logo

сиёсат

ВАҲДАТ - МИЗБОНИ ВАҲДАТ

Дар саргаҳи таърихи ҳар халқу миллат фарзандони фарзонае меистанд, ки бо фидокорию худсӯзиҳои хеш роҳи пешрафт ва шукуфоии миллатро меафрӯзанд. Онҳо  аз сӯхтану гудохтан боке надоранд, омода ҳастанд, ки ҳастии худро фидои  халқу давлаташон кунанд. Ба таъбири бузургворе “Агар онҳо омодаи сафар шаванд, моҳу хуршед роҳашонро мунаввар месозанд. Адолатро яксон мефаҳманду дар иқдому андешаи худ озоду соҳибихтиёранд”.

Барҳақ, Aсосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон аз арбобоне  мебошанд, ки маҳз аз чунин сифатҳо сиришта шудаанд. Пешвои миллатамон  тавонистанд   бо ақлу хиради азалӣ, фазлу дониш, рафтору кирдор ва корнамоиҳои хеш хидматеро барои халқу Ватан анҷом диҳанд, ки назир надорад.
Ба таъкиди ҳамин сифатҳои ҳамидаи инсониву хиради роҳбарии Президенти кишварамон яке аз ходимони ҷаҳони сиёсат, президенти Сенегал Абдулло Водӣ гуфтааст: «Тоҷикон халқи хушбахтанд, зеро Парвардигор ба онҳо чунин марди оқил ва дурандешеро ба ҳайси сарвар ва пуштибон додааст. Таҷрибаи сулҳофаринии ӯ дар таърихи инсоният нодир аст».
Оре, ҳар кӣ аз сарнавишти фоҷиабори миллати мо дар солҳои аввали соҳибистиқлолии кишварамон огаҳ аст, ба ҳаққонӣ будани ин баҳо заррае шубҳа намекунад. Зеро дар он солҳо ба таъбири устоди зиндаёд, Шоири халқии Тоҷикистон, барандаи Ҷоизаи давлатии ба номи Абуабдуллоҳи Рӯдакӣ Мирзо Файзалӣ:
Чи хурду чи бузург, анҷоми кори худ намедонист,
Ба кӣ ифшо кунад аҳволи зори худ, намедонист,
Ба гирдоби бало ғарқа, канори худ намедонист,
Куҷо монду куҷо афканд бори худ, намедонист,
Касеро дастгиру ғамгусори худ намедонист…

Перомуни хизматҳои барҷастаи Пешвои миллат дар эъмори давлати навини тоҷикон дар ибтидои солҳои 90 – уми қарни гузашта бисёр гуфтаанду навиштаанд. Танҳо зикри ҳамин нукта  кофист, ки бо мухолифини худ сари мизи гуфтушунид нишастану имзо кардани Созишномаи умумии истиқрори сулҳ ва ризоияти миллӣ, ба Ватан баргардондани гурезаҳо корест, ки назираш кам дида мешавад. Аммо мо дар ин матлаб сари дигар масъала - ҷасорату мардонагӣ ва меҳанпарастии муҳтарам Эмомалӣ Раҳмон изҳори андеша карданием, ки он  ба ҳодисаҳои   хунини аввали моҳи сентябри соли 2015  марбут мебошад.
Ин фоҷиа на танҳо мардуми шаҳри Ваҳдат, балки тамоми ҷумҳурӣ ва берун аз онро низ  ба ташвишу изтироб  овард. Ва дар ҳамон лаҳзаҳои вазнин сафари кории Сарвари давлат  ба шаҳри Ваҳдат дар назар буд. Бадхоҳони  миллат андеша доштанд, ки дар чунин вазъияти ҳассосу хавфнок Президенти мамлакат  аз ин сафар худдорӣ менамоянд. Вале ин марди шариф  бори дигар бо ҷасорату мардонагӣ собит намуданд, ки пешвои ҳақиқии ин халқу миллатанд. Он кас бидуни ягон шарту шароит субҳи шашуми сентябри соли 2015 вориди шаҳри Ваҳдат гардиданд. Зимни сафари кории хеш чандин иншоот ва муассисаи таълимиро мавриди баҳрабардорӣ қарор доданд. Бо мардум мулоқот ороста, бо суханҳои самимию рӯҳбахш онҳоро ба зиндагию ояндаи наку дилгармтар сохтанд. Ҳол он ки ҳамон вақт бадхоҳони миллат  дар дараи Ромит, паси кӯҳҳои баланд панаҳ бурда, бо ҳар роҳу восита мардумро ба тарсу ваҳм андохтан мехостанд. Аммо аз ин аъмоли разилонаи генерал Абдуҳалим Назарзода, ки ба давлату миллати хеш хиёнат карда, роҳи балвои мусаллаҳонаро пеш гирифта буд, Президенти мамлакат боке надоштанд. Зеро эътимодашон қавӣ буд, ки дигар мардуми кишвар фирефтаи дасисаҳои душманони миллат намешаванд ва дар саркӯб кардани онҳо ҳамдасти неруҳои низомӣ мешаванд.
Роҷеъ ба ҳамин масъала  Пешвои миллат дар ҷамъомаде, ки дар маркази Ҷамоати деҳоти Гулистон зимни ифтитоҳи муассисаи таҳсилоти миёнаи умумии №132  доир гардид, сухан карда,  махсус таъкид доштанд: «Ҳамватанони азиз,  шумо осуда бошед, мо кӯшиш мекунем, ки ин бадхоҳон ҳеҷ гоҳ ба мақсади нопоки  хеш нарасанд…». Дар ҳақиқат, дар давоми чанд рӯз  ин хиёнаткорони Ватан несту нобуд карда шуданд.
Аз ҷасорату мардонагии Сарвари давлат садҳо мисол овардан мумкин аст. Аммо, мо ба ҳамин мисол иктифо намуда, мегӯем, ки муҳтарам Эмомалӣ Раҳмон барҳақ Асосгузори сулҳу ваҳдати миллӣ ва Пешвои муаззаму мукаррами халқи тоҷиканд.
Инак, ҳамагон дар пешорӯи 20 - умин солгарди Рӯзи  Ваҳдати миллӣ қарор дорем. Моро шарафи бузурге насиб гашта, ки  тантанаҳои ҷумҳуриявии   ин ҷашни муборак бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ваҳдат баргузор мегардад. Ба ин хотир, дар ин гӯшаи  ободи диёр барои пазироии арзандаи иштирокдорони тантанаи ҷашнӣ тадбирҳои зарурӣ рӯи кор гирифта шуданд.
Имрӯз диёри Ваҳдат ваҳдатсарост, аз баракати сулҳу ваҳдат ва аз ин ҷашни бузурги миллӣ чеҳраҳои ҳамагон шукуфтаву дилҳо саршори фараҳанд. Садои  хандаи тифлакон ва шукронаи пиру ҷавон дар фазои сулҳободи шаҳри соҳили рӯдхонаи Кофарниҳон танинандоз аст, ки аз ояндаи неку дурахшон мужда медиҳад.
Хоҷазода Фарзона ҲАМДАМ,  муовини раиси шаҳри Ваҳдат


Баёни ақида (0)    Санаи нашр: 20.06.2017    №: 130    Мутолиа карданд: 550

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед