logo

иҷтимоиёт

ҲАДАФ. ТАЪМИНИ ШАРОИТИ АРЗАНДА ВА РӮЗГОРИ ОСОИШТА

Аз қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»   даҳ сол пур шуд. Дар ин муддат шароити мусоид фароҳам омад, то сокинони кишвар зимни баргузории маросимҳои тӯю азодорӣ аз исрофкории беҳуда, хароҷоти калони молиявӣ худдорӣ кунанд ва маблағи сарфакардаашонро ба осудагии рӯзгори худу таълими фарзандон харҷ намоянд. 

- Баъд аз қабули қонун  сатҳу сифати зиндагии мардум рӯ ба беҳбудӣ овард. Сокинони маҳаллаи мо  дар баргузории ҷашну маросимҳо, махсусан тӯйҳои  арӯсиву домодӣ ва хатнасур  сабукии ҷиддӣ эҳсос карданд, - иброз дошт Баҳринисо Собирова, раиси кумитаи маҳаллаи «Тиллокон»-и шаҳри Хуҷанд. - Зеро, пеш аз ин онҳо ба шахсони сарватманд тақлид карда, тамоми ёфту тофти худро барои баргузории тӯйҳои дабдабанок сарф менамуданд. Баъзе оилаҳо маҷбур мешуданд, ки аз хешу ақрабо ё бонкҳо қарз гирифта, маъракаашонро гузаронанд. Шукри соҳибистиқлоливу соҳибдавлатӣ, ки ин санади муҳим ба тасвиб расида, ба мардум сабукии зиёд овард.
Бо вуҷуди дастовардҳои назаррас, ҳанӯз ҳам дар ин самт камбудию норасоиҳо ба чашм мерасанд. Масалан, бо баҳонаи доир намудани хатнасури набера, аслан маросими домодталбон мегузаронанд, ки қобили қабул нест. Дар масъалаи мебелбарони пеш аз тӯйи арӯсӣ, ки маблағи калонро талаб мекунад, пешниҳод кардем, ки ин кор баъд аз як соли баргузории тӯй, вақте навхонадорон дар ин муддат ҳамдигарро дуруст шинохтаю барои оилаи мустаҳкам замина мегузоранд, анҷом дода шавад. Худнамоӣ дар оростани дастархон низ ба шарофати ин қонуни миллӣ аз байн рафта, гузоштани пиставу бодом, мурғу моҳибирён манъ гардид. Пешниҳоди дигар ин аст, ки ташкилотҳои қарздеҳ пеш аз додани маблағ бояд  мушаххас намоянд, ки қарзгиранда бо кадом мақсад ба онҳо муроҷиат кардааст. Агар барои гузарондани тӯйи домодию арӯсӣ бошад, аз додани қарз худдорӣ намоянд. Зеро ҳолатҳое ба мушоҳида мерасанд, ки шахсони алоҳида қарзи худро бо гузашти чандин сол пардохт карда наметавонанд.
  - Ба андешаи ман, тарғибу ташвиқи қонун миёни мардум дуруст ба роҳ монда нашудааст. Барои назорати қатъӣ ва иҷрои бечунучарои қонун дар бахшҳои танзим ва ҷашну маросимҳои шаҳру навоҳӣ илова кардани як воҳиди корӣ  ба мақсад мувофиқ аст, - зикр кард  Адиба Неъматова, сармутахассиси  шуъбаи кор бо занон ва оилаи мақомоти иҷроияи маҳаллии  ҳокимияти давлатии шаҳри Конибодом. - Хуб мебуд, агар духарони тоҷик  дар  рӯзи  тӯйи арӯсӣ либоси миллӣ ба бар карда, маблағеро, ки  барои истифодаи  чандсоатаи либоси  арӯсии  аврупоии гароннарх    (фата) сарф мешавад,  ҷиҳати пешбурди зиндагии ояндаашон захира намоянд. 
Шӯрои иттифоқҳои касабаи вилояти Суғд пешниҳод дорад, ки маъракаи «оши тӯй», ки  қаблан «оши наҳор» мегуфтанд, новобаста аз рӯзи корӣ ё истироҳат аз соати 5.30 то 7.00, яъне дар 1,5 соат баргузор гардад. Ҳамчунин, ҷиҳати боз ҳам камхарҷ шудани маросимҳои хурсандӣ, аз ҷумла «оши наҳор»  ба дастархон гузоштани донагӣ ва шириниҳои гуногун манъ карда шавад. Маросими домодталбон, ба таври ихтиёрӣ, дар доираи хешу табор, вале бо ширкати то 60 нафар гузаронда шавад.
Имрӯзҳо дар саросари мамлакат барои боз ҳам такмил додани ин қонуни миллӣ фикру мулоҳиза ва пешниҳодҳои мушаххаси мардум тавассути рӯзномаю маҷаллаҳо, барномаҳои телевизион ва радио баён мегарданд.  Тағйиру иловаҳое, ки дар назар аст ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ворид гарданд, пеш аз ҳама, барои таъмини шароити арзандаи зиндагӣ барои ҳар як сокини кишвар ва рӯзгори осоиштаи мардум мусоидат хоҳанд кард.
Ҷовиди  АШТӢ, «Ҷумҳурият»


Баёни ақида (0)    Санаи нашр: 22.06.2017    №: 132    Мутолиа карданд: 429

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед