logo

иҷтимоиёт

ТЕЛЕФОНИ МОБИЛӢ. НАВРАСОНРО БА ҲОЛИ ХУД НАГУЗОРЕМ!

Телефони мобилӣ дар ҳаёт мақоми хос дорад. Аммо илми тиб ва таҷриба собит намуд, ки телефонҳои мобилиро аз манфиат дида зарарашон, ҳам  ба саломатӣ ва ҳам  ба сатҳи иқтисодӣ,  бештар аст. Ин дар ҳолест, ки  қисми зиёди одамон дутоӣ телефони  ҳамроҳ доранд ва мунтазам аз ҳардуяшон истифода мебаранд. Ба гуфтаи коршиносон танҳо тақрибан 20 дарсади истифодабарандагон  дар бораи  зарари телефонҳои ҳамроҳ ба саломатӣ маълумоти зарурӣ доранду халос.
Ин чунин маъно дорад, ки қисми зиёди истифодабарандагон фарҳанги дурусти истифодаи телефони мобилиро намедонанд.
Зарари телефони мобилиро  бо афканишоти  электромагнитиаш алоқаманд медонанд. Албатта, дигар асбобҳои барқӣ, масалан яхдон, телевизиор низ аз худ чунин мавҷ меафкананд, вале ба гуфтаи коршиносон телефонҳои  мобилӣ бевосита ба майнаи сари инсон зарар мерасонанд. Бино бар  иттилои  табибон афканишоти электромагнитӣ  барои он ба инсон аз ҳад зиёд зарар дорад, ки он муддати зиёд аз худ ягон  маълумоте  нишон надода, дар  паёмад самараи гӯшношунид ба бор меорад.  Зеро тағйироти начандон калони мағзи сар метавонад  ба тамоми бунияи инсон таъсир  расонад.
Ҳангоми танаффуси байни гуфтугӯҳо бисёриҳо онро  дар ҷайб, баъзан дар  назди худ мегузоранд. Ин чунин маъно дорад, ки онҳо сарчашмаи  зиёди афканишоти электромагнитиро    дар назди худ нигоҳ дошта, бунияи  худро ба сарбории гароне  гирифтор мекунанд, ки он боиси сустшавии на танҳо системаи марказии асаб, балки  пастшавии муқовиматпазирии организм ба ангезаҳои беруна - бактерия ва вирусҳои  касалиовар мегардад.
Ташвишовар он аст, ки агар насли калонсоли мо бо телефони мобилӣ дар  синни балоғат ошно шуда бошад, айни замон наврасон аз хурдсолӣ онро мавриди истифода қарор медиҳанд. Баъзе волидон телефони  мобилиро ба дасти кӯдакон чун воситаи дилхушӣ медиҳанд. Дар ҳоле, ки олимон барои кӯдакон истифодаи ин навъи телефонро  қатъиян манъ мекунанд. Ба андешаи онҳо организми обутобнаёфтаи кӯдак  нисбат ба организми калонсолон зарари бештар мебинанд. Аз ҷониби дигар, ҳастанд ҳолатҳое, ки  ҳангоми гӯш намудани мусиқӣ аз телефон, ҳангоми аз роҳ гузаштан, ё гирифтани расми ба истилоҳ «селфи»  ба ҳолатҳои нохуш гирифтор шудаанд.
Бо назардошти ин Созмони умумиҷаҳонии тандурустӣ барномаи махсус «Майдони электромагнитӣ ва  солимии инсон» - ро таҳия намуд. Мақсад аз таҳияи барномаи мазкур огоҳ намудани сокинони сайёра  аз  воситаҳои гуногуне, ки аз худ мавҷҳои электромагнитӣ хориҷ менамоянд, хусусан телефони мобилӣ ва баланд бардоштани фарҳанги истифодаи дурусти он  арзёбӣ мегардад. 
Албатта,  ҳар  нафар мехоҳад  аз  рӯйдоду навигариҳои ҷомеа   огоҳ бошаду байни дигарон онро паҳн намояд. Ин амал яке аз талаботи муҳими замони иттилоот дониста мешавад. Аммо, пеш аз ҳама,  саломатӣ аст ва онро бояд эҳтиёт намуд.  Барои ин зарур аст фарҳанги истифодаи онро донист ва дуруст истифода намуд.
Фарзонаи ФАЙЗАЛӢ,  «Ҷумҳурият»


Баёни ақида (0)    Санаи нашр: 14.06.2017    №: 125    Мутолиа карданд: 394

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед