logo

маориф

ДОВТАЛАБ – 2017. БАЛЛИ ИМТИЁЗӢ ЧИСТ ВА ОН БА КӢ ДОДА МЕШАВАД?

Маркази миллии тестии назди Президенти Ҷумҳурии Тоҷикистон се сол аст, ки ҳангоми тақсимоти довталабони аз озмун гузашта ба балли довталабони дорои имтиёз, ки холи гузариши фанниро соҳиб мешаванд, ба андозаи аз 50 то 150 хол баллҳои имтиёзиро илова менамояд.
Баллҳои имтиёзӣ миёни маъюбони гурӯҳҳои 1 - ум ва 2 - юм ва кӯдакони маъюб (150 балл),  ятимони кулл ва бепарастор (150 балл), фарзандони то 21 - солаи хизматчиёни ҳарбие, ки ҳангоми иҷрои уҳдадории хизмати ҳарбӣ ҳалок шудаанд ё ҳангоми иҷрои уҳдадориҳои хизмати ҳарбӣ маъюб ё бемор шуда, бар асари он фавтидаанд (100 балл), шаҳрвандоне, ки 2 сол дар сафи Қувваҳои Мусаллаҳи ҷумҳурӣ хизмати ҳарбиро адо намудаанд (75 бал), ғолибони олимпиадаҳои фаннии ҷумҳуриявӣ ва байналмилалии муассисаҳои таълимии таҳсилоти миёнаи умумӣ (мутаносибан аз 50 то 100 балл), ғолибони озмуну фестивалҳои тахассусии ҷумҳуриявӣ ва байналмилалии соҳаи санъат (100 балл), аъзои дастаҳои яккачини варзишӣ - дорандагони унвонҳои Устоди варзиши дараҷаи байналмилалии Ҷумҳурии Тоҷикистон, Устоди шоистаи варзиши Ҷумҳурии Тоҷикистон, Устоди варзиши Ҷумҳурии Тоҷикистон ва дараҷаи номзади устоди варзиши Ҷумҳурии Тоҷикистон   (100 балл) тақсим мегардад.
 Дар сурати шомил будани довталаб дар якчанд гурӯҳи имтиёздор, яъне доштани ҳуқуқ барои гирифтани беш аз як имтиёз (ҳам маъюб ҳасту ҳам ғолиби олимпиада, ё ҳам ғолиби олимпиада мебошаду ҳам аз ноҳияи коэффитсиентдор ва ғайра) ба довталаб танҳо балли имтиёзии аз ҳама баланди ба ӯ муқарраршуда дода мешавад. Бояд  таъкид намуд, ки бали имтиёзӣ ба довталабон бо риояи мувофиқати дақиқи дастовардҳо ба ихтисосҳои интихобкардаашон дода мешавад.
Соли 2016 довталабоне, ки барои дарёфти имтиёз аз қайд гузаштанд ва мақомоти дахлдор ин нуктаро расман тасдиқ намуд, 1432 нафарро ташкил дод.
Ҳамчунин, ба довталабони Донишгоҳи давлатии тиббии Тоҷикистон ба номи Абуалӣ ибни Сино ва ихтисоси “Кори момодоягӣ” - и коллеҷҳои тиббӣ вобаста ба макони зист ва муассисаи таълимии хатмкарда тибқи муқаррароти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пас аз соҳиб гаштан ба холи гузариши фаннӣ балли имтиёзӣ (ба таври коэффитсиент) ба натиҷаи имтиҳони қисми Б илова карда шуд.
Ҳамаи ин ғамхориҳо ба довталабон - ҷавонон ба хотири он аст, ки онҳо ҳар чи бештар ба муассисаҳои таҳсилоти миёна ва олии касбӣ дохил шаванд, ихтисоси писанддидаашонро аз бар ва мутахассисони варзида гардида, ба Ватани азизи худ содиқона хизмат намоянд.  
Мирзошариф ШОДИЕВ, сардори шуъбаи кор бо муассисаҳои таҳсилоти миёна ва олии касбии Маркази миллии тестӣ


Баёни ақида (0)    Санаи нашр: 19.06.2017    №: 129    Мутолиа карданд: 837

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед