logo

иҷтимоиёт

ИСТИҚЛОЛИЯТ. ДАСТОВАРДҲОИ ИҚТИСОДӢ ВА САҲМИ ҶАВОНОН

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар Паёми навбатии худ ба Маҷлиси Олии Ҷумҳурии Тоҷикистон, самтҳои сиёсати дохилию хориҷӣ ва дастовардҳои беназири давлати ҷавони моро, ки дар замони истиқлолият ва ваҳдати миллӣ ба даст омадаанд, мавриди таҳлили амиқ қарор дод.
Ҳамчун як шаҳрванди Ҷумҳурии Тоҷикистон ифтихор аз ин Ватану ин миллат мекунам, ки дар даврони истиқлолият ва  фазои орому осоишта умр ба сар бурда, аз неъматҳои бузурги Ватан истифода мебарам.
Истиқлолият барои мо имкон фароҳам овард, ки роҳи имрӯзу ояндаи миллат ва пешрафти минбаъдаи кишвари азизамонро ба сӯи ҷомеаи демократӣ, ҳуқуқбунёд ва дунявӣ интихоб намоем.
Мардуми сарбаланди тоҷик дар зарфи 25 соли соҳибистиқлолӣ ба дастовардҳои беназири иқтисодӣ комёб гардид. Баъди ба даст овардани сулҳ ва ризояти миллӣ, новобаста аз мушкилот, дар натиҷаи чораҳои андешидаи ҳукумат мамлакат ба марҳилаи рушд ворид шуд ва дар натиҷаи суръат бахшидани корҳои бунёдкориву созандагӣ ва татбиқи ислоҳоти фарогир дар ҳамаи соҳаҳо пешрафти босуботи иқтисодиёт ба даст омада, сатҳи зиндагии мардум боло рафт. Маҳз аз ҳамин давра сар карда, Ҳукумати кишвар тамоми захираву имкониятҳо ва саъю талоши худро ба иҷрои се ҳадафи стратегии давлат - таъмини истиқлолияти энергетикӣ, раҳоӣ аз бунбасти коммуникатсионӣ ва ҳифзи амнияти озуқаворӣ равона сохт.
Нишондодҳои иқтисодии кишварамон дар зарфи 25 сол назаррас мебошанд. Дар ин муддат маҷмӯи маҳсулоти дохилӣ ҳар сол ба ҳисоби миёна беш аз 7 дарсад афзуда, то чор баробар зиёд шуд. Танҳо дар 15 соли охир даромади буҷети давлатӣ аз 300 миллион сомонӣ то 18 миллиард сомонӣ зиёд гардида, даромади аҳолӣ 25 баробар ва пасандозҳо беш аз 85 баробар афзоиш ёфтанд.
Беш аз 2000 километр роҳи мошингард, 190 километр роҳи оҳан ва зиёда аз 30 километр нақбҳои мошингузар ба маблағи умумии 11,4 миллиард сомонӣ мавриди истифода қарор гирифтаанд. Дар соҳаи маорифу тандурустӣ бошад, зиёда аз 2500 муассисаи таълимӣ ва беш аз 1000 муассисаи тандурустӣ бунёду аз навсозӣ гардиданд.
Барои пешравии иқтисодиёти кишвар нақши соҳибкории хурд ва миёна беандоза бузург аст. Ҳукумати кишвар пайваста барои дастгири намудани ин бахш аҳамияти ҷиддӣ зоҳир менамояд. Дастгирӣ ва муҳайё сохтани шароитҳои хуб барои соҳибкорон ва махсусан соҳибкорони хурду миёна дар маркази диққати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.
Дар зарфи 5 соли минбаъда рушди иқтисодии Тоҷикистон бояд 35 дарсадро ташкил кунад, ки дар натиҷаи он маҷмӯи маҳсулоти дохилӣ ду баробар афзоиш меёбад. Мусаллам аст, ки иҷрои барномаҳои инкишофи иқтисодии кишвар  ба фаъолияти мо, ҷавонон, вобастагии муҳим дорад. Бо назардошти ин, моро зарур аст, ки ҳамеша гуфтаҳои Сарвари давлатро нақшаи кори ҳаррӯзаи худ қарор дода, дар пайи иҷрои он бошем.
Қ. МИРЗОЕВ,
докторанти Донишгоҳи давлатии Кӯлоб
ба номи Абуабдуллоҳи Рӯдакӣ


Баёни ақида (0)    Санаи нашр: 15.06.2017    №: 126-127    Мутолиа карданд: 638

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед