буд, ки ҳанӯз 24 майи соли 2007 Сарвари давлат дар робита ба урфу одатҳо ва маросимҳои миллӣ таъкид намуда буданд: «Қисме аз мардуми мо ба сабаби зоҳирпарастии беасос ва дар иҷрои маросимҳо ва маъракаороиҳо пойбанди таассубу хурофот будани худ ба амалҳое даст мезананд, ки дар ягон гӯшаи дигари олам ба назар намерасад».
 Имрӯз аз қабули ин қонун даҳ сол сипарӣ мешавад. Дар ин муддат миллати тоҷик ба дастовардҳои назаррасе ноил гашт ва дар татбиқи амалии қонуни зикршуда низ таҷрибаи кофӣ андухтааст. Аз ин рӯ, вақти он расидааст, ки вобаста ба шароити замониву маконии маҳал  ба бархе аз моддаҳои он, аз ҷумла моддаи 14, зербанди «Тӯю маросимҳо дар рӯзҳои истироҳат аз соати 8 то 23 ва дар рӯзҳои корӣ аз соати 18 то 23 гузаронда мешаванд» тағйирот ворид карда, замони баргузории тӯю маросимҳо ба таври мавсимӣ таъйин гардад. Ба ин маъно, ки вақти дар қонун нишондода вобаста ба мавсимҳои сол он қадар  муносиб нест.
Мутмаинем, ки мардуми сарбаланди кишвар аз сиёсати  пешгирифтаи Сарвари давлат пуштибонӣ намуда, дар амалӣ намудани талаботи он тамоми саъю  кӯшиши  худро равона месозанд.
Абдусалом МИРАЛИЕВ,
 муовини аввали ректори ДМТ, профессор


Баёни ақида (0)    Санаи нашр: 13.06.2017    №: 124    Мутолиа карданд: 516

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед