logo

ҳуқуқ

ОҚИБАТИ ҶИНОЯТ ҶАЗО. ЯК УЗВИ ҲИТ 5 СОЛ ЗИНДОНӢ ШУД

Суди вилояти Хатлон Отабек Алимов, сокини 26-солаи ноҳияи Қубодиёнро бо иттиҳоми узвият дар “Ҳизби исломии Туркистон”, ташкилоти фаъолияташ мамнӯъ дар Тоҷикистон, 5 сол аз озодӣ маҳрум кард.
Отабек Алимов барои иштирок дар иттиҳоди ҷиноятӣ, ки дар моддаи 187 қисми 2-и Кодекси ҷиноятии Ҷумҳурии Тоҷикистон пешбинӣ шудааст, гунаҳкор дониста шуд.
Бино ба иттилои Сайфиддин Муҳиддинзода, судяи Суди вилояти Хатлон, Отабек Алимов ҳанӯз солҳои 2010-2011 бо ҳамсинфаш Суннатулло Нуриддинов ба наворҳои ҷангиён ва саркардаҳои “Ҳизби исломии Туркистон” (собиқ “Ҳаракати исломии Ӯзбекистон”, ки фаъолияташ бо ҳалномаи Суди Олии Ҷумҳурии Тоҷикистон аз 30 марти соли 2006 ҳамчун ташкилоти террористиву экстремистӣ манъ карда шудааст) дастрасӣ пайдо намуда, баъд аз тамошои он қарор додаанд, ки ба сафи ин ташкилот пайваста, бар зидди “кофирон” “ҷиҳод” мекунанд. Номбурда зери таъсири ҳамин андеша ва таблиғи ҳамдеҳаҳояш Юнусжон Саидову Суннатулло Нуриддинов моҳи июли соли 2011 бо баҳонаи муҳоҷирати корӣ ба шаҳри Маскав рафтааст.
Тавре дар мурофиаи судӣ маълум гардид, Илҳомжон Саломов ном таблиғгари “Ҳизби исломии Туркистон”, ки дар Федератсияи Русия сукунат дошт, онҳоро ба чунин гумроҳӣ андохтааст. Баъд аз мағзшӯӣ Юнусжон ҳамроҳи се шаҳрванди Тоҷикистон ба Озайрбойҷон рафтанд. Мусофирон се рӯз дар меҳмонхона будубош карда, пасон ба Зоҳидони Эрон ва аз он ҷо ба минтақаи Шактуи вилояти Вазиристони Покистон, ки пойгоҳи низомии “Ҳизби исломии Туркистон” ҳамон ҷо воқеъ буд, сафар намуданд.
Дар Покистон Отабеку ёронаш ба Усмон ном амири ҳизби номбурда қасам ёд карда, шомили ин созмони ифротию террористӣ гардиданд. То моҳи майи соли 2013, яъне тақрибан ду сол дар асоси барномаи “Ҳизби исломии Туркистон” таълимоти ҳарбӣ гирифта, якҷо бо дигар аъзои ин иттиҳоди ҷиноятӣ  пойгоҳи  низомии “ҲИТ”, воқеъ  дар минтақаи Шактуи Вазиристони Покистонро ҳимоя кардааст. Ӯ, инчунин, истифодаи намудҳои гуногуни силоҳу воситаҳои тарканда ва дигар фаъолияти дорои хусусияти террористию экстремистиро омӯхт.
Отабек Алимов дар Ҷумҳурии Исломии Покистон тибқи 7 моддаи қонуни ҷиноятии он кишвар маҳкум ба зиндон гардида, 2 марти соли 2017 бо ҳукми суд сафед ва озод ва ба Тоҷикистон баргаштааст.
Мутаассифона, тайи чанд соли охир шумораи зиёди ҷавонон аз деҳаи Навбаҳори ноҳияи Қубодиён ба гурӯҳҳои тундрави террористӣ пайвастаанд. Чунончи, танҳо дар давоми солҳои 2008-2012 беш аз 30 сокини ҷавон аз ин маҳали ӯзбекнишин бо иттиҳоми ҳамдастӣ бо “Ҳаракати исломии Ӯзбекистон” боздошт шудаанд. Зимнан, суди вилояти Хатлон танҳо дар панҷ моҳи соли 2017-ум 28 парвандаи ҷиноятиро алайҳи 30 нафар баррасӣ кардааст, ки онҳо дар пайравӣ ва узвият ба ҳизбу ҳаракатҳои экстремистию террористӣ айбдор шудаанд.
Лашкар ШАРИФ, «Ҷумҳурият»


Баёни ақида (0)    Санаи нашр: 22.06.2017    №: 132    Мутолиа карданд: 548

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед