logo

иҷтимоиёт

ҲУВИЯТСОЗӢ ВА МАНФИАТИ МИЛЛӢ

Ташаккули идеяи миллӣ ҳамчун ғояи марказии давлатдорӣ ва давлатсозӣ яке аз рукнҳои ҳувияти миллӣ ба шумор меравад. Иқдом ва ташаббусҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин замина хеле муҳим буда, фаъолияти давлатро ҷиҳати муайян кардани ҳувияти он ифода менамояд.
 
Аз ҷумла, бахшида ба 20 - солагии Иҷлосияи ХVI Шӯрои Олии Ҷумҳурии Тоҷикистон ба ҳайси идеяи миллӣ эълон гардидани ғояи «Тоҷикистони соҳибихтиёр – Ватани ягонаи мо» воқеияти инфиродии ҳар як шаҳрванди Тоҷикистонро фаро гирифта, аз матни воҳиди истиқололу озодӣ сарчашма мегирад. Ҳадафи асосии он таҳкими ваҳдату якпорчагӣ, худшиносӣ ва ҳувияти миллӣ, истиқлолияти сиёсӣ ва соҳибихтиёрии давлатӣ мебошад.
Эҳсоси ҳувият, раванди маънобахшӣ ва маъносозӣ дар зиндагӣ аст. Ҳувият сарчашмаи маъно ва таҷрибаи афрод мебошад. Воқеияти таърихӣ ва илми сиёсатшиносӣ исбот менамояд, ки ҳувиятҳои иҷтимоӣ - миллӣ, динӣ, қавмӣ ва ғайра, аз тарафи афроди ҷомеа сохта мешаванд ва кулли ҷомеа онро ба худ касб мекунанд. Ин раванд маҳз дар замони зудтағйири имрӯза ба вуҷуд меояд, ки дар он тағйирот - нишонаи боризи пештозӣ ва рушд аст.
Феълан дар Ҷумҳурии Тоҷикистон тамоми инфрасохтори як давлати соҳибихтиёр офарида шуда, ваҳдати миллӣ, сулҳу субот ва амният дар кишвар ҳукмфармост, низоми фалаҷгаштаи ҳокимияти давлатӣ барқарор ва механизми ҳадафмандонаи фаъолияти он пурра таҳия шудааст. Яъне, яке аз муҳимтарин унсурҳои ҳувиятсозӣ - фазои умумии воҳид офарида шудааст. Тоҷикистон дар соҳаи иқтисод ва иҷтимоёт ба дастовардҳои назаррас ноил гардида, сатҳи камбизоатиро дар муддати кӯтоҳ аз 80 дарсад ба 31 дарсад поён фаровард, модели худии бунёди давлатдории миллиро таҳия ва татбиқ намуда истодааст, ки заминае дар татбиқи Истиқлолияти давлатӣ мебошад. Таҷрибаи худии рушди миллӣ дар асоси қабул ва татбиқи як қатор нақшаву барномаҳои дарозмуҳлат инкишофи давлат ва давлатдориро имконпазир гардонид, ки дар асоси дастовардҳои он ҳадафмандона будани сиёсати дохилии кишвар ва аз рӯи барномаи мушаххас пеш рафтани онро мушоҳида менамоем, ки худ яке аз нишонаҳои асосии давлати собит ва бунёдгузории ҳувияти нави миллӣ мебошад.
Дар раванди ҳувиятсозии кишвари мо чанд омили муҳиме вуҷуд дорад, ки онҳо метавонанд ҳамчун бунёди иттиҳоду баҳамоии миллат дар заминаи дарки манфиати миллӣ хизмат намоянд. Аз ҷумлаи онҳо вуҷуди давлат, марзу буми ягонаи таърихӣ, ки дар он шумораи муайяни одамони дорои таърих, фарҳанг, этнопсихология, забони ягона мавҷуданд, ба ҳисоб меравад.
Дар арсаи байналмилалӣ устувор шудани мавқеи кишвари мо давлати собит будани Тоҷикистонро нишон медиҳад, зеро онро 147 давлати дунё ҳамчун давлати соҳибистиқлол мешиносанд ва 128 давлат бо мо робитаҳои дипломатӣ барқарор намудаанд. Тоҷикистон таҳти роҳбарии Пешвои миллат, дар сиёсати байналмилалӣ бо як силсила ташаббусҳо баромад намуд, ки ба муҳимтарин мушкилоти курраи замин бахшида шудааст. Хусусан, пешниҳодҳои ҷаҳонии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи об фарогир буда, 15 соли охир дар сиёсати умумиҷаҳонӣ аз нуктаҳои муҳим ба шумор меравад.
Шинохти моҳияти истиқлол аз тарафи ҳар як сокини кишвар муҳим ба шумор меравад, зеро истифодаи амалии дастовардҳои Истиқлолияти давлатӣ аз дарки дурусти моҳияти он оғоз мешавад. Дар шароити кунунӣ, аз масъалаҳои усулии давлатӣ рушди ҷанбавии истиқлол ва дарки мазмуну муҳтавои он аст. Истиқлол ҳамчун унсури арзишии шаҳрвандони кишвар барои таҳкими ҳувияти давлатӣ мусоидат намуда, онро устувор менамояд, зинаҳои рушди инсонро дарбар мегирад ва барои расидан ба саодат замина фароҳам меорад.
Худшиносии миллӣ дар шакли таҳаввулпазируф-таи худ нишонаҳои зиёди худшиносии этникӣ, пеш аз ҳама идроки ягонагии фарҳангӣ, забон, хусусиятҳои равониро дар сатҳи нави сифатӣ нигоҳ медорад. Худшиносии рушдкардаи миллӣ таҳаммулпазир буда, озодии худмуайянкунии шахсро нисбат ба арзишҳои миллӣ қабул дорад ва бемайлон ифодагари увлавияти шахс, тасаввурот оид ба шахсияти озод мебошанд. Агар маҳаки худшиносии этникиро асосан умумияти гузашта ташкил диҳад, дар худшиносии миллӣ умумияти муосир ба мадди аввал: ҳадафҳои мубрам, вазифа, манфиат ва мақсадҳои рушди миллӣ мебарояд. Дуруст аст, ки дар давраҳои алоҳида идроки умумияти гузашта метавонад қисми назарраси ҳаёти маънавии миллатро ташкил намояд.
Ҳамин тавр, худшиносии миллӣ – пеш аз ҳама мавқеи миллат дар ҷаҳон, дарки манфиат ва арзишҳои миллии худ, нақши худ дар ҷаҳон, аҳамияти таърих, фарҳанг ва дурнамои рушди минбаъдаи хеш мебошад.
Муҳиба МАҲМАДҶОНОВА,
доктори илмҳои фалсафа, профессор,
Олимҷон МАҲМАДҶОНОВ,
доктори илмҳои филология, профессор


Баёни ақида (0)    Санаи нашр: 20.06.2017    №: 130    Мутолиа карданд: 602

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед