logo

ҳуқуқ

ҚОНУНШИКАНӢ. БОЗ ДАР БОРАИ ҚОЧОҚ

Кормандони Хадамоти гумруки назди Ҳукумати Ҷумҳурии Тоҷикистон тайи ду даҳрӯзаи моҳи июн қонуншиканиҳои зиёди  гумрукиро ошкор сохтанд, - иттилоъ доданд ба «Ҷумҳурият» аз маркази матбуоти хадамот. Дар миёни онҳо воридоти молу маҳсулот бидуни муоинаи гумрукӣ (қочоқ) ва напардохтани маблағҳои гумрукии муқаррарнамудаи қонунгузории кишвар мавқеи асосӣ доранд. Қочоқгарон бо ҳар роҳу восита – пинҳонӣ бе муоинаи гумрукӣ ворид намудани мол, фиребгарӣ дар нишон додани нарх ва номгӯи маҳсулот бо мақсади ба даст овардани даромади муфт ба буҷети давлат зарари калон мерасонанд.
Кормандони раёсати минтақавии гумрук дар минтақаи Суғд ва прокуратураи вилоят зимни як амалиёти муштарак дар анбори корхонаи собиқи гаҷбарории шаҳри Исфара 440 халта, ҷамъ 20 тонна донаи зағири истеҳсоли Қазоқистонро  ошкор сохтанд. Соҳиби мол шаҳрванди Тоҷикистон Д. А. ин миқдори калони маҳсулотро, ки арзиши умумиаш, тибқи хулосаи мутахассисони маркази ҷумҳуриявии  экспертизаҳои судӣ ва криминалистӣ, 160 ҳазор сомониро  ташкил медиҳад, ғайриқонунӣ , бе назорати гумрукӣ аз Ҷумҳурии Қирғизистон ба қаламрави кишвар ворид намудааст.
 Кормандони ҳамин раёсати хадамот ҳангоми гузарондани як амалиёти гумрукӣ аз хонаи сокини шаҳри Исфара шаҳрванд С.О. 1300 баста, ҷамъ 31200 дона нӯшокии қувватбахши  намуди «XL» - и истеҳсоли Лаҳистонро дарёфт ва мусодира карданд. Арзиши умумии мол, тибқи хулосаи коршиносон, 168480 сомонист. Маълум шуд, ки соҳиби мол шаҳрванд Ғ.О., сокини шаҳри Исфара, маҳсулоти қочоқиро аз Ҷумҳурии Қирғизистон аз рӯйи маслиҳати пешакӣ бо шаҳрвандони номаълуми ин кишвар пинҳонӣ аз назорати гумрукӣ ворид намудааст.
Аз тарафи кормандони раёсати минтақавии гумрук дар вилояти Суғд ва прокуратураи вилоят, ҳамчунин, аз анбори корхонаи «Роҳи Сомон» - и шаҳри Хуҷанд 480 адад телефони мобилии тамғаи «Samcynq SM B 350 E» (истеҳсоли Чин), ки арзиши умумиашон 160800 сомониро ташкил медиҳад, дарёфт ва мусодира гардид. Ин мол низ тариқи қочоқ - бидуни назорати гумрукӣ аз Ҷумҳурии Қирғизистон ворид гардида, соҳибаш шаҳрванд А.А., сокини Ҷамоати деҳоти Хистеварзи ноҳияи Бобоҷон Ғафуров, онро дар яке аз анборҳои шаҳри Хуҷанд пинҳон намудааст.
Сокини  39 – солаи шаҳри Нораки вилояти Хатлон мехост 14 адад тангаҳои гуногун ва як нишони сарисинагиро ба шаҳри  Маскав  интиқол диҳад. Мувофиқи ташхису  хулосаи мутахассисони соҳаи фарҳанги ҷумҳурӣ, моли ошкоршуда аҳамияти таърихӣ, нумизматикӣ ва осорхонавӣ дошта, тибқи қонунгузории кишвар, бе иҷозати идораҳои масъул ба берун аз қаламрави Тоҷикистон интиқол додани онҳо манъ аст. Тангаҳои мусодиракардашуда дар асрҳои 17 – 18 (заробхонаи Ҳисор) ва 19 – 20 сикка зада шудаанд.
Кормандони раёсати минтақавии гумрук дар ВМКБ дар дидбонгоҳи гумрукии Қизил – Арт мошини сабукрави тамғаи «УАЗ – 469» - ро, ки таҳти идораи ронанда О. А., сокини ноҳияи Мурғоб, қарор дошт, барои муоина боздошт  намуда, аз дохили он 720 шишаи 0,5 – литраи арақи истеҳсоли Ҷумҳурии Қирғизистонро дарёфт ва мусодира карданд. Маҳсулот ягон ҳуҷҷати тасдиқкунандаи бор надошт. Маълум гардид, ки машрубот ба шаҳрванди Ҷумҳурии Қирғизистон М. А., ки ҳоло муваққатан дар шаҳри Хоруғ истиқомат мекунад, тааллуқ дорад.
  Зимни як амалиёт кормандони раёсати ташкили мубориза бо ҳуқуқвайронкуниҳои Хадамоти гумрук аз соҳибкори тоҷик Х. Х. 20 номгӯи моли қочоқро, аз қабили чой, ҳалво, кафел, либос, қолин, селофан, дар 6 вагон пинҳонӣ, бо таҳрифи ҳуҷҷатҳо, бе баённома (декларатсия), бидуни барасмиятдарории гумрукӣ аз Ҷумҳурии Исломии Эрон ба Ҷумҳурии Тоҷикистон ворид намудааст.
Оид ба ҳолатҳои зикршуда мутобиқи моддаҳои алоҳидаи Кодекси ҷиноятӣ ва Кодекси ҳуқуқвайронкунии маъмурии Ҷумҳурии Тоҷикистон парвандаҳои ҷиноятӣ оғоз гардида, барои идомаи тафтиш аз рӯи тобеияти тафтишотӣ ба мақомоти дахлдор супурда шуд.
С. АЗИЗӢ, «Ҷумҳурият»


Баёни ақида (0)    Санаи нашр: 21.06.2017    №: 131    Мутолиа карданд: 417

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед