logo

сиёсат

ИДЕЯИ МИЛЛӢ ВА ПЕШВОИ МИЛЛАТ

Дар марҳалаи ниҳоии ҷанги сард пош хӯрдани Иттиҳоди Шӯравии абарқудрат боис гардид, ки марзҳои геосиёсӣ якҷо бо идеологияи собиқ аз байн раванд. Ин сабаби зуҳури раванди ҷаҳонишавӣ ва бо суръати бесобиқа густариш ёфтани он гардид.
Дар чунин шароит таълиму тарбияи насли наврас дар рӯҳияи худшиносию худогоҳӣ мавқеъ ва нақши муҳим мебозанд. Зеро ҳувияти фарҳангии қисме аз ҷавонон дар вазъияти ҳассоси ҷаҳонишавӣ зери таъсири идеяи бегона қарор гирифта, бо ин далел гирифтори хурофотпарастӣ, костагии эътиқод мегарданд. Фурӯпошии бунёдҳои ахлоқӣ, арзишҳои миллӣ барои ҳар ҷомеа хатари ҷиддӣ эҷод мекунад. Мо бояд ба умқи суханони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон расем, ки таъкид кардаанд: «Агар мо имрӯз насли дорои ахлоқи ҳамида ба камол нарасонем, фардо ҷомеа ба  мушкилоти сангини иҷтимоию фарҳангӣ дучор меояд».
Аз ин хотир, масъалаи тарбияи ҷавонону наврасон дар маркази таваҷҷуҳи Сарвари давлат ва Ҳукумати мамлакат қарор дорад. Бо ташаббуси Пешвои миллат муҳтарам Эмомалӣ Раҳмон соли 2017 Соли ҷавонон эълон шуд, ки тадбири муҳим дар баланд бардоштани сатҳи маърифати ҳуқуқию фарҳангии ҷавонон арзёбӣ мешавад. Дар ин раванд аз беҳтарин арзишҳои ниёгонамон, чун таҳаммулпазирӣ истифода бояд бурд. Он аз тадбирҳои озмудашудаи миллат ба ҳисоб рафта, усули давлатдорӣ низ аз таҳаммулпазирӣ сарчашма мегирад.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  зимни суханронии худ дар  конфронси ҷумҳуриявӣ бахшида ба 1310 - солагии Имоми Аъзам (26 феврали соли 2009) иброз доштанд: «Дар шароити пуртазоди ҷаҳони муосир, ки ихтилоф ва бархӯрди тамаддунҳо ҳар рӯз бо тобиши нав зуҳур мекунад, эҳё ва баҳрабардорӣ аз арзишҳои маънавии таълимоти таҳаммулгарои Имоми Аъзам, бешубҳа, ба густаришу тақвияти ҳамаҷонибаи гуфтугӯи тамаддунҳо мусоидат хоҳад кард».
Дар шароити ҷаҳонишавӣ, ки арзишу ғановати суннатии халқҳоро ба нестӣ бурдан мехоҳанд, идеяи миллӣ нақши калидӣ бозида метавонад. Он дорои қудрату тавоноиест, ки ҳокимияти  давлатиро бо мардум пайванд месозад. Идеяи миллӣ дар дохили давлат танҳо мансуб ба як халқ нест. Он бояд манфиат, ормонҳои кулли мардуми кишварро дар худ таҷассум карда тавонад.
Идеяи миллӣ афкори  дастаҷамъӣ ва мароми якҷояи миллат буда, он дар ҳамзистии халқҳои гуногун давлатро ташаккул медиҳад. Ин василаи муҳимест, ки халқро муттаҳид ва барои иҷрои мақсаду мароми худ ба самти муайян равона менамояд. Дар ин маврид Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар маҷлиси Шӯрои ҷамъиятӣ (27 январи соли 2017) хотиррасон карданд: «Зимнан, ваҳдату ҳамзистӣ ва ҳамдигарфаҳмиву эҳтироми ҳамдигар пояи боэътимоди истиқлолият, тавоноӣ ва  шикастнопазирии давлатро ташкил медиҳад ва риояи он, хусусан, дар шароити кунунӣ амри зарурӣ ба ҳисоб меравад». Дар иртибот ба ин мавзӯъ, Пешвои миллат борҳо хотирнишон карданд, ки идеяи миллии тоҷикон сулҳ аст. Аз ин хотир,  бо итминон гуфта метавонем, ки  мо идеяи миллӣ дорем ва он дар қавлу амали Пешвои миллат таҷассум ёфтааст. Хишти аввалро дар эъмори  бинои сулҳу ваҳдати миллӣ маҳз Сарвари муаззами давлат муҳтарам Эмомалӣ Раҳмон  гузоштаанд.
Аъзам МӮСОЕВ, рӯзноманигор


Баёни ақида (0)    Санаи нашр: 14.06.2017    №: 125    Мутолиа карданд: 537

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед