logo

иҷтимоиёт

АЗ ТАНТАНАИ ҲАМДИЛӢ ТО ТАНТАНАИ ШУҲРАТ

Дар ҷаҳони муосир баъзан таҳаввулоти ғайричашмдошт рух медиҳад, ки хоҳ - нохоҳ инсонро ба андеша водор месозад. Зеро ҷаҳон ҳамеша ба тафаккури поку созанда, хираду илм ниёз дошту дорад ва ин раванд то дунё побарҷост идома хоҳад ёфт.
Манзур аз ин нигошта он аст, ки Тоҷикистони азиз баъди соҳибистиқлол гаштанаш ба зудӣ ба гирдоби ҷангу низоъ гирифтор шуда, бо навмедиҳо рӯ ба рӯ гашт. Халқе, ки тамаддунофару бохирад аст, чаро ба чунин рӯз гирифтор шуд? Агар кас ба гузаштаи дур назар афканад, огаҳ мегардад, ки бадхоҳони миллати мо аз рашки он ки Ватани маҳбубамон ҳамсони биҳишт асту бо обҳои поку зулол, кӯҳҳои сар ба афлок, дашту ҳомуни сарсабзу хуррам, гулу гиёҳҳои дармонбахшаш касро болидарӯҳ месозад, онро дида наметавонистанд. Вале, миллате, ки соҳибилму соҳибхирад ва ливояш ба сӯи ваҳдату дӯстӣ ва ягонагӣ даъват менамояд, аз ҳама гуна гирдоби ранҷу зулмот баромада, ба зудӣ ба сулҳу сафо мерасад. Ватану миллати мо ҳарчанд борҳо аз имтиҳони сангини таърих бо сарбаландӣ гузашта бошад ҳам, бадхоҳон боз ин мардумро ба майдонҳо кашиданд. Шукри бахт, шукри иқбол, шукри илму хиради воло, шукри Офаридгор, ки ба минбари баланди раёсати Шӯрои Олӣ ҷавонмарди бонангу номус, огаҳдилу сиёсатмадор, ватандӯсту таърихдон Эмомалӣ  Раҳмонро нишонд.
Дар замоне ки сохторҳои давлатӣ фалаҷ гашта буд, танҳо роҳбари тозаинтихоб ва гурӯҳе аз вакилони халқ фаъолият мекарданду халос. Дар ин давраи ҳассос раҳидану раҳонидани халқу Ватан, эҳё намудани фишангҳои фалаҷгаштаи Ҳукумат, табобати қалбҳои шикаставу озурда ва даво бахшидан ба ҳазорон иллатҳои пеши рӯ истода, коре буд басо сангину мушкил. Вақте ки халқ фарзанди писандидаи худ Эмомалӣ Раҳмонро рӯ ба рӯйи хеш дид, ба рафтори нек, гуфтори нек ва пиндори некаш аз нахуст сухан, нахуст қадам ва нахуст савгандаш насими сулҳу ваҳдат, иттиҳоду якпорчагиро эҳсос кард. Ба ӯ аз самими қалб эътимоду эътиқод баст.  Иродаи қавӣ, меҳру муҳаббати Сарвари давлат ба амалҳои неку накукориаш ҳар нафас пеши назари аҳли кишвар ва берун аз он ҷилвагар мегашт. Сиёсати иқтисодӣ, иҷтимоӣ, фарҳангӣ ва муаррифии Тоҷикистони азиз низ дар ҳамоишҳои бонуфузи байналмилалӣ тавассути донишу корнамоиҳои Эмомалӣ Раҳмон сурат гирифта, пас аз ҳар як шиносоиву муаррифии Ватан сафи дӯстони кишвари мо ба маротиб меафзуд.
Тантанаи сулҳу ваҳдат, ки омили асосии рушду пешрафт ва осоиши зиндагонии инсонҳо маҳсуб мешавад, заминаи боэътимодест барои ташаккули давлату давлатсозӣ. Халқу  Ватани азизи мо бо раҳнамоии Эмомалӣ Раҳмон баъди фароҳам омадани сулҳу субот ба корҳои созандагию бунёдкорӣ камари ҳиммат бастанд. Шикофтани қалби кӯҳи Анзоб, табдили Девдара ба Гулдара, дар як муддати кӯтоҳ бунёди роҳи оҳани Қӯрғонтеппа - Кӯлоб, пули Панҷи Поён, ки бо меҳнати босамари муҳандисону коргарони маҳаллӣ ва кумаки беғаразонаи дӯстон  мавриди истифода қарор гирифтанд, дар қалби мардум шуълаи умед барафрӯхт.
Файзу баракати сулҳу ваҳдати миллӣ ҳамқадами халқи кишвар аст. Сулҳу субот, сиёсати хирадмандона ва сулҳҷӯёнаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рӯи оламиён, ки бо нияти пок вориди сарзамини мо мегарданд, дарҳоро во намуданд. Пешрафту тараққиёте, ки дар тӯли ин солҳо ба даст омадааст, бешак, аз файзу баракати ваҳдат аст.
Сайдулло МАЛЛАЗОДА,
сардори раёсати тандурустии вилояти Хатлон


Баёни ақида (0)    Санаи нашр: 20.06.2017    №: 130    Мутолиа карданд: 445

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед