logo

иҷтимоиёт

НАШЪАМАНДӢ ТАНҲО МУШКИЛИ ЯК СОҲА НЕСТ

Солҳои ҷанги таҳмилии шаҳрвандӣ бо сабаби дур будан аз варзиш ва тарзи ҳаёти солим, инчунин бекорию бенавоӣ, баъзе ҷавонон ба рафторҳои ноҷо, аз ҷумла фурӯш, интиқол ва истеъмоли моддаҳои нашъаовар машғул мешуданд. Он замон андеша намекарданд, ки мубталои бемории вазнини нашъамандӣ гашта, ҷони ҷавони хешро бо дасти худ ба доми марг месупоранд.
Тибқи омори Муассисаи давлатии «Маркази миллии мониторинг ва пешгирии нашъамандӣ» - и Вазорати тандурустӣ ва ҳифзи иҷтимоии аҳолии ҷумҳурӣ ва Агентии назорати маводи нашъаовари назди Президенти Ҷумҳурии Тоҷикистон, ашхоси гирифтори бемории нашъамандӣ айни замон дар ҷумҳурӣ 7067 нафарро ташкил медиҳанд, ки 5756 нафарашон маводи сахттаъсири героин истеъмол мекунанд. Аз ин теъдод 4486 нафар (63,5 дарсад) ин навъи маводи мухаддирро тариқи сӯзандору истифода мебаранд.
Агар соли 2007 теъдоди истеъмолкунандагони маводи мухаддири сабтшуда 909 нафар бошад, пас соли сипаришуда ин нишондод 401 нафарро ташкил дод. Ин аз он шаҳодат медиҳад, ки дар ҷумҳурӣ тӯли 10 соли охир ин нишондиҳанда ду маротиба коҳиш ёфтааст.
Ҳамзамон, боз як мушкилоти дигар-тамаркузи сирояти вируси норасоии масунияти одам дар байни ашхоси гирифтори бемории нашъамандӣ муҳим арзёбӣ мегардад. Зеро яке аз роҳҳои асосии сирояти ин вирус дар Ҷумҳурии Тоҷикистон тавассути сӯзандоруҳои сироятёфта, яъне тариқи тазриқӣ сурат мегирад. Миқдори ин гуна ашхос ба 3668 нафар расидааст, ки 40 дарсади омори расмии беморони ба вируси мазкур сироятёфтаро ташкил медиҳад.
Нашъамандӣ танҳо масъалаи мубрами соҳаи тандурустӣ нест, он ҳамчун бемории хислати иҷтимоидошта маҳсуб ёфта, истеъмоли маводи мухаддир мушкилоти ҷомеа ба шумор меравад. Чунин иқдомҳо дар радифи баландбардории сатҳи иттилоотонии аҳолӣ оид ба ин беморӣ асоси чораҳои пешгирӣ аст. Маҳз бо чораҷӯиҳои саривақтӣ метавон марги нобаҳангоми садҳо ҷавонро пешгирӣ кард.
Вазифаи аввалиндараҷаи сиёсати давлатии зидди гардиши ғайриқонунии маводи мухаддир, пеш аз ҳама, бояд ба муборизаи беамон нисбат ба интиқол ва гардиши он, пешгирии бемории нашъамандӣ ва паст намудани сатҳи талаботи аҳолӣ ба маводи мадҳушкунанда равона гардад. Ба маврид аст суханони Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмонро барои ҳушдори ҷомеа хотиррасон намоем: «Муомилоти ғайриқонунии маводи мухаддир омили нигаронкунанда буда, яке аз сарчашмаҳои асосии маблағгузории терроризми байналмилалӣ маҳсуб меёбад».
Бо назардошти гуфтаҳои боло гуфтанием, ки дар ин самт корҳои таблиғотию ташвиқотӣ ва фаҳмондадиҳиро беш аз ҳар вақти дигар бояд пурзӯр намоем. Зеро ақли солим, тани солим ва рӯҳи солим зиндагиро рангин ва босаодат мегардонад. Дар ин сурат ҷавонон бо меҳнати ҳалол рӯзгорашонро пеш бурда, содиқона ба Ватан хизмат менамоянд, кишвари азизамонро ободу шукуфон мегардонанд ва миллати сарбаланди тоҷикро ба қуллаҳои мақсуд мерасонанд.
Рустам ТУРСУНОВ,
саркотиби илмии Пажӯҳишгоҳи илмӣ - тадқиқотии
тибби профилактикии Тоҷикистон


Баёни ақида (0)    Санаи нашр: 28.06.2017    №: 134-135    Мутолиа карданд: 437

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед