logo

сиёсат

АНТОНИУ ГУТЕРРИШ БА НАҚШИ ТОҶИКИСТОН ДАР ҲАЛЛИ МАСЪАЛАҲОИ МАРБУТ БА ОБ БАҲОИ БАЛАНД ДОД

Дар доираи сафари худ ба кишварҳои минтақаи Осиёи Марказӣ Дабири кулли Созмони Милали Муттаҳид Антониу Гутерриш ба Ҷумҳурии  Тоҷикистон омад. Президенти мамлакат аз имкони мулоқот ва мубодилаи афкори судманд бо Антониу Гутерриш, ки ба ҳайси Дабири кулли СММ бори нахуст ба Тоҷикистон омадааст, изҳори хушҳолӣ намуда, ҳамкории кишвари моро бо ин созмон барои таҳкими низоми давлатдорӣ, ислоҳоти иқтисоди миллӣ ва таъмини рушди устувор пурарзиш ва муҳим шумориданд. Ҳамчунин, иброз доштанд, ки Тоҷикистон дар роҳандозии рӯзномаи марбут ба масъалаҳои об  фаъолона ширкат варзида, минбаъд низ ҳамчун ташаббускори баррасии масъалаҳои марбут ба об дар сатҳи байналмилалӣ дар татбиқи тадбирҳои мушаххас ҷиҳати истифодаи пойдори ин неъмати ҳаётан муҳим саҳми фаъол мегузорад. Изҳори боварӣ карда шуд, ки Даҳсолаи байналмилалии амал “Об барои рушди устувор” барои солҳои 2018 - 2028, ки дар Рӯзи байналмилалии захираҳои об – 22 марти соли 2018 амали он оғоз мегардад, қадами устуворе дар раванди татбиқи ҳадафи рушди устувори марбут ба захираҳои об дар минтақа ва ҷаҳон хоҳад гашт.
Антониу Гутерриш ба нақши Тоҷикистон ва Сарвари давлат муҳтарам Эмомалӣ Раҳмон дар ҳалли масъалаҳои марбут ба об дар минтақаву ҷаҳон ва иқдомҳои бузурги байналмилалии фарогири масъалаҳои обу экология баҳои баланд дода, ташаббусҳои ҷаҳонии кишвари моро дар ин самт муҳиму саривақтӣ арзёбӣ намуд.
Дар ин мулоқот миёни ҷонибҳо барои идома додани ҳамкориҳои судманд дар таъмини амнияту субот дар минтақа ва ҷаҳон, мубориза алайҳи терроризму экстремизм, ҷиноятҳои муташаккили фаромиллӣ, гардиши ғайриқонунии маводи мухаддир ва иштироки фаъол дар ба эътидол овардани вазъи мураккаби сиёсию низомии Ҷумҳурии Исломии Афғонистон  таваҷҷуҳ зоҳир карда шуд.
Пешвои миллат ташрифи Дабири кулли СММ ба Тоҷикистон ва баргузории ҳамоишро имконияти бузург барои шиносоии бештар ва воқеӣ бо Тоҷикистон, ҳамчунин, бо талошҳои Ҳукумати кишвар дар масири рушди устувор ва мавқеи қотеонаи он дар арсаи мубориза бо мушкилоту хатарҳои муосир арзёбӣ намуданд.
Таъкид шуд, ки қабул гардидани Рӯзномаи ҷаҳонии рушди устувор то соли 2030 ба шароите рост омад, ки дар нуқоти гуногуни сайёра миллионҳо нафар мардуми осоишта ба хавфу таҳдид ва оташи ҷангу низоъҳои мазҳабиву геосиёсӣ дучор шудаанд ва яке аз ҳадафҳои аслии баргузории ҳамоиш таҳкиму тавсеаи ҳамкориву шарикии бардавом ҷиҳати расидан ба ҳадафҳои рушди устувор ва пешгирии иқдомҳои муштарак ба хотири рафъи таҳдидҳои муосир ва таъмини сулҳу суботи пойдор мебошад.
Пешвои миллат таъкид намуданд: «Имрӯз пайомадҳои буҳронҳои молиявиву иқтисодӣ, энергетикӣ ва ғизоӣ, инчунин, оқибатҳои тағйирёбии иқлим барои ҷаҳду талошҳои аксари кишварҳои ҷаҳон, бахусус кишварҳои рӯ ба тараққии маҳсур бо хушкӣ дар роҳи расидан ба рушди устувори иқтисодӣ ва иҷтимоӣ монеаҳои ҷиддӣ эҷод менамоянд. Барои кишварҳои минтақаи мо мушкилоту масоили умумие вуҷуд доранд, ки ҳаллу фасли онҳо андешидани чораҳои саривақтиро дар сатҳҳои милливу минтақавӣ тақозо менамояд».
Дар доираи ин сафар Антониу Гутерриш аз кӯли Сарез дидан кард ва дар баробари тааҷҷубаш аз зебоиҳои табиати Тоҷикистон мушоҳидаи манзараҳое, ки аз тағйироти иқлим ва обшавии пиряхҳо ба майдон омадааст, ӯро ҳайратзада намуд.
Аз суханрониҳо ва дидор аз кӯли Сарез метавон хулосагирӣ намуд, ки дар баробари масоили амниятиву маҳкум кардани терроризму экстримизм меҳвари боздиди Дабири куллро аз Тоҷикистон масъалаҳои марбут ба энергияи сабз ва тағйироти иқлиму обшавии бемайлони пиряхҳо дар кишвар ташкил медиҳад.
Сафари навбатии Дабири кулли СММ ба Тоҷикистон бори дигар аз ҷойгоҳи воло ва ташаббускориҳои саривақтии Ҳукумати кишвар дар сатҳи байналмилалӣ шаҳодат дода, таъйидкунандаи ин нуктааст, ки Тоҷикистон узви ҷудонашвандаи ҷомеаи ҷаҳонӣ буда, ҳама гуна талоши худро ҷиҳати саҳм гузоштан дар сулҳу осоиштагии сартосарӣ дар олам ва аз байн бурдани тамоми таҳдидҳову ҷиноятҳои муташаккили фаромиллӣ ба харҷ медиҳад.
Абдусалом МИРАЛИЕВ,  профессор, муовини
аввали ректори Донишгоҳи миллии Тоҷикистон


Баёни ақида (0)    Санаи нашр: 16.06.2017    №: 128    Мутолиа карданд: 497

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед