logo

сиёсат

САМАРИ ЯК СОЗИШ

Созишномаи умумии истиқрори сулҳ ва ризоияти миллӣ санади басо муҳиму тақдирсоз, рамзи аслии якдиливу сарҷамъии миллат, нишонаи хирадмандӣ, инсондӯстӣ, шаҳодати тантанаи ақлу хиради солим ва сулҳу суботи пойдор дар саросари мамлакат гардид.
Имзои ин санади тақдирсоз ва ба дунболи он таҳкими ваҳдати миллӣ дар баробари дигар бахшҳои ҳаётан муҳими ҷомеа як шохаи асосии ҳокимияти давлатӣ - ҳокимияти судӣ низ ба марҳалаи ҷадиди таҳаввулот ворид гардид. Чунончи, бо фармони Президенти Ҷумҳурии Тоҷикистон 23 июни соли 2007 аввалин маротиба “Барномаи ислоҳоти судӣ-ҳуқуқӣ дар Ҷумҳурии Тоҷикистон” ба тасвиб расид. Ин барнома барои кормандони мақомоти судӣ як манбаи бойи амалисозии тадбирҳои мушаххас оид ба рушди қонунгузорӣ маҳсуб меёбад. Дар ин замина, қонунгузорӣ боз ҳам мукаммалтар гардида, ҳамаи кодексу қонунҳо ба  Конститутсияи  Ҷумҳурии Тоҷикистони мутобиқ гардонда шуданд.
Баъдан, дар заминаи паёмҳои Президенти Ҷумҳурии  Тоҷикистон ба Маҷлиси Олӣ, аз 15 апрели соли 2009 ва 24 апрели соли 2010, ниёзи таҳия ва тасдиқ кардани барномаи дувуми болозикр ба миён омад. Мақсад аз тасвиби ҳар ду барнома таҳкими минбаъдаи ҳокимияти судӣ, баланд бардоштани нақши суд дар ҳифзи ҳуқуқу озодиҳои инсон, рушди  қонунгузорӣ  ва  мукаммал  гардондани қонунҳо мебошад. Ва дар раванди иҷрои дақиқи ин барномаҳо кодексҳои ҳуқуқвайронкунии маъмурӣ, мурофиавии ҳуқуқвайронкунии маъмурӣ, мурофиавии ҷиноятӣ ва мурофиавии гражданӣ дар таҳияи нав пешниҳод гардиданд.
Мувофиқи  Кодекси  мурофиавии ҷиноятии Ҷумҳурии Тоҷикистон  ваколатҳои  ба  ҳабс ва ҳабси хонагӣ гирифтан, кофтукови  манзил, ҳабси  молу  мулк, муваққатан  аз  вазифа  дур  кардан  ва  ғайраҳо  ба  салоҳияти  судҳо  вогузор  шуд, ки ин барои баланд бардоштаи нуфузи ҳокимияти судӣ заминаҳои воқеӣ гузошт.
Ҳамин тавр, қабули  қонунҳои  нав, ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи судҳои Ҷумҳурии Тоҷикистон”  салоҳияти  судҳоро то қадри имкон васеъ  намуда, масъулияти онҳоро боз ҳам баланд бардошта, барои ташкил шудани коллегияҳои судӣ оид ба парвандаҳои оилавӣ ва маъмурӣ дар Суди Олӣ, суди шаҳри Душанбе, суди  Вилояти  Мухтори  Кӯҳистони  Бадахшон   ва судҳои вилоятӣ замина гузошт. Зимнан, пас аз имзои Созишномаи умумии истиқрори сулҳ ва ризоияти миллӣ ба Конститутсияи Ҷумҳурии Тоҷикистон тағйиру иловаҳо ворид гардиданд, ки ин ба ислоҳот ва рушди низоми судӣ дар мамлакат таъсири амиқ гузошт.
Куллан тағйир додани нақши ҳокимияти судӣ дар давраи баъд аз имзои Созишномаи умумии истиқрори сулҳ ва ризоияти миллӣ дар Тоҷикистон ва ворид намудани тағйиру иловаҳо ба Конститутсияи Ҷумҳурии Тоҷикистон дар он ифода меёбад, ки муҳлати амали ваколати судяҳои таъйиншуда аз панҷ сол ба даҳ сол зиёд шуд. Дар доираи татбиқи барномаи ислоҳоти судӣ - ҳуқуқӣ сохтори судҳо такмил ёфта, вазъи иҷтимоии кормандон низ беҳтар гардид. Ин ва дигар дастовардҳои мақомоти судӣ самараи ваҳдати миллӣ буда, мо кормадони соҳаро водор месозад, ки барои ҳифзи ҳуқуқу озодиҳои инсон ва шаҳрванд, таъмини адолати судӣ дар ҳама самт беш аз пеш талош варзем.
Рустам МИРЗОЗОДА,
раиси суди вилояти Хатлон


Баёни ақида (0)    Санаи нашр: 22.06.2017    №: 132    Мутолиа карданд: 672
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед