logo

фарҳанг

ДАР ВУҶУДИ МИЛЛАТИ ЯКТОПАРАСТ...

Инъикоси мавзӯи Ваҳдати миллӣ яке аз мавзӯъҳои асосии аҳли қалам ва нигорандагон, минҷумла шоирону нависандагон гардидааст. Воқеан, Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар як суханрониашон таъкид доштанд: «Вақти он расидааст, ки адибон бештар ба таҳияи мақолаҳои публисистӣ ва очеркҳои проблемавӣ даст зада, мардумро аз рӯйдодҳои кишвар, дастовардҳои диёри азизамон, масъалаҳои рӯз ва хатарҳои даҳшатбори замони ноором огоҳ бисозанд».
Шоири халқии Тоҷикистон Назри Яздонӣ ҳам дар ашъори назмӣ ва ҳам насрии хеш мавзӯи ваҳдат, сулҳ ва истиқлолиятро бо чашми меҳрбор, андешаҳои фалсафӣ, тасвирҳои ноб, мазмуну мундариҷаи амиқ назарандозӣ мекунад. Дар мақолаи «Пешвои маърифату ваҳдати миллӣ» Назри Яздонӣ симои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо тамоми паҳлуҳояш чун эъмори сулҳу ваҳдати миллӣ, ташаббускори арсаи кору пайкори бузург, сиёсатмадори дунёшинохта тасвир мекунад. Меҳвари мақоларо ваҳдати миллӣ ва асосгузори он, Сарвари давлат Эмомалӣ Раҳмон таҷассумгар аст. Ба андешаи муаллиф расидан ба ваҳдати миллӣ хеле душвор аст. Аммо ӯ аз ин мушкилот намеҳаросад ва мегӯяд: «…аммо расидан ба ягонагии ақида, ваҳдати имону андеша кори мушкил аст» ё «Расидан ба ваҳдати андешаҳо, ормонҳо бояд замина дошта бошад…». Ана, ҳамин заминаҳо аз баромадҳо, маърӯзаҳо, навиштаҳо, ҳидоятҳои ҳамарӯзаи Пешвои миллат сарчашма гирифта  майдони сабзу хуррами ваҳдати миллӣ сафо ва қабои нав мегирад.
Донишманд  ва шоири хушбаён  Рустами Ваҳҳоб аз зумраи он эҷодкорон аст, ки навиштаҳояш, шеъру мақолаҳояш, асарҳои публисистиаш ҳамеша рӯйи рӯзномаву маҷаллаҳост. Ҳам дар наср ва ҳам дар шеъраш, ки ҷанбаи пурқуввати фалсафӣ - мантиқӣ мушоҳида мешавад, суханаш нишонрасу пуртаъсир аст. Ӯ дар силсилаи шеърҳои «Салом ҳуҷҷати инсонии ман - истиқлол» дар ҳошияи «Салом» Ватан ва фарзандони барӯманди он, истиқлоли комил, марзу буми аҷдодӣ ҷойи асосӣ дошта бошад, дар шеъри «Ваҳдат» шоир ваҳдатро дар «андешаҳо», «дар афкори мо» ҷуста, пойдории миллатро аз ваҳдат медонад:
Чист миллат? – Ваҳдати дунёи мост,
Дӯши мо, имрӯзи мо, фардои мост…

Ё дар ҷойи дигар менигорад:
Дар вуҷуди миллати яктопараст,
Ваҳдату мақсуд чун ду шаҳпар аст.

Таъкид ба ёдоварист, ки ҳамаи шеърҳои оид ба ваҳдат, миллат, истиқлолият бахшидаи адибони мо чун адибони солҳои бистум ва сиюм оҳанги публисистӣ дошта, мазмуну мундариҷааш ҷавобгӯйи талаби замон аст ва рӯҳияи воқеӣ дорад. Дар даврони истиқлолият ваҳдати миллӣ падидаи нодир буда, аз ҳарвақта дида аҳамияташ, муҳимияташ дучанд  гардидааст.
Силсилаи рубоиҳои М. Ғоиб «Мо кохи  муҳаббати Ватан сохтаем», Г. Келдӣ «Наҷвои зарди хазонрез», «Таронаи истиқлол», А. Хуҷаста «Чакомаи Ваҳдат», Шаҳрия «Муҳаббатномаи истиқлол», Н. Ниёзӣ «Дар пояи ҳайкали озодӣ», С. Султон «Ман истиқлолам», К. Насрулло «Тоҷикистон аст ин ҷо!», Озарахш «Кишвари хуршедҳо» ва дигарон дар ашъори хеш ваҳдати миллиро тараннум кардаанд.
Нигоштаҳои А. Самад «Заҳри носозӣ ва шаҳди ошноӣ», А. Сайфуллоев «Шодона», А. Раҳмонзода «Бозтоби симои пешвои миллат дар адабиёти тоҷик», К. Насрулло «Наврӯзи Президент – Наврӯзи наҷот», З. Атоӣ «Роҳи ҳаёт, роҳи наҷот», М. Суруш «Мунзим ва андешаи миллӣ», М. Ҳотам «25 соли истиқлолият ва тамоми таърих», Б. Муртазо «Садди сойи оби шӯр», Ш. Мӯсо «Саодати рӯ ба гардун», А. Ҳамдам ва Л. Чигрин «Корномаи Эмомалӣ Раҳмон», Х. Муҳаббатов «Истиқлолият ва рушди туризму сайёҳӣ дар Тоҷикистон», Р. Аҳмад «Иншооти тақдирсоз», Маҷид Салим «Боми ҷаҳони Президент», Р. Махсумзод «Роҳи дуру дилҳои наздик», Д. Сафар «Навои Ваҳдат омад аз Бадахшон» гувоҳи ҳамқадаму ҳамзамон будани онҳоро ифода мекунад ва  воқеан аз рӯҳияи баланди миллии онҳо гувоҳӣ  медиҳад. Адиби ҷавон Баҳманёр Муродӣ дар мақолаи худ «Насли мо мадюни ғамхориҳои Пешвои миллат аст» аз ваҳдати миллӣ ифтихор намуда «…Ваҳдати миллат ба кӯдакии ман қабои тоза пӯшонид» гуфтани ӯву аз эҷоди ватандӯстонаи Давлат Сафар ёд кардани Камол Насрулло дар мақолаи  «Дар қабулгоҳи дили шоир» қобили таваҷҷуҳ аст.
Доктори илми фалсафа А. Самиев дар мақолаи хеш «Бақои истиқлолият худшиносии миллӣ» «…ин арзишҳо миллатро муттаҳид намуда, ба сӯи сулҳу ваҳдат, шукуфоӣ, осоиштагӣ ва рушди иқтисодию иҷтимоӣ мебарад» гӯён андеша ронад, академик А. Раҳмонзода дар мақолаи таҳлилии худ «Бозтоби симои Пешвои миллат дар адабиёти тоҷик», ба нигоштаҳои се маҷмӯаи адибони тоҷик андешаҳои ҷолиб баён намуда, таҳқиқу таҳлили хубе кардааст. Ӯ менависад: «…адибони тоҷик барои халқ муҳим будани сулҳу субот, ваҳдату ризоияти миллиро махсус таъкид намуда, бо ин роҳ мардумро ба таҳкими давлатдорӣ даъват мекунанд». Воқеан, ба ин андешаҳо розӣ шуда, хизматҳои адибони моро дар назди ҷомеа арзёбӣ намуда, метавон гуфт, ки ба ин васила расидан ба ваҳдати миллии воқеӣ орзуи онҳост.
Мавриди зикр аст, ки адибони мо дар як давраи муайяни таърихӣ рӯ ба мардуму миллати хеш оварда, ҳидоятҳои Сарвари давлатро сармашқи кори эҷодии  ҳаррӯзаи худ дониста, ҳар гуфтаву ташаббусҳои ватандӯстонаи ӯро ба назму наср кашида, эҳсоси гарму самимияти беандозаашонро нисбат ба ваҳдати миллӣ, якпорчагии Тоҷикистони азиз ифшо кардаву ба ҷомеаи Тоҷикистон пешкаш кардаанд. Меарзад, ки андешаҳои мо бо суханони худи Ваҳдатофарини миллат, Асосгузори сулҳу ваҳдати  миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳусни мақта ёбад.  «Итминони  комил дорам, ки ваҳдату ҳамдигарфаҳмии мардуми мо ҳамчун сарчашмаи бахту иқболи тоҷикон ва пешрафту ташаккули давлатдории миллатамон ҳамеша бегазанду ҷовидон боқӣ мемонад ва роҳи моро сӯи амалисозии нақшаву ҳадафҳои олиамон равшан нигоҳ медорад».
Маҳмадюсуф ИМОМЗОДА, академик,
Аъзамҷон  АЗИМОВ,   профессор


Баёни ақида (0)    Санаи нашр: 20.06.2017    №: 130    Мутолиа карданд: 592

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед