logo

иҷтимоиёт

РАШТ. АНДЕШАҲО ДАР АТРОФИ ТАНЗИМ

8 июни соли равон аз қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» 10 сол пур шуд. Вақт довари ҳақиқист ва чуноне ҳама шоҳидем аввалин қонуни миллӣ дар боло бурдани сатҳи зиндагии мардум нақши созгор ва муассир гузошт. Аммо табиист, ки бо гузашти солҳо ва дарназардошти рушду тараққиёти ҷомеа масъалаи  бознигариву такмили ҳар қонун ба миён меояд. Дар иртибот ба ин, чанде аз сокинони ноҳияи Рашт таклифоту пешниҳодҳои хешро баён доштанд. 
Раҳима Исоева, сармутахассиси бахши ҳифзи иҷтимоӣ:
- Мутаассифона,  дар баъзе маҳаллаҳои ноҳия то ба ҳол гузарондани маъракаҳое, аз қабили номгузории тифл, маҳронабарӣ ва монанди инҳо ба чашм мерасанд, ки дар қонун нисбат ба тартиби баргузории онҳо чизе гуфта нашудааст. Аммо ҳанӯз ҳам мардум аз чунин расму оинҳое, ки харҷи беҳудаву зиёдатиро тақозо мекунанд, даст кашиданӣ нестанд. Аз ин лиҳоз, барои аз байн бурдани ин одатҳо хуб мешуд нисбат ба қонуншиканон ҷазои сахттар татбиқ мегардид. Яъне, онҳоро метавон  бо маблағҳои калон ҷарима баст. Гумон мекунам,  ин метавонад дар амри коҳиш додани шумораи чунин маъракаҳо нақши босазо гузорад.

Нодири Абдуназар, зиёӣ:
- Тӯли ин солҳо  Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар баланд бардоштани сатҳи некуаҳволии мардум нақши калон бозид.  Бо вуҷуди ин, вориди тағйиру иловаҳо ба ин ин қонун аз манфиат холӣ нахоҳад буд. Масалан, вақти гузарондани маъракаҳо, ки дар қонун муқаррар карда шудааст, таҷдиди назарро мехоҳад. Бинобар ин, пешниҳод менамоям, ки соати гузарондани маъракаҳо дар ноҳияҳои аграрӣ вобаста ба фаслҳои сол муайян карда шавад.

Абубакр Шарипов, ҳамоҳангсози Ҳаракати ваҳдати миллӣ ва эҳёи Тоҷикистон дар гурӯҳи ноҳияҳои минтақаи Рашт:
- Боиси таассуф аст, ки дар баъзе манотиқи кишвар  бонувон дар пайравӣ ба фарҳанги бегона ба пӯшидани либоси ғайр, хусусан сатру ҳиҷоб, майл доранд. Дар давлатҳои пешрафтаи ҷаҳон бо либосҳои миллии худ ифтихор менамоянд, вале мо бошем ба тақлидкорӣ даст мезанем. Ба андешаам либоси миллиамон дар ҷаҳон назир надорад ва мо бояд ба он эҳтиром гузорем. Бинобар ин, хуб мебуд дар қонун масъалаи либоспӯшӣ низ ба танзим оварда мешуд.                   
Таҳияи Худодод ЗАЙНИДДИН, «Ҷумҳурият»   


Баёни ақида (0)    Санаи нашр: 13.06.2017    №: 124    Мутолиа карданд: 497

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед